شەش رێکخراو داوای ئازادکردنی هێمن مامەند دەکەن - پرس میدیا

إعلان فوق المشاركات

شەش رێکخراو داوای ئازادکردنی هێمن مامەند دەکەن

شەش رێکخراو داوای ئازادکردنی هێمن مامەند دەکەن

پرس میدیا

شەش رێکخراوی کۆمەڵگەی مەدەنیی، داوا دەکەن حکومەتی هەرێم رێز لە یاسای رۆژنامەگەری بگرێت و دەستبەجێ هێمن مامەند ئازادبکرێت.


هەر شەش رێکخراوی "سەنتەری میترۆ بۆ داكۆكی لە مافی رۆژنامەنوسان METRO ، روانگەی ئازادی رۆژنامەنوسیJFO، سەندیكای نیشتمانی رۆژنامەنوسان لە عێراقNUJI، كۆمەڵەی بەرگری لە ئازادی رۆژنامەنوسی لە عێراقPFDA، روانگەی عێراقی بۆ مافەكانی مرۆڤ IOHR و خانەی راگەیاندنی عێراقی IMH" راگەیاندراوێکی هاوبەشیان بڵاوکردەوە و تیایدا داوای ئازادیی رۆژنامەنووس هێمن مامەند دەکەن.

دەقی بەیانامەکە:

بەیاننامەی هاوبەش

هیمن مامەند ئازاد بكەن

ئێمە ئەو رێكخراوانەی لە خوارەوە ناومان هاتووە دەسگیركردن و مانەوەی هێمن مامەند ئەندامی سەندیكای رۆژنامەنوسانی كوردستان لە زیندان رەتدەكەینەوە، داوا لە حكومەتی هەرێم دەكەین رێز لە یاسای رۆژنامەگەری بگرێت و دەستبەجێ بە كەفالەت ئازاد بكرێت.

هێمن مامەند رۆژی ٢٤ی ئازار، لەسەر نووسینێكی لە تۆڕی كۆمەڵایەتی فەیسبووك لە بارەی دواكەوتنی مووچەو رێوشوێنەكانی كەرەنتینەوە، دەستبەسەركرا، دوای ١٠ رۆژ لە٥ی نیسان بە كەفالەت ئازاد كرا.

پاش ئازادكردنی بە كەفالەت بە هۆی لێدوانەكانی بۆ كەناڵی NRT، شەو ٦ ی نیسان جارێكی تر هێزێكی پۆلیسی هەولێر دەچنەوە سەر ماڵەكەی و دەستگیری دەكەنەوە.

هەرچەندە لە هەرێمی كوردستان یاسای ژمارە (35) یاسای رۆژنامەگەری لە ساڵی 2007 وە لە پەرلەمانەوە دەچووە، بەڵام ئەم رۆژنامەنوسە بە پێی مادەی (433) لە یاسای ژمارە (111) ساڵی 1969 یاسای سزادانی عێراقی تۆمەتی ئاراستە كراوە.

رۆژی 22ی نیسان كە یادی رۆژنامەگەری كوردی بوو لە هەرێمی كوردستان، ماوەی مانەوەی لە بەندیخانە درێژكرایەوە.

هێمن لەكاتی ئازادكردنی رایگەیاند" هەر جارەی دەستگیردەكرێم دكتۆرایەك لە ئازادی بەدیدێنم"

ئەمە پێنجەمین جارە هێمن مامەند لەسەر بەشداری لە خۆپیشاندن و دەربڕینی بیروڕای خۆی دەربارەی بارودۆخی گشتی دەستبەسەر دەكرێت.

ئێمە ئەو رێكخراوانەی كە لە خوارەوە ناومان هاتووە نارەزایی خۆمان دەردەبڕین لە بەرامبەر دەستگیركردن و مانەوەی هێمن مامەند ئەندامی سەندیكای رۆژنامەنوسانی كوردستان لە زیندان.

داوا لە حكومەتی هەرێم دەكەین رێز لە یاسای رۆژنامەگەری بگرێت و ئەو مادە یاساییە بگۆڕدرێت كە هێمن مامەند پێی دادگایی دەكرێت، دەستبەجی بە كەفالەت ئازاد بكرێت.

• سەنتەری میترۆ بۆ داكۆكی لە مافی رۆژنامەنوسان METRO

• روانگەی ئازادی رۆژنامەنوسی JFO

• سەندیكای نیشتمانی رۆژنامەنوسان لە عێراق NUJI

• كۆمەڵەی بەرگری لە ئازادی رۆژنامەنوسی لە عێراق PFDA

• روانگەی عێراقی بۆ مافەكانی مرۆڤ IOHR

• خانەی راگەیاندنی عێراقی IMH

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©