رێکاری نوێی قەدەغەی هاتووچۆ راگەیەنرا - پرس میدیا

إعلان فوق المشاركات

رێکاری نوێی قەدەغەی هاتووچۆ راگەیەنرا

رێکاری نوێی قەدەغەی هاتووچۆ راگەیەنرا

پرس میدیا

ژووری ئۆپەراسیۆنی پارێزگای سلێمانی لە راگەیەنراوێکدا رێکاری نوێی قەدەغەی هاتووچی راگەیاند. 

دەقی بڕیارەكان:

١- لەدوای (١٦/ ٤/ ٢٠٢٠)ەوە تا (٢٣/ ٤/ ٢٠٢٠)، قەدەغەی تەواوی هاتووچۆ لە سەعات (٦)ی ئێوارە بۆ (١٢)ی شەو بەردەوام بێت.

٢- قەدەغەی هاتووچۆ لەنێوان پارێزگاو ئیدارە سەربەخۆو یەكە كارگێڕییەكانی سنوری هەر پارێزگایشدا بەهەمان ڕێكاری پێشوو تا (٢٣/ ٤/ ٢٠٢٠)، بەردەوام بێت و رێگەپێدان لەنێوان پارێزگاو ئیدارە سەربەخۆكان و لەناو پارێزگاو ئیدارە سەربەخۆكان بەپێی سیستمی رێگەپێدانی ئەلكترۆنی دەبێت، كە لەسەر وێب سایتی وەزارەتی ناوخۆ بە ناونیشانی (moi.gov.krd) دانراوەو هاوڵاتی دەتوانێت لە حاڵەتی زۆر پێویست داوای رێگەپێدان بكات بەپێی ئەو رێنماییانەی كە لەو سیستمە دیاری كراوە، ئەم سیستمە لە (١٨/ ٤/ ٢٠٢٠) كارا دەبێت.

٣- لە سەعات (١٢)ی شەو بۆ (٦)ی بەیانی هاتووچۆی پێویست و دیاریكراو بەپێی ڕێكارو ڕێنماییە تەندروستیی و كارگێڕیی و ئارامییەكان لە سنوری قەزای مەڵبەندی سلێمانی و ناو هەر یەكەیەكی كارگێڕیی سنوری یەكە كارگێڕییەكانی پارێزگای سلێمانی تەنها بۆ ناو خودی سنوری یەكە كارگێڕییەكە، ڕێگەپێدراو دەبێت.

٤- جوڵەی كشتوكاڵیی‌و پێداویستیە كشتوكاڵیی‌و پەلەوەرو ئاژەڵداریی و پیشەسازییەكان بەهەمان شێوەی جوڵەی بازرگانیی ڕێگا پێدراو دەبێت.

٥- دەسەڵات دەدرێت بە هەموو قائیمقامیەتەكانی سنوری پارێزگای سلێمانی، بەپێی بارودۆخەكە كارو پیشەو كەسابەت و پێداویستی و خزمەتگوزارییەكان بەپێی تایبەتمەندی قەزاكە، لەماوەی نێوان سەعات (١٢)ی شەو بۆ (٦)ی ئێوارەدا ڕێكبخەنەوە، ڕێكاری پێویستیان بەپێی ڕێنماییە تەندروستیی و كارگێڕیی و ئارامییەكان بۆ دیاری بكەن، بەمەرجێك كارنەكاتە سەر قەدەغەی هاتووچۆ.

٦- لەناو چەقی شاری سلێمانیدا، بەهیچ جۆرێك ڕێگا بە هاتووچۆی ئۆتۆمبێل نادرێت، ئەو شوێنانەی ڕێگایان پێ دەدرێت لە سەعات (٦)ی بەیانی بۆ (٤)ی پاش نیوەڕۆ بەپێی ڕێكارو ڕێنماییە تەندروستیی و كارگێڕییەكان لە ڕۆژی (١٩/ ٤/ ٢٠٢٠)ەوە دەكرێنەوە، بەپێی ئەو ڕێكارانەی قائیمقامیەتی قەزای مەڵبەندی سلێمانی دیاریدەكات، ئەم بوارانەی دیاریكراون لە چەقی شارو شوێنە گشتییەكاندا ناكرێنەوەو بریتین لە (عیادە پزیشكیەكان، نۆرینگەكان، تاقیگە پزیشكیەكان، نۆرینگەكانی تیشك و سۆنار، چێشتخانە، چایخانە، كافتریا، قاوەخانە، شەربەتخانە، خواردنگا، ساردەمەنیی، شوێنی دانیشتنی شیرینییەكان، پاركی ئۆتۆمبێل و هەر شوێنێكی تر كە مەترسی لەسەر بەریەككەوتن و تێكەڵاویی هاووڵاتاین هەبێت)و ڕێگا بەهیچ زیادەڕۆییەك نادرێت.

