وه‌زاره‌تی ته‌ندروستی 14 حاڵه‌تی نوێی كۆرۆنای راگه‌یاند - پرس میدیا

إعلان فوق المشاركات

وه‌زاره‌تی ته‌ندروستی 14 حاڵه‌تی نوێی كۆرۆنای راگه‌یاند

وه‌زاره‌تی ته‌ندروستی 14 حاڵه‌تی نوێی كۆرۆنای راگه‌یاند

پرس میدیا 

وه‌زاره‌تی ته‌ندروستی هه‌رێم تووشبوونی 14 كه‌سی دیكه‌ی به‌ ڤایرۆسی كۆرۆنا راگه‌یاند. 

له‌راپۆرتێكدا وه‌زاره‌تی ته‌ندروستی حكومه‌تی هه‌رێمی كوردستان ئاماژه‌ی به‌وه‌داوه‌ كه‌ ئه‌مڕۆ 14 حاڵه‌تی نوێی تووشبوون به‌ ڤایرۆسی كۆرۆنا تۆمار كراون. 

هه‌روه‌ها روونیشیكردووه‌ته‌وه‌ كه‌ سێ حاڵه‌ت له‌ هه‌ولێر وهه‌شت حاڵه‌ت له‌سلێمانی و سێ حاڵه‌ت له‌ هه‌ڵه‌بجه‌ تۆمار كراون. 

کۆی گشتی تووشبووان بە ڤایرۆسی کۆڕۆنای نوێ COVID-19 لە هەرێمی کوردستان گەشتە (٢٠٤) تووشبوو، لەنێویاندا (٢) مردن هەیە و (٦٢) نەخۆش چاکبووەتەوە، و ئەوانی تر هەموویان لەژێر چاودێری پزیشکی دان. 



ده‌قی راگه‌یه‌نراوه‌كه‌... 



ڕاگەیاندراوی وەزارەتی تەندروستی 

ژمارە (٣٦) 



سەبارەت بە نەخۆشی ڤایرۆسی کۆڕۆنای نوێ COVID-19 لە هەرێمی کوردستان، ڕێکارەکان بەردەوامن بەمشێوەیە: 



1. کەرەنتین 

ژمارەی هاووڵاتیان لە کەڕەنتینەکان (٦١١٦) هاووڵاتی بوون لە (٢٩) شوێنی جیاواز، لەئێستادا تەنها (١٦٤٧) هاووڵاتی لە کەرەنتین ماونەتەوە (٦٦٥) لە هەولێر، (١٧٠) لە سلێمانی، (٧٢٧) لە دهۆك، (٤٨) لە هەلەبجە، (٣) لە گەرمیان، (٣٤) لە ڕاپەرین وە (٤٤٦٩) هاووڵاتی لە کەرەنتین دەرچوونە و گەڕانەوە ناو خانەوادەکانیان دوای تەواو بوونی ماوەی دوو هەفتە لەگەڵ کەڕەنتین کردنی ژمارەیەکی تری کەرەنتین کراو لە ٢٤ کاتژمێری ڕابردوو کە کۆی گشتی بریتی بوو (١٧١) هاووڵاتی. 



2. پشکنین 

لەماوەی ٢٤ کاتژمێری ڕابردوو (١٠٤٠) پشکنین ئەنجام دراوە، (٨٢٩) هەولێر، (١٢٢) سلێمانی، (٨٩) دهۆك. 

دەرەنجام (١٤) تووشبووی نوێ تۆمارکرا وە بەم شێوەیەی خوارەوە:- 



• پارێزگای هەولێر (٣) پۆزەتیڤ، پیاوێك تەمەن (٥١) ساڵ لە گەشت گەڕابوویەوە و ئافرەتێك تەمەن (٢٢) ساڵ و مندالێك تەمەن (٩) ساڵ کە بەرکەوتووی تووشبووانی پێشوون. 

• پارێزگای سلێمانی (٨) پۆزەتیڤ، پیاوێك تەمەن (٥٠) ساڵ لە قەزای دەربەندیخان کە بەرکەوتووی تووشبووانی پێشووە، (٥) پیاو تەمەنیان (٥١)، (٢٥)، (٢٤)، (٢٣)، (٢٣) ساڵ وە (٢) ئافرەت تەمەنیان (٢٩)، (٢٧) ساڵ لە ناو شاری سلێمانی کە تەنها یەکیان پێشینەی گەشتی هەبووە بۆ ووڵاتی ئێران ئەوانی تر بەرکەوتووی تووشبووانی پێشوون. 

• پارێزگای هەلەبجە (٣) پۆزەتیڤ، (٣) مناڵ تەمەنیان (٩)، (٥)، (١) ساڵ کە لە یەك خێزانن و بەرکەوتووی تووشبووانی پێشوون. 



3. ئاماری گشتی 

کۆی گشتی تووشبووان بە ڤایرۆسی کۆڕۆنای نوێ COVID-19 لە هەرێمی کوردستان گەشتە (٢٠٤) تووشبوو، لەنێویاندا (٢) مردن هەیە و (٦٢) نەخۆش چاکبووەتەوە، و ئەوانی تر هەموویان لەژێر چاودێری پزیشکی دان. 



وێڕای دەستخۆشی بۆ پزیشکان و کارمەندانی تەندروستی و هەموو تیمەکانی پزیشکی کە لە کاردان جارێکی تر تکا دەکەین هاووڵاتیان بە هیچ شێوەیەك نەیەنە دەرەوە لە ماڵەکانیان وە پابەندبن بە ڕێنماییەکانی تەندروستی، وە لەکاتی پێویستدا پەیوەندی بکەن بە هێڵی گەرمی ژمارە (١٢٢). 



وەزارەتی تەندروستی 

حکومەتی هەرێمی کوردستان 

٣ی نیسانی٢٠٢٠

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©