به‌شێك له‌لایه‌نگرو كادرانی ناڕازیی پارتی هۆشداری ده‌ده‌نه‌ حزبه‌كه‌یان - پرس میدیا

إعلان فوق المشاركات

به‌شێك له‌لایه‌نگرو كادرانی ناڕازیی پارتی هۆشداری ده‌ده‌نه‌ حزبه‌كه‌یان

به‌شێك له‌لایه‌نگرو كادرانی ناڕازیی پارتی هۆشداری ده‌ده‌نه‌ حزبه‌كه‌یان

پرس میدیا

بەشێک لە کادر و لایەنگرانی ناڕازی پارتی هۆشداری ده‌ده‌ن، كه‌ درێژەکێشانی بێ باکیی حزب و حکومەت بەرامبەریان، کاردانەوەی خراپی لێ دەکەوێتەوە و دەبێتە دەستپێکی رووهەڵماڵینی زۆر راستی کە ئازارەکەی بۆ سەرکردایەتیی پارتی کوشندە دەبێت.

له‌راگه‌یه‌نراوێكدا، بەشێک لە کادر و لایەنگرانی ناڕازی پارتی له‌كه‌ركوك، 
ئاماژه‌یان به‌وه‌كردووه‌ "دوای وەرگرتنی هەڵوێست و بۆ جارێکی تر جێهێشتنی ماڵ و ئاوارەبوونمان، وا بۆ سێ ساڵ دەچێت، پرسی شار و خەڵکەکەمان بە جۆرێک فەرامۆش کراوە خەریکە دەگەین بەو گومانەی کە نە رەنجی تێکۆشەران و نە داهاتووی کەرکوک بە لاتانەوە گرنگ نەبێت".

هه‌روه‌ها ئەوەشیان خستووەتەڕوو "وێڕای ئەوەی هیچ کەسێک لەو تێکۆشەرانەی نەپرسیوەتەوە کە قوربانیی ئەو هەل و مەرجەی پاش رووداوەکانی شانزەی ئۆکتۆبەرن، کەم ئاوارەی بەهەڵوێستی پارتی هەبووە لە هەولێر بە جۆرێک لە جۆرەکان لەلایەن حکومەت و حزبەوە رووبەڕووی فشار و بێ موبالاتی دەزگا جۆراوجۆرەکان نەبووبێتەوە، کە لە هەمووی ناخۆشتر فەرامۆشکردن و لێنەپرسینەوەیانە".

له‌به‌شێكی تری راگه‌یه‌نراوه‌كه‌دا هۆشداری ده‌ده‌ن "درێژەکێشانی ئەو دۆخە و بێ باکیی حزب و حکومەت بەرامبەر ئەو تێکۆشەرانە، کاردانەوەی خراپی لێ دەکەوێتەوە و دەبێتە دەستپێکی رووهەڵماڵینی زۆر راستی کە ئازارەکەی بۆ سەرکردایەتیی پارتی کوشندە دەبێت."

ئەو کادر و لایەنگرە ناڕازییانە ئه‌وه‌شیان خستووه‌ته‌ڕوو "دەبوو پێش هەر لایەنێکی تر پارتی بیری لە چارەسەری گونجاو بۆ دۆخی کەرکوک و خەڵکەکەی کردبایەوە، بەداخەوە کە هەر بیریشی لای نەبووە. بۆیە ئەم نیگەرانییانە ئەگەر بە هەند وەرنەگیرێن، بەرەو دۆخی نەخوازراو دەڕۆین و پەردە لەسەر زۆر راستی تر هەڵ دەماڵین".

له‌كۆتایی راگه‌یه‌نراوه‌كه‌دا، كه‌ ئه‌مڕۆ بڵاویانكرده‌وه‌، روونیشیانکردووەتەوە "کاتێک دەبوو رۆڵمان لە‌ ئاساییکردنەوەی دۆخی کەرکووک هەبوایە، بێ گەڕانەوە بۆ یەک ئەندامی پارتیی کەرکوکی، دوور لە خواستی ئەو تێکۆشەرانە سەودای سیاسی بەو شارەوە دەکرا، مەگەر وەک هەواڵی راگوزەر لە تیڤییەکانەوە بڕێک زانیاریمان چنگ کەوتبا، کە دەبوو رەچاوی دۆخی ئاوارەیی ئەو پارتییانە بکرابا کە هەڵوێستی پارتبوون لە رەگی شارەکەیان هەڵی تەکاندوون، وەک ئەوەش نەکرا لە هەندێ دەزگە و ئۆرگانی پارتی زیاتر لە حەشد و ئەوانی تر کەوتنە لێدانی ئەو پارتییانە، هەر وەک ئەوان هۆکاری شکستی ریفراندۆم بن".

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©