پرس میدیا ناوەڕۆکی پڕۆژەی لامەرکەزیی بۆ سلێمانی ئاشکرا دەکات - پرس میدیا

إعلان فوق المشاركات

پرس میدیا ناوەڕۆکی پڕۆژەی لامەرکەزیی بۆ سلێمانی ئاشکرا دەکات

پرس میدیا ناوەڕۆکی پڕۆژەی لامەرکەزیی بۆ سلێمانی ئاشکرا دەکات

پرس میدیا

ئەندامێکی ئەنجومەنی پاریزگای سلێمانی، رایدەگەیەنێت، سیستمی لامەرکەزیی پارێزگاکان پێگەی هەرێمی کوردستان بە هێز دەکات و دەشڵێت نزیکەی ١٥ ئەندام لە فراکسیۆنە جیاوازەکانەوە واژۆیان لەسەر لامەرکەزیەتی سلێمانی کردووە و رێکاری یاسایی وەرگرتووە.

ئەکرەم شەریف ئەندمی ئەنجومەنی پاریزگای سلێمانی، بە پرس میدیای راگەیاند "هەنگاو یەکەم کۆمەڵێک ئەندام یاداشتێکمان داوەتە سەرۆکایەتی ئەنجومەنی پارێزگای سلێمانی، بۆ ئەوەی تایبەت بە لامەرکەزیەتیی کارگێڕیی و دارایی پرۆژەیەک ئامادە بکەین، یاداشتەکە لەلایەن سەرۆکایەتیی ئەمجومەنی پارێزگاوە پەسەند کراوە و لیژنەیەکی بۆ پێکهێندراوە".

هەروەها وتیشی "بە پێی یاسا، یەک لەسەر سێی ئەندامانی ئەنجومەنی پارێزگا یان ١١ ئەندام دەتوانن یاداشت بدەنە سەرۆکایەتیی ئەنجومەنی پارێزگا و سەرۆکایەتیی ئەنجومەنیش کاری لەسەر دەکات، یاداشتەکەش نزیکەی ١٥ ئەندام لە فراکسیۆنە جیاوازەکانەوە واژۆیان لەسەر کردووە و رێکاری یاسایی وەرگرتووە".

سەبارەت بە پرسیاری کە ئایا لامەرکەزییەتی پارێزگای سلێمانی لە چوار چێوەی عێراق یان هەرێمی کوردستاندا دەبێت، ئەکرەم شەریف لە وەڵامدا وتی: پێویست ناکات وەڵامی ئەو پرسیارە بدەمەوە، چونکە ئێمە بە گوێرەی یاسای هەرێمی کوردستان هەڵبژێرداراوین و ئێمە موفاتەحەی ئەنجومەنی وەزیرانی هەرێمی کوردستان دەکەین و پرۆژەکەمان داوەتە هەرێمی کوردستان.

ئەندامەکەی ئەنجومەنی پارێزگای سلێمانی رونیشکردەوە، دەبوو هەر لەساڵی ٢٠٠٩ یاسای ژمارە سێ، بچوایەتە بواری جێبەجێکردنەوە و سیستمی لامەرکەزییەت جێبەجێبکرایە، دەرچواندی ئەو یاسایە بۆ جێبەجێکردنی سیستمی لامەرکەزیەتیی کارگێڕیی و داراییە.

ئەکرەم شەریف، راشیگەیاند، بە پێچەوانەوە، جێبەجێکردنی سیستمی لامەرکەزیی پارێزگاکان پێگەی هەرێمی کوردستان بە هێز دەکات، لە گەندەڵیی پاکی دەکاتەوە، شەفافەیەت بەرقەرار دەکات و هاوسەنگیی دەگەڕێتەوە و ناعەدالەتیی و جیاوازییەکان کەمدەبێتەوە و دیموکراسیی بە هێز دەکات.

ئەمە لەکاتێکدایە کە لە تۆڕە کۆمەڵایەتییەکلان باس لەوە دەکرێت ئامانج لە پڕيۆژەی لامەرکەزییەت بۆ سلێمانی بریتییە لە جیابوونەوە لە هەرێم و مامەڵەکردنی ڕاستەوخۆ لەگەڵ حکومەتی فیدراڵیی عێراق.

داڕشتنەوە: باران

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©