پارێزگای سلێمانی بڕیاری کردنەوەی چەند شوێنێکی دا کە هاوڵاتیان پێویستیانە - پرس میدیا

إعلان فوق المشاركات

پارێزگای سلێمانی  بڕیاری کردنەوەی چەند شوێنێکی دا کە هاوڵاتیان پێویستیانە

پارێزگای سلێمانی بڕیاری کردنەوەی چەند شوێنێکی دا کە هاوڵاتیان پێویستیانە

پرس میدیا

پارێزگای سلێمانی هەشت ڕێنمایی نوێی بڵاوکردەوە کە تێیدا چەند شوێنێک دەکرێنەوە کە پێداویستی ڕۆژانەی هاوڵاتیانیان تێدایە.

پارێزگای سلێمانی لە ڕاگەیەنراوێکدا ئەوەی خستەڕوو ڕێوشوێنەکانی خۆپاریزی وەکو خۆیان دەمێننەوە و سەبارەت بە کردنەوەی هەندێک شوێن بڕیاریانداوە و لە هەشت خاڵدا کۆی ئەو ڕێنماییانە خراوەتەڕوو کە پێویستە ڕەچاوبکرێن.

دەقی ڕێنماییەکان:

یەكەم: مەترسییەكانی پەتای كۆرۆنا لە سلێمانی و هەرێمی كوردستان‌و جیهانیشدا بەردەوامن‌و پێویستە هەموولایەك بە خۆپارێزیی تەواوەوە پابەندی هەموو ڕێنمایی‌و ڕێكارە تەندروستیی‌و كارگێڕیی‌و ئارامییەكان بن.

دووەم: قەدەغەكردنی تەواوی هاتووچۆ لە سەعات (٦)ی ئێوارە بۆ (١٢)ی شەو بەردەوامەو، لە كاتەكانی تریشدا قەدەغەی هاتووچۆ درێژەی هەیە، تەنها لە حاڵەتی زۆر پێویستی دیاریكراودا، هاووڵاتیان دەتوانن بە پێ‌ لە سنوری گەڕەكەكەی خۆیاندا، (بە پابەندبوونی تەواویان بە ڕێنماییە تەندروستییەكانەوە)، پێویستیەكانیان دابین بكەن.

سێیەم: ئەو بڕیارو بەیان و ڕێكارو ڕێنماییانەی لەلایەن لیژنەی باڵای ئۆپراسیۆنەكانی هەرێمی كوردستان بۆ بەرەنگاربوونەوەی كۆرۆناو وەزارەتی ناوخۆو لیژنەی باڵای ئۆپراسیۆنەكانی پارێزگای سلێمانی بۆ بەرەنگاربوونەوەی كۆرۆنادا دیاریكراون، وەكو خۆیان جێبەجێ‌ دەكرێن.

چوارەم: نووسینگەو دوكانی پێداویستیە كشتوكاڵییەكان لە سەعات (٨)ی بەیانی بۆ سەعات (٢)ی پاش نیوەڕۆ كراوە دەبن.

پێنجەم: نووسینگەكانی دراوو حەواڵەكردن، بەپێی ڕێنمایی‌و ڕێكارەكانی قائیمقامیەتی قەزای مەڵبەندی سلێمانی، لەژێر چاودێری وردی تەندروستیی‌و ئارامیدا، تەنها لەو كات‌و شوێنانەی دیاریكراون دەكرێنەوە.

شەشەم: بانكە ئەهلیەكان هەفتانە لە ڕۆژانی دووشەممەو سێ‌ شەممەو چوارشەممەدا بەپێی ڕێنمایی‌و ڕێكارە تەندروستیەكان لە سەعات (٩)ی بەیانی بۆ سەعات (١)ی نیوەڕۆ دەكرێنەوە.

حەوتەم: خزمەتگوزارییەكانی (پێداویستیەكانی خانووبەرە (ئاوو كارەبا)، كارگەكانی خواردەمەنیی ئامادەكراو، وەرشەی چاككردنەوەی سەتەلایت و داتاكردنەوە، خزمەتگوزارییەكانی ئۆتۆمبێل (رۆنگۆڕو پەنچەرچی، وەرشەی چاككردنەوەی مۆبایل‌و فرۆشتنی پێداویستی مۆبایل، شوێنی ئوتوی هەڵم، سەرتاشخانەكان، ماسی فرۆشیی و شوێنەكانی فرۆشتنی ماسی، كەبابخانەو برژاوەكان)، تەنها لە سنوری گەڕەكەكاندا (واتە شوێنەكانی ناو سەنتەری شارو ناو بازاڕو مۆڵ‌و بازاڕە داخراوەكان‌و ئەو شوێنانەی كە لە ڕێنماییەكانی قائیمقامیەتی قەزای مەڵبەندی سلێمانیدا قەدەغەیان لەسەر دانراوە، ناگرێتەوە))، بەپێی ئەو ڕێنمایی‌و ڕێكارانەی كە لەدوای دەرچوونی ئەم ڕاگەیاندنەوە لەلایەن قائیمقامیەتی قەزای مەڵبەندی سلێمانییەوە، بڵاودەكرێنەوە، لەسەر بنەمای بەردەوامبوونی قەدەغەی هاتووچۆو پابەندیی هاووڵاتیان‌و پەیڕەوكردنی ڕێنماییە تەندروستیی‌و كارگێڕیی‌و ئارامییەكان، دەكرێنەوە.

هەشتەم: هەر خاوەن پیشەیەك پابەندی تەواوی بڕیارو ڕێنمایی‌و ڕێكاری دیاریكراوی وەزارەتی ناوخۆو لیژنەی باڵای ئۆپراسیۆنەكانی پارێزگای سلێمانی بۆ بەرەنگاربوونەوەی كۆرۆنا و قائیمقامیەتی قەزاكان نەبێت، سزای یاسایی دەدرێت.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©