هۆشداری برسێتی و بێ خۆراكی لە هەرێم دەدرێت - پرس میدیا

إعلان فوق المشاركات

هۆشداری برسێتی و بێ خۆراكی لە هەرێم دەدرێت

هۆشداری برسێتی و بێ خۆراكی لە هەرێم دەدرێت

پرس میدیا

وەزیرێكی پێشووتری حكومەتی هەرێم، رایگەیاند، هەموو ئاڕاستەكان بەو ئاقارەدا گوزەر دەكات كە پاش كۆرۆنا بێكارییەكی زۆر دروست دەبێت و خۆراك كەم‌ دەبێت بۆ چەند ساڵێك.


محەمەد بازیانی، وەزیری پێشووتری كشتوكاڵ و ئاودێریی حكومەتی هەرێمی كوردستان لە هەژماری تایبەتیی خۆی لە تۆڕی کۆمەڵایەتیی فەیسبوک نووسینێکی بڵاویكردەوە، تێیدا هاتووە: پێشنیار دەكەم پەڕلەمانی كوردستان تەنها كارێك بكات لەم قۆناغەدا، ئەگەر تا ئێستاش زۆر بێهەڵوێستە داوا لە ئەنجومەنی وەزیران بكات وەزارەت یان دەستەی خەزانەی خۆراك سەر بە ئەنجومەنی وەزیران پێكبهێنێت.

ئاماژەی بەوەشکرد، "دەستەكە یان وەزارەتەكە، وەزیرێكی خەمخۆر دابنرێت كە شارەزا بێت، خۆراك بە تایبەتی دانەوێڵە عەمبار بكات و بیپارێزێت، چونكە هەموو ئاڕاستەكان بەو ئاقارەدا گوزەر دەكات كە پاش كۆرۆنا بێكارییەكی زۆر دروست دەبێت و خۆراك كەم‌ دەبێت بۆ چەند ساڵێك."

ئاماژەی بۆ ئەوەش كرد، ئەو كەسانەی عەنباری دانەوێڵەیان دەكرد خۆیان و خەڵكی تریان ڕزگار كرد، هەروەك چۆن ئۆردوی عوسمانییەكانی برسی هەرچیەكیان دەست بكەوتایە دەیانخواردو خەڵكەكە بە بەرسێتی دەمردن، ئێستاش پێش تەواوبوونی ئەو ئافەتە، هەست دەكەین زۆرێك لە كاسبكاران هاتوونەتە سەر جادە و هاواری بژێویان دەكەن!

ئەوەشی خستەڕوو، چەند شتێك دەخەمە پێش چاوی دەسەڵاتدارانی كوردستان، بە تایبەت سەرۆكایەتی هەرێم و سەرۆكایەتی ئەنجومەنی وەزیران و سەرۆكایەتی پەڕلەمان لەوانە، ئەو وەزارەتە یان دەستەیە دروست بكەن، ئامادەم بە بێ مووچە وەك شارەزایەك سەرپەرشتی بكەم بە مەرجێك بووجەی ئەوەندە تەرخان بكەن گەنم و دانەوێڵەی جوتیار بكڕم و بەشێوەیەكی زانیارانە عەمباری بكەم.

بازیانیی وتشی: "هەندێك واتێنەگات بەندە پێویستی بەو پۆستە هەیە، بەڵكو تەنها وەك خەمخۆرێك ئەم پێشنیارە دەكەم دەترسمە ئەگەر نەیكەم گوناهباربم، هەر لەگەڵ نەمانی مەترسیەكان دەست لەو كارە بەردەدەم و ئەم ئەزموونە ڕادەستی كەسێكی شیاو بكرێت."

وەزیری پێشووتری كشتوكاڵ و ئاودێریی حكومەتی هەرێم راشیدەگەیەنێت، هەموو خیلافاتێكی حزبی بەلاوەنێن بەتایبەت لەم قۆناغە هەستیارە تاكو میللەتەكەمان لە دڵەڕاوكێی شەڕی ناوخۆ دوورخەینەوە و بە ئالیەتێكی تازە ڕێگا بە كاسبكاران بدەین بچنەوە سەر كارەكانیان بەلەبەرچاوگرتنی ڕێنمایە تەندورستیەكان و هەرچیش كراوە بەزووترین كات مووچەی فەرمانبەران پەیدا بكرێت ئەگەر حكومەت قەرزیشی كردووە.



داڕشتنەوە: باران

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©