حزب و كۆرۆنا - پرس میدیا

إعلان فوق المشاركات

فه‌ره‌یدون بێوار 

هه‌ڵگرتنی قه‌ده‌غه‌ی هاتووچۆ و كردنه‌وه‌ی دوكان و بازاڕه‌كانی هه‌رێم، به‌شێكی په‌یوه‌ندی به‌ململانێی حزبییه‌وه‌ هه‌یه‌، نه‌ك بابه‌تێكی ته‌ندروستی و زانستی، چونكه‌ هێشتا له‌جیهان، به‌تایبه‌تی له‌ ئێران و توركیا دۆخه‌كه‌ خراپه‌ و عێراق ماوه‌ی قه‌ده‌غه‌ی بۆ مانگێكی تر درێژكرده‌وه‌. 

هه‌تا تووشبوویه‌ك له‌جیهان مابێ، مه‌ترسیییه‌ بۆ سه‌ر ته‌واوی مرۆڤایه‌تی، له‌ئێستادا زیاتر له‌ 2 ملیۆن و نیو تووشی ئه‌و ڤایرۆسه‌ بوون، ئیدی چۆن مه‌ترسی نه‌ماوه‌؟ 

ڤایرۆسه‌كه‌ له‌سه‌ره‌تاوه‌ له‌ یه‌ك كه‌سه‌وه‌و له‌یه‌ك وڵاته‌وه‌ سه‌ری هه‌ڵدا بۆ 2 ملیۆن كه‌س و 200 وڵات، كه‌واته‌ ئێستا مه‌ترسییه‌كه‌ زۆر زیاتره‌ له‌جاران. 

ژیانی خه‌ڵك و كاسبكاران و كه‌مده‌ره‌مه‌ته‌كان گرنگه‌ و ئه‌وه‌ ئه‌ركی حكومه‌ته‌ ژیان و بژێویان له‌و پاره‌یه‌ بۆ دابین بكات كه‌ به‌ناوی كۆرۆناوه‌ كۆكراوه‌ته‌وه‌، ئه‌و داهاته‌ی كه‌ حكومه‌ت له‌ناوخۆو ده‌ره‌كی و عێراق ده‌ستی ده‌كه‌وێت، مافی هه‌موو تاكێكی ئه‌م وڵاته‌یه‌و پشكی هه‌یه‌، بۆیه‌ ئه‌ركی حكومه‌ته‌ (ئه‌گه‌ر حكومه‌ت هه‌یه‌) ژیانی ئه‌و چینه‌ هه‌ژار و كاسبكار و كه‌مده‌ره‌مه‌تانه‌ دابین بكات، نه‌ك ژیانی هه‌مووان بخاته‌ مه‌ترسییه‌وه‌و قه‌ده‌غه‌ی هاتووچۆ هه‌ڵگرێت و بازاڕو دوكانه‌كان بكاته‌وه‌.

هه‌ر چه‌نده‌ له‌ماوه‌ی رابردووشدا، هیچكام له‌ كارگه‌كانی به‌رهه‌مهێنانی شیش و چیمه‌نتۆ دانه‌خراون و به‌رده‌وامن له‌كاری خۆیان و كاری بازرگانیش نه‌وه‌ستاوه‌، كه‌ هه‌موو ئه‌مانه‌ له‌به‌رژه‌وه‌ندی بازرگان و سه‌رمایه‌داره‌كانه‌ و ئه‌وه‌ی زه‌ره‌رمه‌ندی قه‌ده‌غه‌ی هاتووچۆیه‌ چینی ناوه‌ند و كه‌مده‌ره‌مه‌ته‌، له‌گه‌ڵ ئه‌وه‌شدا ئه‌گه‌ر بڕیاره‌ بازاڕ و ژیان ئاسایی بێته‌وه‌، ئه‌وا پێویسته‌ ده‌رگای مزگه‌وته‌كان و قوتابخانه‌ و زانكۆكانیش بكرێته‌وه‌، من نازانم جیاوازی چییه‌ له‌نێوان مزگه‌وت و نه‌خۆشخانه‌ و نۆڕینگه‌ و بازاڕ له‌رووی قه‌ره‌باڵغی و مه‌ترسییه‌وه‌؟ 

سه‌یركه‌ له‌وه‌دایه‌، پێشتر كه‌ ده‌یانویست قه‌ده‌غه‌ی هاتووچۆ توند بكه‌ن، هه‌ر رۆژه‌ی ژماره‌یه‌ك تووشبوویان راده‌گه‌یاند، ئێستایش له‌وه‌ته‌ی باسی هه‌ڵگرتنی قه‌ده‌غه‌یه‌، هه‌ر رۆژه‌ی ده‌ڵێن ژماره‌یه‌ك چاكبووه‌وه‌و وا شوكر نزیكبووه‌ته‌وه‌ له‌ سفر، كه‌ ده‌خوازین جارێكی تر به‌ڵای وا روو له‌ هه‌رێمه‌كه‌مان نه‌كاته‌وه‌و داتاكان راست و دروست بن.

بۆیه‌ ململانێی نێوان یه‌كێتی و پارتی له‌سه‌ر بابه‌تی ته‌سكی حزبایه‌تی، ره‌نگدانه‌وه‌ی به‌سه‌ر بڕیاره‌كان و دام و ده‌زگاكانی حكومه‌ته‌وه‌ هه‌یه‌ و وا ده‌خوێنرێته‌وه‌ له‌ژێر كاریگه‌ری ئه‌و ململانێ حزبییه‌ بڕیاری هه‌ڵه‌ ده‌ده‌ن، كه‌دواتر هه‌موومان باجه‌كه‌ی ده‌ده‌ین. 

ده‌خوازم من هه‌ڵه‌ بم.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©