٧- كرێكاریی و وەستایی و كاری بیناسازیی و دیكۆرات و هەر كارێكی ئەندازیاریی و چاپخانەكان، وەرشەو پێشانگاكانی كۆمپیوتەرو مۆبایل، پڕۆژەكان و پڕۆژەكانی وەبەرهێنان، پێشانگاكانی مۆبیلیات، ئەلكترۆنیات، بەرهەمە پیشەسازیی و بیناسازییەكان ڕێگەپێدراو دەبن بەمەرجی جێبەجێكردنی ڕێكارو ڕێنماییە تەندروستییەكان، لە سەعات (٦-٨)ی بەیانی دەتوانن بچنە سەر كارو لە سەعات (4-٦)ی ئێوارە لە كارەكانیان بگەڕێنەوە.

٨- ناوچەكانی پیشەسازیی بەپێی ئەو ڕێكارانەی قائیمقامیەتی قەزای مەڵبەندی سلێمانی دیاریدەكات دەكرێنەوە، (جگە لە پێشانگاكانی ئۆتۆمبێل).

٩- كارگە بچوك و مامناوەندەكان بەپێی ڕێكارو ڕێنماییە تەندروستیی و كارگێڕییەكان دەكرێنەوە، ئەندازیارو كارمەندو پیشەوەران لە سەعات (٦-٨)ی بەیانی بۆ (٤-٦)ی ئێوارە رێگە بە هاتووچۆكردنیان دەدرێت.

١٠- كارگە پیشەسازییەكان بەپێی ڕێكارو مەرجە تەندروستیی و كارگێڕییەكانی دیاریكراون، دەكرێنەوە.

١١- ئاڵوگۆڕی كەرەستەی بیناسازیی لەنێوان یەكە كارگێڕییەكانی سنوری پارێزگای سلێمانیدا لە سەعات (١٢)ی شەو بۆ (٦)ی ئێوارە ڕێگەپێدراو دەبێت.

١٢- هەر كەسێك كە بەپێی خاڵەكانی (٦، ٧، ٨، ٩، ١٠، ١١، ١٢) ڕێگەی كارو كەسابەتی پێ دەدرێت، سەرپێچی ڕێكارو ڕێنماییە تەندروستیی و كارگێڕیی و ئارامییەكان بكات، لەلایەن یەكە كارگێڕیی و لیژنەكانی قائیمقامیەتەوە بۆماوەی (هەفتەیەك) دادەخرێت.

١٣- هێزەكانی ناوخۆو تیمە تەندروستیەكان لە ئەركەكانیاندا بەردەوام دەبن بۆ چاودێریكردنی قەدەغەی هاتووچۆ‌و پابەندبوونی خاوەن كارو هاووڵاتیان بە ڕێنماییەكانەوەو، ڕێكارە یاساییەكان بە هەموو شێوەیەك توندو ورد، بەڕێوە دەبەن.

١٤- ڕێنمایی بەردەوامی هاووڵاتیان بكرێت بۆ خۆپارێزیی‌و تاكپارێزیی‌و پابەندبوون بە ڕێنماییە تەندروستیەكانەوە.

١٥- ڕاسپاردنی بەڕێوەبەری فەرمانگەكانی دەوڵەت لە ئاستی پارێزگاو قەزاكاندا بۆ دیاریكردنی ڕێكاری خۆپارێزیی تەواو بەهەماهەنگیی بەڕێوەبەرایەتی گشتیی تەندروستیی پارێزگای سلێمانی بۆ قۆناغەكانی داهاتوو.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©