به‌رهه‌م ساڵح و نێچیرڤان بارزانی کۆبوونەوە - پرس میدیا

إعلان فوق المشاركات

به‌رهه‌م ساڵح و نێچیرڤان بارزانی کۆبوونەوە

به‌رهه‌م ساڵح و نێچیرڤان بارزانی کۆبوونەوە

پرس میدیا

سەرۆک کۆماری عێراق و سەرۆکی هەرێمی کوردستان کۆبوونەوە، دەربارەی پێشهاتە سیاسییەکانی وڵاتەکە گفتووگۆیان کرد و جه‌ختیان له‌ یه‌كڕیزیی و ته‌بایی له‌ هه‌رێمی کوردستان كرده‌وه‌.


ئه‌مڕۆ دووشه‌ممه‌ ٢٠٢٠/٥/١١، نوسینگەی سەرۆكایەتیی كۆماری عێراق راگەیاندراوێکی بڵاوکردەوە و ئاماژە بەوەدەکات، له‌ سلێمانی به‌رهه‌م ساڵح سه‌رۆک کۆماری عیراق و نێچیرڤان بارزانی سه‌رۆکی هه‌رێمی کوردستان، کۆبوونەوە هه‌لومه‌رجی سیاسی و هه‌نگاوه‌کانی دوای پێکهێنانی حکومه‌تی عێراق و پێویستیی چاره‌سه‌ركردنی قه‌یرانه‌کانیان تاوتوێ کرد.

ئاماژەشی بەوەشکردوە، له‌ کۆبوونەوەکەدا باس له‌ پێشهاته‌ سیاسییه‌کانی عیراق کرا و هه‌ردوولا به‌ گرنگییه‌وه‌ جه‌ختیان له‌ پێویستیی چاره‌سه‌ركردنی قه‌یران و ناکۆکییه‌کان کرده‌وه‌، به‌ ئاراسته‌ی هێنانه‌کایه‌ی ئارامی و ئاوڕدانه‌وه‌ له‌ ژیان و گوزه‌رانی هاووڵاتیانی سه‌رجه‌م ناوچه‌کان به‌ هه‌رێمی کوردستانیشه‌وه.

ئەوەش لە راگەیاندراوەکەدا هاتووە: باس له‌ پێکهێنانی حکوومه‌تی نوێی عێراق بە سەرۆكایەتیی به‌ڕێز مستەفا كازمی کراو و داكۆكییان له‌ پشتیوانی و هه‌ماهه‌نگی له‌گه‌ڵ حکوو‌مه‌تی فیدراڵدا کرده‌وه‌ بۆ تێپه‌ڕاندنی قه‌یرانه‌کان و کارکردن بۆ دابینکردنی گوزه‌ران و ته‌ندروستیی هاووڵاتیان، هه‌روا له‌پێناو تێکشکاندنی پاشماوه‌کانی تیرۆر و سه‌قامگیریی ئه‌منی له‌ هه‌موو ناوچه‌کانی عیراقدا، وێڕای چاره‌سه‌ركردنی کێشه‌ که‌ڵه‌که‌بووه‌کانی نێوان به‌غدا و هه‌رێمی كوردستان به ‌گوێره‌ی ده‌ستوور، بەتایبەتیش یەكلاكردنەوەی پرسی بودجە و مووچەی فەرانبەران.

هه‌ر له‌ کۆبوونەوەکەدا، باس له‌ پێویستیی یه‌کڕیزی و خاوکردنه‌وه‌ی گرژییه‌کان له‌ عێراق کرا به‌ شێوه‌یه‌ک که‌ هه‌موو هێز و تواناکان بۆ ده‌سته‌به‌رکردنی ئارامی و بژێویی خه‌ڵک و ئه‌نجامدانی چاکسازیی بنه‌ڕه‌تی ته‌رخان بکرێن و له‌بری ناکۆکی و ململانێی ته‌سک، به‌گوێره‌ی ده‌ستوور خزمه‌تی خه‌ڵک و داخوازیه‌کانیان بکرێت.

نوسینگەی سەرۆک کۆماری عێراق راشیگەیاندوە، هه‌ردوولا جه‌ختیان له‌ یه‌كڕیزی و ته‌بایی له‌ هه‌رێمی کوردستان كرده‌وه‌، به‌ جۆرێك هه‌موو لایه‌نه‌کان دوور له‌ گرژی و ئاڵۆزی، تواناکانیان بۆ به‌ده‌نگه‌وه‌هاتنی پێویستیی هاووڵاتیان و دابینكردنی بژێویان و سه‌قامگیریی سیاسی و ئه‌منی، ته‌رخان بکه‌ن.


داڕشتنەوە: باران





No comments:

Post a Comment

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

Contact Form

Name

Email *

Message *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©