وەزیری بازرگانیی: هەر بازرگانێک نرخ گرانبکات سزادەدرێت - پرس میدیا

إعلان فوق المشاركات

وەزیری بازرگانیی: هەر بازرگانێک نرخ گرانبکات سزادەدرێت

وەزیری بازرگانیی: هەر بازرگانێک نرخ گرانبکات سزادەدرێت

پرس میدیا

وەزیری بازرگانیی حكومەتی ھەرێم رایەگەیاند، ھەر كەس و بازرگانێك نرخ بەرز بكاتەوە سزا دەدرێت، ھیچ قەیرانێكی نەبوونی خۆراك و كەلوپەل روو نات ھاوردەكردنی كەلوپەل و خۆراك زۆر زیادی كردووە و قەت لەگەڵ پێشتر بەراورد ناكرێت.


كەمال موسلیم، وەزیری بازرگانیی و پیشە سازیی حکومەتی هەرێمی کوردستان بە ماڵپەڕی فەرمیی پارتی راگەیاند: "كەلوپەلێكی زۆر لە رێگەی بەندەرەكانەوە بەڕێوەیە بۆ ھەرێمی كوردستان و رێژەیەكی زۆریش گەیشتووە، بە تایبەتی پێداویستیی ئەم قۆناغە، وەك خۆراك و ھاوردەكردنیشی زۆر زیادی كردووە و لەگەڵ پێشتر بەراورد ناكرێت، بەردەوامیش خۆراك و كەلوپەل دێتە ھەرێمی كوردستان".

ئاماژە بۆ ئەوەشدەکات: "سێ رۆژە دەستمان بە دابەشكردنی بەشەخۆراكی مانگانەی ھاووڵاتیان كردووە و ٧٠%ی دابەش كراوە و ئەوەیشی ماوە بەردەوامین بۆ ئەوەی بگاتە دەست ھاووڵاتیان، شتی دیكەش دێت، وەك شەكر و برنج، هەروەها ھەندێ بابەتی تەندروستی ماوە ئەوانیش چارەسەر دەكرێت و دەست بە دابەشكردنی دەكەین".

روونیكردەوە: "راستە نرخی ھەندێ كەلوپەل گران بووە لە بازاڕ، كە ھۆكارەكەی بۆ ئەوە دەگەڕێتەوە بەشێك لەو كەلوپەلانە لەو سەرچاوەیەی لێی بەرھەم دێت نرخی بەرز كراوەتەوە، ھەندێكێشی بۆ خواست دەگەڕێتەوە لەسەر بازاڕ، دەتوانم بڵێم رێكارەكانی خۆپارێزیش لە مەرزەكان كاریگەری ھەبووە، چونكە حكوومەت لە مەرزەكان رێكاری توندی گرتووەتە بەر بۆ خۆپارێزی لە ڤایرۆسی كۆرۆنا و بارھەڵگر ھەیە تا دوو هەفتەش دەمێنێتەوە، ئەوەش وای كردووە كرێی گواستنەوە زیاد بكرێت و كاریگەری لەسەر بەرزبوونەوەی نرخ كردووە".

وەزیری بازرگایی راشیگەیاند: "ھەر كەسێك رەوشەكە بقوزێتەوە و نرخ گران بكات، رێكاری یاسایی لە بەرامبەری دەگرینە بەر و گرتووشمانەتە بەر، چونكە رێگە بە ھیچ كەسێك نادرێت دەستكاری نرخ بكات و رەوشەكە وەك دەرفەت بەكار بێنێ بۆ گرانفرۆشی".


داڕشتنەوە: باران

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©