تەندروستیی هەولێر: رەوشەکە وادەبینین ڤایرۆسەکە چووبێتە نێو کۆمەڵگەوە - پرس میدیا

إعلان فوق المشاركات

تەندروستیی هەولێر: رەوشەکە وادەبینین ڤایرۆسەکە چووبێتە نێو کۆمەڵگەوە

تەندروستیی هەولێر: رەوشەکە وادەبینین ڤایرۆسەکە چووبێتە نێو کۆمەڵگەوە

پرس میدیا

بەڕێوەبەری گشتیی تەندروستیی هەولێر رایگەیاند، ١٣ شوێنی شار بەهۆی دوو پرسەكەوە كەرەنتین كراون و رەوشەكەش وا دەبینن کە ڤایرۆسەكە چووەتە نێو كۆمەڵگەوە و داوا دەكەن هاووڵاتیان لە ماڵەوە بمێننەوە.


ئەمڕۆ سێ شەممە ٢٠٢٠/٤/٧، دلۆڤان محەمەد بەڕێوەبەری گشتیی تەندروستیی پارێزگای هەولێر لە كۆنگرەیەكی رۆژنامەنووسیدا رایگەیاند: لەچەند رۆژی رابردوودا ژمارەی تۆماركردنی ڤایرۆسی كۆرۆنا بەڕێژەی بەرچاو بەرزبووەتەوە و بە گشتیی لە هەولێر ١٣٨ كەس تووشووبون و ٢٠ کەسیان چاك بوونەتەوە و ١١٨ تووشبووی ڤایرۆسەکە لە نەخۆشخانەكان ماونەتەوە، چوار نەخۆشخانەش بۆ چارەسەرکردن بەكارهێندراون.

ئاماژەی بەوەشکرد: لە فریاكەوتنی ناوەند لەناو شاری هەولێر نەخۆشەكان دەستنیشان دەكرێن و دواتر دەگوازرێنەوە بۆ نەخۆشخانەی تر، سەرەتا نەخۆشخانەی پێشمەرگە و دواتر بۆ نەخۆشخانەی ئیماراتیی و ئێستا بۆ نەخۆشخانەی رزگاریی دەگوازرێنەوە.

ئاشكراشیكرد، لە ٪٥٠ توشبوانی هەولێر لە دوو پرسەكەوە تووشی ڤایرۆسی کۆرۆنا بوون، چونكە دوو رۆژی پێشتر ١٨ كەس و دواتریش ٤١ نەخۆش و ئەمڕۆش پێنج نەخۆشی تر تۆماركراون و هەموو ئەوانەش لە نەخۆشخانەی رزگاریی خەوێندراون.

وتیشی: تا ئێستا لە پارێزگای هەولێر سی هەزار و ٩٥ كەس كەرەنتین كراون، لە ئێستادا تەنها ٦٧٩ كەس کەرنتینەیان ماوە و ئەوانی تر رەوانەكراونەتەوە، ئەوانەشی سەردانی پرسەكانی گەڕەكی كارێزانیان كردبوو هەموو ئەو گەڕەك و شوێنانە كەرەنتین دەكرێن و تیمەكانی تەندروستیی پشكنینەكان ئەنجام دەدەن.

بەڕێوەبەری گشتیی تەندروستی پارێزگای هەولێر جەختیکردەوە: "بەگشتیی رەوشەكە وا دەبینین ڤایرۆسەكە چووەتە ناو كۆمەڵگەوە، بۆیە داوا دەكەین هاووڵاتیان لە ماڵەوە بمێننەوە".
داڕشتنەوە: باران

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©