بارزانی سه‌باره‌ت به‌ موچه‌ داوایه‌ك له‌ نه‌ته‌وه‌ یه‌كگرتووه‌كان ده‌كات - پرس میدیا

إعلان فوق المشاركات

 بارزانی سه‌باره‌ت به‌ موچه‌ داوایه‌ك له‌ نه‌ته‌وه‌ یه‌كگرتووه‌كان ده‌كات

بارزانی سه‌باره‌ت به‌ موچه‌ داوایه‌ك له‌ نه‌ته‌وه‌ یه‌كگرتووه‌كان ده‌كات

پرس میدیا 

نێچیرڤان بارزانی رایده‌گه‌یه‌نێت، ناكرێت مووچه‌ و شايسته‌ داراييه‌كانى هه‌رێمى كوردستان بكرێنه‌ پرسێكى سياسى و ئه‌م هه‌نگاوه‌ى به‌غداى به‌ كارێكى ناده‌ستوورى و ناياسايى له‌ قه‌ڵه‌م دا، هه‌روه‌ها داواى له‌ نوێنه‌رى سكرتێرى گشتيى نه‌ته‌وه‌ يه‌كگرتووه‌كان كرد كه‌ بۆ چاره‌سه‌ركردنى ئه‌م كێشه‌يه‌ له‌گه‌ڵ به‌غدا، ڕۆڵى خۆى بگێرێت. 

پێشنیوه‌ڕۆی ئه‌مڕۆ سێشه‌ممه 28ی نیسان،‌ نێچيرڤان بارزانى، سه‌رۆكى هه‌رێمى كوردستان، پێشوازى له‌ جێنين پلاسخارت نوێنه‌رى سكرتێرى گشتيى نه‌ته‌وه‌يه‌كگرتووه‌كان له‌ عێراق كرد و له‌ كۆبوونه‌وه‌يه‌كدا كه‌ د. ئه‌دهه‌م ئيسماعيل نوێنه‌رى رێكخراوى ته‌ندروستيى جيهانى (WHO) له‌ عێراق ئاماده‌ى بوو، هه‌ردوولا دۆخى سياسيى عێراق و هه‌وڵه‌كان بۆ پێكهێنانى حكوومه‌تى فيدراڵ و دوايين پێشهاته‌كانى رووبه‌ڕووبوونه‌وه‌ى په‌تاى كۆرۆنايان تاوتوێ كرد. 

به‌گوێره‌ی راگه‌یه‌نراوه‌كه‌ی سه‌رۆكایه‌تی هه‌رێم، نێچيرڤان بارزانى دووپاتىكرده‌وه‌ كه‌ هه‌رێمى كوردستان له‌سه‌ر بنه‌ماى دابينكردن و پاراستنى مافه‌ ده‌ستوورييه‌كانى، پشتگيرى له‌ مسته‌فا كازمى بۆ پێكهێنانى حكوومه‌تى داهاتووى فيدراڵيى عێراق ده‌كات‌ و هيواى خواست بتوانێت له‌ واده‌ى دياريكراوى خۆيدا حكوومه‌ته‌كه‌ى پێكبهێنێت، هه‌روه‌ها رۆڵى نوێنه‌رايه‌تيى نه‌ته‌وه‌يه‌كگرتووه‌كانى له‌ عێراق بۆ هاوكاريى عێراقييه‌كان له‌ پرسى پێكهێنانى حكوومه‌ت و راسته‌ڕێكردنى دۆخى سياسيى وڵات به‌رز نرخاند. 

هه‌روه‌ها له‌باره‌ی بڕينى مووچه‌ى فه‌رمانبه‌ران و مووچه‌خۆرانى هه‌رێمى كوردستانيان له‌لايه‌ن حكوومه‌تى فيدراڵى عێراقه‌وه‌، نێچيرڤان بارزانى جه‌ختى له‌وه‌كرده‌وه‌، كه‌ ناكرێت مووچه‌ و شايسته‌ داراييه‌كانى هه‌رێمى كوردستان بكرێنه‌ پرسێكى سياسى و ئه‌م هه‌نگاوه‌ى به‌غداى به‌ كارێكى ناده‌ستوورى و ناياسايى له‌ قه‌ڵه‌م دا. 

هاوكات سه‌رۆكی هه‌رێم، داواى له‌ نوێنه‌رى سكرتێرى گشتيى نه‌ته‌وه‌ يه‌كگرتووه‌كان كرد كه‌ بۆ چاره‌سه‌ركردنى ئه‌م كێشه‌يه‌ له‌گه‌ڵ به‌غدا، ڕۆڵى خۆى بگێرێت.


ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©