به‌ڕێوه‌به‌رایه‌تی گشتی ته‌ندروستی هه‌ولێرلە رونكردنه‌وه‌یه‌كدا ڕایگەیاند، "ئێمه به‌هیچ شێوه‌یه‌ك باسمان نه‌كردوه كه‌وا ده‌رمانی "Favipiravir" هیچ سودی نییه بۆ توشبوان.
به‌گوێره‌ی رونكردنه‌وه‌یه‌كی ته‌ندروستی هه‌ولێر، بژار موسا رایگه‌یاندوه، "به‌داخه‌وه لێدوانێك به‌ناوی ئێمه بڵاوكراوه‌ته‌وه كه‌وا باس له‌وه ده‌كات كه ده‌رمانی فاڤیپیراڤیر هیچ سودی نییه بۆ توشبوان، بله‌ڵام ئێمه به‌هیچ شێوه‌یه‌ك باسمان نه‌كردوه كه‌وا سودی نییه بۆ توشبوان، به‌ڵام ئه‌و میكانیزمه‌مان ڕونكردوه‌ته‌وه كه چۆن ئه‌نجامه‌كانی ئه‌م ده‌رمانه به‌ده‌ست دێت".
ئاماژەی بەوەشکردووە، " به‌پشت به‌ستن به‌هه‌مان پڕۆتۆكۆڵ به‌رده‌وام ده‌بن له به‌كارهێنانی ده‌رمانه‌كه، به‌و ئومێده‌ی كه له توێژینه‌وه‌كانی جیهانی ده‌ركه‌وتوه كه سودبه‌خشه بۆ توشبوان، هه‌مولایه‌كیش دڵنیاده‌كه‌نه‌وه، به‌كارهێنانی ئه‌م ده‌رمانه له ژێر چاودێری پزیشكیدایه".
ئەمەش لە کاتێکدایە، ده‌رمانی (Favipiravir) كه ناسراوه به‌ده‌رمانه روسیه‌كه له ژێر چاودێری پزیشكی دایه.
No comments:
Post a Comment