لەكوردستان هەموو هێزەكانی ناوخۆ خرانە حاڵەتی ئامادەباشیەوە - پرس میدیا

إعلان فوق المشاركات

لەكوردستان هەموو هێزەكانی ناوخۆ خرانە حاڵەتی ئامادەباشیەوە

لەكوردستان هەموو هێزەكانی ناوخۆ خرانە حاڵەتی ئامادەباشیەوە


پرس میدیا

وه‌زیری ناوخۆی حكومه‌تی هه‌رێمی كوردستان،بەفەرمانێك سه‌رجه‌م هێزه‌ ئه‌منییه‌كانی سه‌ر به‌ وه‌زاره‌تی ناوخۆی خسته‌ حاڵه‌تی ئاماده‌باشییه‌وه‌.

كەمێك لەمەوبەر له‌ فه‌رمانێكی وه‌زارییدا رێبەر ئەحمەد لەبەیاننامەیەكدا رایگەیاندووە، به‌ مه‌به‌ستی جێبه‌جێكردنی بڕیار و رێنماییه‌كانی حكومه‌تی هه‌رێم تایبه‌ت به‌ به‌ره‌نگاربوونه‌وه‌ی ڤایرۆسی كۆرۆنا، بڕیارماندا به‌:

1- گشت هێزه‌كانی ئاسایشی ناوخۆ له‌ ئه‌فسه‌ر و كارمه‌ندانی سه‌ر به‌ به‌ڕێوبه‌رایه‌تی گشتی دیوانی وه‌زاره‌ت و به‌ڕێوبه‌رایه‌تی هێزه‌كانی ئاسایشی ناوخۆ و به‌ڕێوبه‌رایه‌تی گشتی ناوخۆ، به‌ڕێوبه‌رایه‌تییه‌كانی سه‌ر به‌ به‌ڕێوبه‌رایه‌تی گشتی ره‌گه‌زنامه‌ی هه‌رێمی كوردستان، به‌ڕێوبه‌رایه‌تی گشتیی پۆلیس، به‌ڕێوبه‌رایه‌تی گشتی به‌ره‌نگاربوونه‌وه‌ی توندوتیژی دژی ئافره‌تان و خێزان، به‌ڕێوبه‌رایه‌تی پۆلیسی كاره‌بای هه‌رێم، به‌ڕێوبه‌رایه‌تی پۆلیسی دارستان و ژینگه‌ی هه‌رێم، دادگای هێزه‌كانی ئاسایشی ناوخۆ/ یه‌ك و دوو، ده‌سته‌ی پشكنینی هێزه‌كانی ئاسایشی ناوخۆ، كۆلیژی پۆلیسی هه‌ولێر و سلێمانی، به‌ڕێوبه‌رایه‌تی پۆلیسی مه‌شق و شیاندنی پارێزگای سلێمانی، سه‌ر به‌ به‌ڕێوبه‌رایه‌تی گشتی پۆلیس، ده‌خرێنه‌ حاڵه‌تی ئاماده‌باشییه‌وه‌، به‌ مه‌به‌ستی هاوكاریكردنی ئه‌و هێزانه‌ی كه‌ ئه‌ركی جێبه‌جێكردنی رێنماییه‌كانی به‌ره‌نگاربوونه‌وه‌ی ڤایرۆسی كۆرۆنایان پێ سپێردراوه‌.

2- به‌ڕێوبه‌ری ئه‌و فه‌رمانگانه‌ی سه‌ره‌وه‌ له‌ پارێزگا و ئیداره‌ سه‌ربه‌خۆكان هه‌ماهه‌نگی ده‌كه‌ن له‌گه‌ڵ به‌ڕێوبه‌ری پۆلیسی پارێزگا و ئیداره‌ سه‌ربه‌خۆكان بۆ دابه‌شكردنی ئه‌ركه‌كانیان و له‌ لایه‌ن خودی ئه‌و به‌ڕێوبه‌رانه‌ سه‌رپه‌رشتی ده‌كرێن، به‌ پێی رێنماییه‌كانی ژووری ئۆپراسیۆنه‌كانی پارێزگا و ئیداره‌ سه‌ربه‌خۆكان.

لەكۆتاییشدا جەخت لەوەكراوەتەوە، ئه‌م فه‌رمانه‌ له‌ رۆژی 23/3/2020 جێبه‌جێ ده‌كرێت

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©