سلێمانی؛ حەوت تۆمەتبار دەستگیرکران - پرس میدیا

إعلان فوق المشاركات

سلێمانی؛ حەوت تۆمەتبار دەستگیرکران

سلێمانی؛ حەوت تۆمەتبار دەستگیرکران

پرس میدیا

بەڕێوەبەرایەتیی پۆلیسی سلێمانی، رایدەگەیەنێت، حەوت تۆمەتباریان دەستگیرکرد ولێکۆڵینەوەش بەردەوامە و تۆمەتبارانیش راگیراون.

بەڕێوەبەرایەتیی پۆلیسی پارێزگای سلێمانی، راگەیاندراوێکی بڵاوکردەوە و تیایدا هاتووە، لەماوەی چەند رۆژی رابردوودا مەفرەزەكانی بەشی پۆلیسی نەهێشتنی تاوانی سلێمانی حەوت تۆمەتباریان دەستگیركرد، بەم شێوەیەی لای خوارەوەیە:

تۆمەتبارێك دەستگیركرا كە جامی ئۆتۆمبێلێكی لەناوشاری سلێمانی شكاندبوو و بڕی 600 هەزار دیناری لەناو ئۆتۆمبێلەكە بردبوو . لەئێستادا تۆمەتبار (د،ع،أ) لەدایكبووی 1975، دانیشتوی قەزای رانیە، بەبڕیاری دادوەر راگیراوە .

مەفرەزەكانی بەشی پۆلیسی نەهێشتنی تاوان دوو تۆمەتباریان دەستگیركرد .

پاش ئەوەی هاووڵاتییەك پەیوەندی بەفیتەری گەڕۆكەوە دەكات بۆ كارپێكردنەوەی ئۆتۆمبێلەكەی كە لەگەڕەكی شارەوانی لەشاری سلێمانی لەكار كەوتبووە، تۆمەتبارێك لەژێر ناوی فیتەری گەڕۆك بەهاوكاری تۆمەتبارێكی تر دەچنە لای ئۆتۆمبێلەكەو دوای كارپێكردنەوەی ئۆتۆمبێلەكە دەبەن و هەڵدێن .

دوای ئەوەی زانیاری گەیشتە پۆلیس و هاووڵاتی سكاڵای تۆماركرد مەفرەزەكان لێكۆڵینەوەكانیان دەستپێكردوو توانرا هەردوو تۆمەتبارەكە دەستگیربكەن و دەستیش بگرن بەسەر ئۆتۆمبێلەكەدا .

لەئێستادا هەردوو تۆمەتبار (ب،ج،ع) لەدایكبووی 2000 و (م،ج،م) لەدایكبووی 2001 بەبڕیاری دادوەر راگیراون .

باندێكی چوار كەسی دزینی ماتۆڕسكیل دەستگیركران

مەفرەزەكانی بەشی پۆلیسی نەهێشتنی تاوان چوار تۆمەتباریان دەستگیركرد كە پێش قەدەغەی هاتوچۆ هەستابوون بەدزینی ماتۆڕسكیل لەناو شاری سلێمانی .

دوای كۆكردنەوەی زانیاری و بەدواداچوونەكانی پۆلیس و وەرگرتنەوەی كامێراكانی چاودێری تۆمەتباران ناسرانەوەو توانرا ڕۆژی 12ی نیسانی 2020 هەرچوار تۆمەتبارەكە دەستگیربكرێن .

لەئێستادا تۆمەتباران :

(م،أ،ع) لەدایكبووی 2003

(م،ر،ر) لەدایكبووی 2003

(د،ب،ك) لەدایكبووی 1998

(م،ع،أ) لەدایكبووی 1998

بەفەرمانی دادوەر راگیراون و لێكۆڵینەوە لەگەڵیدا بەردەوامە .



داڕشتنەوە: باران

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©