فراكسیۆنی پارتی لە پەرلەمان راگەیاندراوێکی بڵاوکردوە - پرس میدیا

إعلان فوق المشاركات

فراكسیۆنی پارتی لە پەرلەمان راگەیاندراوێکی بڵاوکردوە

فراكسیۆنی پارتی لە پەرلەمان راگەیاندراوێکی بڵاوکردوە

پرس میدیا

فراکسیۆنی پارتی له‌ په‌رله‌مانی کوردستان رایگەیاند،"پشتیوانی تەواو لە بڕیارەكەی حكومەت دەكەین لە كەمكردنەوەو بەخشینی كرێی كرێنشینانی حكومی."


فراكسیۆنی پارتی دیموکراتیی کوردستان لە پەرلەمانی کوردستان راگەیەندراوێكی بڵاوکردەوە تێیدا هاتووە: "وێڕای هیوای ساغ و سه‌لامه‌تی و پابه‌ندبونی هه‌مولایه‌ک به‌ ڕێنمایه‌کانی ته‌ندروستی. وه‌ک ئاگادارن له‌گه‌ڵ ده‌رهاوێشته‌کانی ئه‌و دۆخه‌ نه‌خوازراوه‌، باری سه‌رشانی خه‌ڵک و کاسبکاران و کرێنشینان قورستربوه‌، بۆیه ئێمه وه‌ک فراکسیۆنی پارتی له‌ په‌رله‌مانی کوردستان له‌ماوه‌ی چه‌ند ڕۆژی ڕابردو له‌گه‌ڵ دامه‌زراوه‌کانی حکومه‌ت و به‌تایبه‌ت کوتله‌ی وزاری پارتی له‌ حکومه‌ت، له‌ په‌یوه‌ندی و گفتوگۆ بوین بۆ دۆزینه‌وه‌ی ڕێگه‌یه‌کی یاسایی و که‌مکردنه‌وه‌و به‌خشینی کرێی کرێنشینانی حکومی و هاوڵاتی و هاوکاربونی خه‌ڵکی کوردستان، خۆشبه‌ختانه له‌ کۆبونه‌وه‌ی دوێنێی ئه‌نجومه‌نی وه‌زیران، ئه‌و بابه‌ته‌ بۆته‌ بڕیارو لێژنه‌ی یاسایی حکومه‌ت ڕاسپێردراوه‌ بۆ ئاماده‌کردنی ڕه‌شنوسی بڕیاره‌که‌"

ئەوەشی خستووەتەڕوو،"وەك فراکسیۆنی پارتی پشتیوانی ته‌واو له‌ هه‌نگاوی حکومه‌ت ده‌که‌ین و ئه‌گه‌ریش پێویستی به‌ بڕیاری ته‌شریعی کرد، له‌ په‌رله‌مانی کوردستان هه‌مو هه‌نگاوێک ده‌گرینه‌به‌ر بۆ ده‌رچواندنی ئه‌و بڕیاره‌و داواش له‌ ته‌واوی فراکسیۆنه‌کان ده‌که‌ین هاوکارو پشتیوانی ئه‌و هه‌نگاوه‌بن که‌ له‌م قۆناغه‌ خزمه‌تێکی باشه‌ به‌ کرێنشینانی کوردستان."

فراکسیۆنی پارتی راشیگەیاندوە،"هاوڵاتیانی کوردستان دڵنیاده‌که‌ینه‌وه‌، ده‌نگ و ڕه‌نگی داخوازیه‌کانی خه‌ڵکی کوردستانین له‌ په‌رله‌مانی کوردستان نوێنه‌رایه‌تی داواو ماف و خواسته‌کانتان ده‌کەین."

داڕشتنەوە: باران





ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©