پرس میدیا
وەزارەتی دارایی عێراق رایگەیاند، "بە بڕیاری وەزیری دارایی دەست بە دابەشکردنی مووچەی مانگی حوزەیرانی سەرجەم فەرمانبەران دەکەین".
وەزارەتی دارایی عێراق ئەمڕۆ هەینی ٣ی تەمووزی ٢٠٢٠ لە راگەیەنراوێکدا ئاماژەی بەوەکرد، "بە بڕیاری وەزیری دارایی عێراق دەست بە دابەشکردنی مووچەی مانگی حوزەیرانی سەرجەم فەرمانبەرانی عێراق دەکرێت و مامەڵەی ژمێریاری فەرمانبەران تەواو بووە".
ئاماژەی بەوەشکردووە، "بڕی ٨ ترلیۆن دینار خراوەتە سەر هەژماری بانکی وەک گرەنتییەک بۆ دابەشکردنی مووچەی مانگەکانی دیکە وەک تەمووز و ئاب و ئەیلول".
No comments:
Post a comment