مەلا کرێکار لە زیندانەوە: خەڵك هەیە لە ئیتالیا لەسەر لایكێك گیراوە - پرس میدیا

إعلان فوق المشاركات

مەلا کرێکار لە زیندانەوە: خەڵك هەیە لە ئیتالیا لەسەر لایكێك گیراوە

مەلا کرێکار لە زیندانەوە: خەڵك هەیە لە ئیتالیا لەسەر لایكێك گیراوە


پرس میدیا
مەلا کرێکار کەسایەتی ئیسلامی کە لە ئیتاڵیا زیندانی کراوە دەڵێت خەڵک هەیە لە سەر لایکێک یان بەرزکردنەوەی دەستی دەستگیرکراوە و بە مادەی تیرۆر زیندانی کراوە. 

خالید رەنجدەر برای مەلا کرێکار لە فەیسبووك پۆستێکی بڵاوکردووەتەوە و نوسیویەتی لەگەڵ مەلا کرێکار بە سکایپ گفتوگۆی کردووە و پێی وتووە لە بارودۆخی ناو زیندانەكە رازیم بەڵام لە ئەدای داگاكان رازی نیم. 


هەواڵی ئەمڕۆی مامۆستا کرێکار 

خالید رەنجدەر برای مەلا كرێكار 

٢٠٢٠/٨/٢٤ 

ئەمڕۆ کاتژێر (٩) پێش نێوەڕۆ بەسکایپ ماوەی یەک کاتژێر بە کوردی و بێ بوونی چاودێر و موتەرجیم قسەمان لە گەڵ مامۆستا کرێکار کرد و، هەواڵی نوێی کوردستان و هەندێک وڵاتی ترمان پێگەیاند و، ئەویش باسی بارودۆخی خۆی لە زیندانەکەی بۆ کردین. وتی: ئاسایشی زیندانەکە توندوتیژە و، بۆ هەر زیندانییەک بەلای کەمەوە (٣) پاسەوان دانراوە. هەروەها وتی کە ڕۆژانە (٧) کاتژێر لە دەرەوەی ژوورەکەیەتی و وەرزش و جموجوڵی خۆی دەکات. زیندانییەکان بەویشەوە دەتوانن داوای ئەو شتانە بکەن کە پێویستیان پێیەتی و دەبێ بە پارەی خۆیان بیکڕن. 

وتی: خەڵکی وای لێیە لەسەر لایکێک بە یاسای دژە تیرۆر حوکم دراوە. یان خەڵک هەیە لە ئەوروپاوە چووەتە میسر و لەوێ چوار پەنجەی دەستی بەرزکردووەوە و وتوویان ئەوە ئاماژەیە بۆ مەیدانی رابعەی عەدەوی و، بە یاسای دژە تیرۆر حوکم دراوە. 

بە گشتی لە بارودۆخی زیندانەکە ڕازی بوو، بەڵام لە ئەدای دادگاکانیان ڕازی نەبوو و وتی وەک سیستەم بستێک لەملای سیستەمی دادگاکانی میسرەوەیە و، دادوەر هەرچی بیەوێت بڕیاری لەسەر دەدات و، ئەوەی گوێی لێ نەگیرێت زیندانییەکە و پارێزەرەکەیەتی. 

باسی ئەوەشی بۆ کردین کە لەو بەشەی ئەوی لێیە خەڵکی بیانی تریشی لێیە، بەتایبەتی موسوڵمان. مامۆستا دەرسی قورئان و زانیارییان پێ دەدات لەسەر ئیسلام. 

بەنیازە دەست بکاتەوە بە نووسینەکانی. 

ئێمەشی کرد بە وەکیل بۆ گەیاندنی سڵاو و رێز بە هەموو ئەوانەی دەیناسن و هاوخەمی بوون و دوعای خێریان بۆ کردووە.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©