ئیدارەی گەرمیان شەش بڕیاری دەرکرد - پرس میدیا

إعلان فوق المشاركات

ئیدارەی گەرمیان شەش بڕیاری دەرکرد

ئیدارەی گەرمیان شەش بڕیاری دەرکرد

پرس میدیا

ئیداره‌ی گه‌رمیان رایگەیاند، خاوەن کۆمپانیا و مارکێتەکان و بازرگانەکان دەتوان لە کاتژمێر ١٢ شەو بۆ ٦ بەیانی شتومەک بۆ شوێنەکانیان ببەن، هەروەها هۆشیدارییش دەداتە خاوەن باخ و کێڵگەکانیش.


ئیداره‌ی گه‌رمیان راگەیەندراوێکی بڵاوکردەوە و تێیدا هاتووە: سه‌ڵاح كوێخا سه‌رپه‌رشتیاری ئیداره‌ی گه‌رمیان به‌ده‌مه‌وه‌ هاتنی هاوڵاتیان بۆ بڕیاره‌كانی حكومه‌ت و ماندوبونی ئه‌و كارمه‌ندانه‌ی له‌ئه‌ركدان رۆڵی باشی بینیوه‌ له‌ بڵاونه‌بونه‌وه‌ی ڤایرۆسی كۆرۆنا بۆیه‌ لێره‌وه‌ سوپاسی كارمه‌ندان و هاوڵاتیانی خۆشه‌ویست ده‌كه‌ین.

ئاماژە بەوەشکراوە، پاش تاوتوێكردنی بارودۆخه‌كه‌ و ده‌رئه‌نجامه‌كان و خستنه‌ڕووی پێشنیار و تێبینییه‌كان، له‌سه‌ر رۆشنایی بڕیاره‌كانی وه‌زاره‌تی ناوخۆ، له‌لایه‌ن ئه‌ندامانی ژووری ئۆپه‌راسیۆنه‌كانی ئیداره‌ی گه‌رمیان، ئه‌م بڕیارانه‌ی لای خواره‌وه‌ دەرکران:

1- داوا له‌و هاوڵاتیانه‌ ده‌كه‌ین له‌ كۆماری ئیسلامی ئێرانه‌وه‌ گه‌ڕاونته‌وه‌ و تا ئێستا پشكنینیان ئه‌نجامنه‌داوه‌، له‌ ماوه‌ی (72) كاتژمێر به‌ خۆیان و پاسپۆرته‌كانیان سه‌ردانی نه‌خۆشخانه‌ی گشتی كه‌لار بكه‌ن به‌ مه‌به‌ستی وه‌رگرتنی سامپڵی پێویست بۆ پشكنین، به‌پێچه‌وانه‌وه‌ هه‌ر یه‌كێك له‌و هاوڵاتیانه‌ سه‌ردان نه‌كات رێكاری یاسایی به‌رامبه‌ر ده‌گیرێته‌به‌ر، ته‌واوی ئه‌و هاوڵاتیانه‌ ناو و ناونیشان و ژماره‌ی ته‌له‌فۆنی له‌به‌رده‌ستمانه‌.

2. درێژكردنه‌وه‌ی قه‌ده‌غه‌ی هاتوچۆ تا رۆژی (24/3/2020)، ته‌نها شانده‌ فه‌رمییه‌كان و رێكخراوه‌كان و راگه‌یه‌ندنكاران و ئه‌و كارمه‌ندانه‌ی له‌ ئه‌ركدان ده‌توانن هاتوچۆ بكه‌ن.

3. له‌ ماوه‌ی قه‌ده‌غه‌ی هاتوچۆ خاوه‌ن كۆمپانیاكان و ماركێته‌كان و بازرگانه‌كان، ده‌توانن له‌ كاتژێر (12) ی شه‌و تا (6)ی به‌یانی شمه‌ك و خۆراك بۆ ماركێته‌كان و شوێنی كاریان بهێنن.

4. جوتیاران و خاوه‌ن باخ و مه‌زره‌عه‌كان، له‌ (12)ی شه‌و تا (6)ی به‌یانی رێگه‌یان پێده‌درێت سه‌ردانی باخه‌كانیان بكه‌ن به‌ مه‌به‌ستی راییكردنی كاره‌كانیان.

5. رێكخستنه‌وه‌ی كاری مه‌رزی په‌روێزخان و جموجۆڵی بازرگانی به‌شێوه‌یه‌ك زیاتر به‌ریه‌ككه‌وتن كه‌مبكرێته‌وه‌.

6. ئیداره‌ی گه‌رمیان ده‌سه‌ڵات ده‌به‌خشێته‌ قایمقامه‌كانی قه‌زای كه‌لار و قه‌زای كفری به‌ مه‌به‌ستی باشتر گرتنه‌به‌ری رێكاره‌كان له‌ پێناو رێگری له‌ بڵاوبونه‌وه‌ی ڤایرۆسی كۆرۆنا و سه‌لامه‌تی هاوڵاتیان.

 دارشتنەوە: باران

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©