پەکەکە جارێکی تر هۆشداری دەداتە پارتی و یەکێتی - پرس میدیا

إعلان فوق المشاركات

پەکەکە جارێکی تر هۆشداری دەداتە پارتی و یەکێتی

پەکەکە جارێکی تر هۆشداری دەداتە پارتی و یەکێتی

پرس میدیا 

هەفتەی ڕابردوو کێشەیەکی سەربازیی لەنێوان هەرسێ هێزی چەکداری سەر بە پارتی دیموکراتی کوردستان و یەکێتی نیشتمانیی کوردستان و پارتی کرێکارانی کوردستان دروستبوو، تا ئێستا ئەو کێشەیە بە هەڵپەسێردراوی ماوەتەوە. 

سەرەتای کێشەکە دەگەڕێتەوە بۆ هەوڵی جێگیرکردنی هێزێکی پێشمەرگەی سەر بە پارتی دیموکراتی کوردستان لە ناوچەکە، کە لەدوای شەڕی ناوخۆ و بەگوێرەی ڕێککەوتننامەی واشنتۆن کە لەنێوان پارتی و یەکێتی واژۆکراوە، بە سنوری ژێر دەسەڵاتی یەکێتی هەژمار دەکرێت. 

دوای ئەوەی هێزەکەی پارتی گەیشتنە ئەو شوێنە بەرپرسانی یەکێتی لەو ناوچەیە ناڕەزایەتییان پیشاندا و داوایانکرد سنورەکە بەجێبهێڵن. 

بەڵام دوای ماوەیەک، هێزێکی نوێ جوڵێنراو و بەرەو هەمان سنور بەڕێکەوت، کە لیوایەکی هاوبەشی وەزارەتی پێشمەرگە بوو. 

هێشتا کێشەی نێوان پارتی و یەکێتی چارەسەر نەکرابوو، پەکەکە هاتە دەنگ، ٧٢ کاتژمێری دانا بۆئەوەی هەردوو هێزە نوێکە ئەو ناوچەیە بەجێبهێڵن. 

پەکەکە ئەو ناوچەیە بە دەرچەی بازرگانیی و سیاسیی خۆی دەزانێت، ئەگەر ئەوێ بکەوێتە دەست هێزێکی نەیاری پەکەکە، بەو واتایە دێت گەمارۆ کەوتووەتە سەر قەندیل. 

بەگوێرەی ئەو زانیاریانەی دەست پرس میدیا کەوتووە شەوی ڕابردوو جارێکی تر پەکەکە هەردوو هێزەکەی پارتی و یەکێتی ئاگادارکردووەتەوە کە ناوچەکە بەجێبهێڵن.

سەعدی ئەحمەد پیرە ئەندامی مەکتەبی سیاسیی یەکێتی ڕایگەیاند گفتوگۆ هەیە بۆ چارەسەر کردنی کێشەکە، بەڵام لەئاستی پێویستدا نییە. 

باسی لەوەشکرد کە ئەو ناوچەیە ناوچەی دەسەڵاتی یەکێتییە و پارتی نەدەبوو هێز بهێنێتە ئەوێ چوونکە ڕێگە نادات دوو پۆلیسی یەکێتیش بچنە ئەودیوی دێگەڵە. 

زین وەرتێ دەکەوێتە ناحیەی وەرتێوە و بەشێکە لە سنوری پارێزگای هەولێر و ناوچەیەکی شاخاویی و سەختە. 

زینی وەرتێ دەکەوێتە دامێنی چیای قەندیل و رێگەی هاتوچۆی هێزەکانی پەکەکەیە و باس لەوە دەکرێت کە لەو ناوچەیە دەیان بازرگان کاری بازرگانیی لەگەڵ پەکەکە دەکەن. 

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©