ئاسایش رێگریی لە چالاکوانانی مەدەنیی دەکات بچنە زینی وەرتێ - پرس میدیا

إعلان فوق المشاركات

ئاسایش رێگریی لە چالاکوانانی مەدەنیی دەکات بچنە زینی وەرتێ

ئاسایش رێگریی لە چالاکوانانی مەدەنیی دەکات بچنە زینی وەرتێ

پرس میدیا

ژمارەیەک چالاوانی مەدەنیی لە چوونیاندا بۆ زینی وەرتێ، لەلایەن هێزەکانی ئاسایشی سنوری رانیە رێگراییان لێکرا بگەنە شوێنەکە و جەختیشدەکەنەوە ئەو هێزانەی چوونەتە زینی وەرتێ بگەڕێنەوە شوێنی خۆیان.


ئەمڕۆ چوار شەممە ٢٠٢٠/٤/٢٩، ژمارەیە لە چالاکوانی مەدەنیی و هاووڵاتی و ئەندام پەرلەمان لە بازگەی قەمتەران-ی سەربە قەزای رانیە رێگرییان لێکرا بچنە زینی وەرتێ و چالاکوانانیش کۆنگرەیەکی رۆژنامەنووسییان ئەنجامدا  و گەشە دارا حەفید، چالاکوان و پەرلەمانتاری پێشوو رایگەیاند: ئێمە لەپێناو ئاشتیی و سەقامگیریی یەکێتی گەلی کورددا، لەپێناو پاراستنی دەستکەوتەکانی خەباتی ڕزگارییخوازیی و شکستهێنان بە پیلانی داگیرکاراندا، بۆ دوورخستنەوەی ئاگری شەڕ لە ناوچەکە، بۆ پشتیوانیی لە داخوازیی خەڵک، بۆ پاراستنی ئاسایش و سەلامەتیی خاک و خەڵکی کوردستان، ئەمڕۆ هاتووین و پشتیوانیی خۆمان بۆ دانیشتوانی ئەم ناوچەیە دەردەبڕین، کە بەهۆی بۆردوومانی داگیرکەرانی کوردستان و بەهۆی ئەو بارزگرژییانەی دروست بوون، زەرەمەندی ڕاستەوخۆن".

گەشە دارا، راشیگەیاند: بێگومان ئەو لەشکرکێشیی و سەنگەربەندیی و گەلەکۆمەیەی هێز، داگیرکاریی لە کوردستان و هەر ئەگەرێکی شەڕ لەم ناوچەیە، مەترسیی ڕاستەقینەن بۆسەر یەکێتی نەتەوەیی و بۆسەر تەواوی گەلی کورد، ئەمە پیلانی داگیرکەرانی کوردستانە و دەبێت هەموومان بە هەموو شێوەیەک ڕووبەڕووی ببینەوە.

دڵشاد میرانیی، یەکێک لەو چالاکوانانە وتی: زۆر بە داخەوە بە سەدان کیلۆمەترمان بڕیوە بۆ پەیامی ئاشتیی و گەیاندنی داواکاری خەڵکی کوردستان، پەیامی ئێمە روون و ئاشکرایە پەیامی ئاشتییە بۆ هەموو هێزە کوردییەکان، بەڵام بە لە دەروازەی ڕاپەڕین رێگریان لێکردین، ئەو هێزانە تەنیا رێگرییان لە ئێمە نەکردووە بەڵکو لە دایکی شەهیدان و کەسوکاری شەهیدانیش کردووە، ئەو دایکانە رۆڵەکانیان لە شەڕی ناوخۆدا شەهید بووە و دەزانن جەرگ سووتان چییە، بۆیە داواکاریی هەموومان ئەوەیە ئەو هێزانەی جوڵەیان پێکراوە بگەڕێنەوە شوێنی خۆیان، داواش لە حکومەتی عێراق دەکەین چیتر رێگە بە دەوڵەتی تورکیا نەدات سەروەریی خاکی عێراق پێشێل بکات.



ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©