کازم فاروق سەبارەت بە بانگەشەکەی شاسوار عەبدولواحید روونکردنەوە دەدات - پرس میدیا

إعلان فوق المشاركات

کازم فاروق سەبارەت بە بانگەشەکەی شاسوار عەبدولواحید روونکردنەوە دەدات

کازم فاروق سەبارەت بە بانگەشەکەی شاسوار عەبدولواحید روونکردنەوە دەدات

پرس میدیا

ئەندامێکی پەرلەمانی کوردستان لە فراکسیۆنی نەوەی نوێ رایگەیاند، "خۆپیشاندانەکەی ئەمڕۆی هەرێمی کوردستان لە زۆربەی شار و شارۆچکەکان ئەنجامدرا، خۆپیشاندانی خەڵکی کوردستانە نەوەک پارتێکی دیاریکراو، هەروەها خۆپیشاندانەکە بەردەوام دەبێت و فراوانتر دەبێت". 

کازم فاروق ئەندامی پەرلەمانی کوردستان لە فراکسیۆنی نەوەی نوێ لە چاوپێکەوتنێکدا بۆ "پرس میدیا" رایگەیاند، "خۆپیشاندانەکەی ئەمڕۆ کە ئەنجامدرا، خۆپیشاندانی خەڵکی کوردستان بووە نەوەک پارتێکی دیاریکراو یاخود نەوەی نوێ، هاوڵاتیانی کوردستان لە ئێستادا هیچ متمانەیەکیان بەم حکومەتە نەماوە و داوای هەڵوەشاندنەوەی دەکەن، بەڵام دەبێت هێزێکی ئۆپۆزسیۆن هەبێت پشتیوانی بکات". 

سەبارەت بەوەی شاسوار عەبدولواحید سەرۆکی جوڵانەوەی نەوەی نوێ بانگەشەی بۆ خۆپیشاندانەکە کرد روونیکردەوە، "بانگەشەکەی سەرۆکی نەوەی نوێ، بە مانای ئەوە نایەت خۆپیشاندانەکە خۆپیشاندانی نەوەی نوێیە، ئێمە هێزێکی ئۆپۆزسیۆنین و دەبێت هێزێکی ئۆپۆزسیۆن بوونی هەبێت، تا ئەوەی پشتیوانی لە خۆپیشاندانی هێمنانە بکات و پەیامی هاوڵاتیان بە دەسەڵات بگات". 

ئاماژەی بەوەشکرد، "خۆپیشاندانەکە بۆ رۆژانی داهاتوو بەردەوام دەبێت و بە دڵنیاییەوە فراوانتر دەبێت، وە داوا لە هاوڵاتیانی هەولێر و سەرجەم شار و شارۆچکەکانی دیکە دەکەین بەردەوام بن و کۆڵەنەدەن، هەروەها کات و شوێنی خۆپیشاندانەکە بۆ رۆژانی داهاتوو، خەڵک دیاری دەکەن نەک ئێمە، هەروەها وەک نەوەی نوێ بەردەوام دەبین لە پشتیوانیکردنیان و هەرکات پێویست بێت، شاسوار عەبدولواحید سەرۆکی نەوەی نوێ بەشدار دەبێت". 

ئەمڕۆ لە سلێمانی و هەولێر و چەند شار و شارۆچکەیەکی دیکەی هەرێمی کوردستان دژی کەمکردنەوە و دواکەوتنی مووچە و خراپی باری گوزەرانی هاوڵاتیان، بە بەشداری ژمارەیەک مامۆستا و چالاکوانی سیاسی و کەسایەتی ئاینی و هاوڵاتیان، خۆپیشاندان بەرێوەچوو.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©