"هەرێمی کوردستان پارەی بەلاشی دەوێت" - پرس میدیا

إعلان فوق المشاركات

"هەرێمی کوردستان پارەی بەلاشی دەوێت"

"هەرێمی کوردستان پارەی بەلاشی دەوێت"


پرس میدیا

د.رێبوار کریم ئەندامی پەڕلەمانی عێراق، لە تۆڕی کۆمەڵایەتی فەیسبووک ڕایگەیاند، "میللەت لە هەرێم بەهەمو لێبڕین و دواخستنێکی موچە رازییە، ئیتر هەرێم لەژێر فشاردا نیەو ئامادەنیە هیچ شتێکی خۆی بداتە بەغداو لەبەرامبەریشدا هەرکات ویستی بەهەر رێژەیەک موچە دەدات."

دەقی بڵاوکراوەکەی د.رێبوار کریم، ئەندامی پەرلەمانتاری عیراق : 

هەرێم پارەی بەلاشی دەوێت!
_ سەرەڕای رێکەوتنەکانی ساڵانی رابردوو، ماوەیەکە، بەئاشکراو نهێنی چەندین هەوڵی جۆراوجۆر هەیە بۆ هێنانەکایەی رێکەوتنێکی 
گشتگیر لەنێوان هەرێم و بەغدا.
_ هەوڵێک درا، هەرێم بەشێک لە نەوت بنێرێت و لەبەرامبەردا بڕەپارەیەکی زۆرباش لەبەغدا وەربگرێت. سەرەتا هەرێم رازی بو. بەڵام دواتر پەشیمان بوەوەو داوایکرد لەبری نەوت داهاتی نەوت بدات بە بەغدا.
_ هەوڵێکیتر درا، هەرێم نیوەی داهاتی نەوت و نیوەی داهاتی گومرکە رەسمیەکان بداتە بەغدا. لەبەرامبەردا بەغدا نزیکەی (٤٠٠ ملیار دینار) بداتە هەرێم. سەرەتا هەرێم رازی بو دواتر پەشیمان بوەوە.
_ پێش چەند رۆژێک بەبێدەنگ، هەوڵێکیتر درا، کە بەهۆیەوە هەرێم بەئامادەبونی نوێنەرانی دیوانی چاودێری دارایی عیراق لەگومرکەکان تەنها نیوەی گومرکە رەسمیەکان بداتە بەغدا. لەبەرامبەردا بەغدا نزیکەی (۲٥٠ بۆ ۳٠٠ ملیار دینار) بداتە هەرێم تا کۆتایی ساڵی (۲٠۲٠). سەرەتا هەرێم تکا و ڕجای دەکرد ئەمە سەربگرێت، بەڵام ئێستا پەشیمان بۆتەوە.
ئەمە چیمان پێدەڵێت؟
1. هەرێم نایەوێت لەگەڵ بەغدا رێکبکەوێ و ئامادەنیە هیچ شتێک بدات بە بەغدا.
2. هەرکات پارەیەک لەبەغداوە بێت ئەوا رێژەو کاتی پێدانی موچە لەکوردستان گۆڕانکاری بەسەردا دێت، ئەمەش خواستی دەسەڵاتداران نیە.
3. میللەت لە هەرێم بەهەمو لێبڕین و دواخستنێکی موچە رازییە، ئیتر هەرێم لەژێر فشاردا نیەو ئامادەنیە هیچ شتێکی خۆی بداتە بەغداو لەبەرامبەریشدا هەرکات ویستی بەهەر رێژەیەک موچە دەدات.
4. هەرێم پارەی بەلاشی دەوێت لەبەغدا. ئەمەش ئاسان نیەو ئەم عیراقەی ئێستا ناتوانێ بەبێ جێبەجێکردنی ئەرکە فیدراڵیەکان لەلایەن هەرێمەوە پارەی بەلاش بدات.
5. لەمەوە بزانن هەمو رێکەوتنەکانی پێشوی هەرێم و بەغدا بۆیە نەگەیشتونەتە دەرەنجام، چونکە بەم ئاراستەیە رۆشتون.
6. هەرێم پێیوایە تەمەنی ئەم کابینەیەی حکومەتی عیراق کورتەو لەبەردەم هەڵبژاردنی پێشوەختدایە، هەربۆیە بەمشێوەیە دەکرێ درێژە بکێشێت تا دوای هەڵبژاردنی پێشوەخت.
7. هەرێم نایەوێت پارەی نەوت و گومرک بدات بە بەغداو ناشیدات بە خەڵك.

د.رێبوار کریم محمود
پەرلەمانتاری عیراق

No comments:

Post a comment

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

Contact form

Name

Email *

Message *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©