وەزارەتی خوێندنی باڵا له‌باره‌ی خوێندنی ئه‌مساڵی زانكۆكان راگه‌یه‌ندراوێكی بڵاوكرده‌وه‌ - پرس میدیا

إعلان فوق المشاركات

وەزارەتی خوێندنی باڵا له‌باره‌ی خوێندنی ئه‌مساڵی زانكۆكان راگه‌یه‌ندراوێكی بڵاوكرده‌وه‌

وەزارەتی خوێندنی باڵا له‌باره‌ی خوێندنی ئه‌مساڵی زانكۆكان راگه‌یه‌ندراوێكی بڵاوكرده‌وه‌

پرس میدیا 

وەزارەتی خوێندنی باڵا و توێژینەوەی زانستی هەرێمی كوردستان رایده‌گه‌یه‌نێت، بژاردەی گونجاو لەبەر دەستن بۆ پاراستنی خوێندنی ئەمساڵ، تا دەگاتە پەیرەوکردنی شێواز و سیستمی ئۆنلاین کە یەکێکە لەو بژاردانەو داوا لە زانکۆکان کرا لەڕوی لۆجیستی و تەکنیکییەوە ئامادەکاری پێویستى بۆ بکەن. 

له‌راگه‌یه‌ندراوێكدا وەزارەتی خوێندنی باڵا و توێژینەوەی زانستی هەرێمی كوردستان ئاماژه‌ی به‌وه‌كردووه‌، كه‌ پاش نیوەڕۆى ئەمڕۆ یەکشەمە بەسەرپەرشتى ئارام محەمەد قادر سەرۆکى ئەنجومەنى وەزارەتى خوێندنى باڵا و توێژینەوەى زانستى کۆبونەوەى ژمارە (3)ى ئەنجومەنى وەزارەت بەڕێوەچو، کە لە چوارچێوەی جێبەجێكردنی ڕێنماییە تەندروستییەکان، كۆبونەوەكە لە ڕێگەی ڤیدیۆ كۆنفرانسەوە ئەنجامدرا. كە بریکارى وەزارەت و سەرۆک زانکۆکانى کوردستان و ئەندامانی دیکەی ئەنجومەن تێیدا بەشداربون. 

له‌به‌شێكی تری راگه‌یه‌ندراوه‌كه‌ هاتووه‌ "سەبارەت بە بەردەوامبونی پرۆسەی خوێندن لە حاڵەتی درێژکردنەوەی پشوەکان بەهۆی ڕێککارە خۆپارێزیەکانی تایبەت بە ڕێگرتن لە بڵاوبونەوەی پەتای کۆرۆنای نوێ، هەروەها بژاردەی خوێندنی ئۆنلاین و بەکارهێنانی ئەو پلاتفۆرمانەی کە لە ئێستادا لەلایەن سەرۆکایەتی ئەنجومەنی وەزیرانەوە کاری بۆ دەکرێت تەوەرێکی دیکەی گفتوگۆکان بون". 

هه‌روه‌ها ئاماژه‌ی به‌وه‌شكردووه‌، كه‌ هەر لە کۆبونەکەدا ئەنجومەنی وەزارەتی خوێندنی باڵا و توێژینەوەی زانستی بە کۆی دەنگ بریاریان دا کە هەمو توانا مرۆیی و لۆجیستییەکانی دامەزراوەکانی خوێندنی باڵا بەکار دەهێنرێت بۆ پاراستنی پرۆسەی خوێندنی ئەمساڵ. 

ئه‌وه‌شخراوه‌ته‌ڕوو "ئەنجومەنی وەزارەتی خوێندنی باڵا دڵنیایی دەداتە قوتابیان و خوێندکاران کە بژاردەی گونجاو لەبەر دەستن بۆ پاراستنی خوێندنی ئەمساڵ، تا دەگاتە پەیرەوکردنی شێواز و سیستمی ئۆنلاین کە یەکێکە لەو بژاردانەو داوا لە زانکۆکان کرا لەڕوی لۆجیستی و تەکنیکییەوە ئامادەکاری پێویستى بۆ بکەن". 

باس له‌وه‌شكراوه‌، كه‌ لە کۆتایی کۆبونەوەکەدا ئەندامانی ئەنجومەنی وەزارەت کۆک بون لەسەر ئەو پرەنسیپەی کە سەرەڕای گرفت و ئاڵنگارییەکان، زانکۆکانی کوردستان لە توانایاندایە پە پشتیوانی تەواوی خوێندکاران و قوتابیان بن بۆ ئەوەی هەمو پێکەوە کار بکەین بۆ پاراستنی پرۆسەی خوێندنی باڵا لە هەرێمەکەمان. 

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©