سەرۆکی فراکسیۆنی کۆمەڵ داوای دروستکردنی ئەنجومەنێکی نوێ دەکات - پرس میدیا

إعلان فوق المشاركات

سەرۆکی فراکسیۆنی کۆمەڵ داوای دروستکردنی ئەنجومەنێکی نوێ دەکات

سەرۆکی فراکسیۆنی کۆمەڵ داوای دروستکردنی ئەنجومەنێکی نوێ دەکات

پرس میدیا

سەرۆکی فراکسیۆنی کۆمەڵی ئیسلامی رایگەیاند، "گرژییەکانی ئەمدواییەی زینی وەرتێ لەوە گەورەتر و قوڵترە کە پەیوەندی بە ناکۆکی پارتی و یەکێتی لەلایەک و پارتی و پەکەکە لەلایەکی دیکەوە هەبێت". 

عەبدولستار مەجید سەرۆکی فراکسیۆنی کۆمەڵی ئیسلامی لە پەرلەمانی کوردستان لە تۆڕی کۆمەڵایەتی فەیسبووک لە هەژماری تایبەتی خۆی رایەگەیاندووە، "گرژییەکانی ئەمدواییەی زینی وەرتێ لەوە گەورەتر و قوڵترە کە پەیوەندی بە ناکۆکی پارتی و یەکێتی لەلایەک و پارتی و پەکەکە لەلایەکی دیکەوە هەبێت، بەڵکو ڕەهەندێکی ئیقلیمی هەیە و بەشێکیشی پەیوەستە بە بەرژەوەندی هەندێ وڵاتی زلهێز و دەستوەردانی وڵاتانی ئیقلیمی". 

ئاماژەی بەوەشکردووە، "بەرژەوەندی کورد وەک نەتەوە و کوردستان وەک خاکێکی دابەشکراو و پارچە پارچەکراو کە هەر پارچەیەکی لەبندەستی وڵات و ڕژێمێکدایە، لە ئاژاوە و شەڕ و ناکۆکی و گرژی دروستکردندا نیە، ئەوەندەی پەیوەندی بە باشوری کوردستانەوە هەیە کە لە ساڵی ١٩٩٤ تا ساڵی ٢٠٠٠ گیرۆدەی شەڕی ناوخۆ بوو کە زیاتر لە ٣٠ هەزار کەسی تێدا بۆتە قوربانیی، زیانی گەورەی پێگەیشتووە . 

روونیکردەوە، "ئەمەی ئێستا ڕوودەدات دەرەنجامی ناکۆکی سێ هێزی سیاسییە کە هەریەکەیان ناوچەی جێنفوز و هێزی چەکداری تایبەتی بەخۆی هەیە و ناکۆکییەکانیشیان ڕەگوڕیشەی قوڵی هەیە، لەپێناو کۆنترۆڵکردنی گرد و دۆڵێکدا دەیان کەسیان لەیەکتری کوشتووە، بەڵام ئایا ئەو گرد و تەپۆڵکە و شوێنانەی نەی ئەمانە خەڵکیان لە پێناودا بەکوشتدا ئێستا لەژێر دەستی کێدایە؟ بۆیە بەپێویستی دەزانم کە هەموو هێزە سیاسییەکان بەتایبەتی لەم قۆناغە سەختەدا، دەست لە گرژی و ناکۆکی ئاژاوە نانەوە هەڵبگرن، میللەتی ئێمە چیتر بەرگەی شەڕ و ماڵوێرانی ناگرێت و هیچ هێزێکیش چاوەڕێی ئەوە نەکات کە خەڵک وەک ساڵانی نەوەدەکان و پێشتر خۆی بەکوشت دەدات لەپێناو بەرژەوەندی ئەواندا". 

سەبارەت بە ڕیگەچارە ئەوەشی خستەڕوو، "تەنها ڕێگەچارەش بۆ بەرگرتن لە هەڵاوسانی ناکۆکییەکان، دروستکردنی (ئەنجومەنی ئاسایشی نەتەوەیی) یان بەستنی (کۆنگرەی نەتەوەیی)ـیە کە لە ڕابردوودا بەهۆی پاوانخوازیی و هەوڵی لایەنێک بۆ سەپاندنی هەژموونی خۆی بەسەر ئەوانی دیکەدا کۆنگرەکەی لەباربرد، ئێستا لەهەمووکات زیاتر پێویستمان بەو کۆنگرە یان ئەنجومەنە نەتەوەییە هەیە کەلەسەر ئاستی هەرچوار پارچەکەی کوردستان پێکبهێندرێت، هەتا هەموو ئەو بڕیارە چارەنوسسازانەی پەیوەستن بە نەتەوەی کورد لەم ناوچەیە ئەو بیدات و خەڵک و خاکی کوردستانیش دووربخاتەوە لە مەترسی و هەوڵی پێکدادان و شەڕ و ئاژاوەی نێوان هێزە سیاسییەکان". 

ئەمەش لەکاتێکدایە، لە ماوەی رابردوودا گرژی و ئاڵۆزی لە زینی وەرتێ لە نێوان پارتی دیموکراتی کوردستان و یەکێتی نیشتمانی کوردستان و پارتی کرێکارانی کوردستان "پەکەکە" دروستبوو. 

داڕشتنەوە: محمد

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©