وەزارەتی خوێندنی باڵا ژمارەیەک بڕیاری بۆ دەستپێکردنەوەی ساڵی نوێی خوێندن دەکرد - پرس میدیا

إعلان فوق المشاركات

وەزارەتی خوێندنی باڵا ژمارەیەک بڕیاری بۆ دەستپێکردنەوەی ساڵی نوێی خوێندن دەکرد

وەزارەتی خوێندنی باڵا ژمارەیەک بڕیاری بۆ دەستپێکردنەوەی ساڵی نوێی خوێندن دەکرد



پرس میدیا
وەزارەتى خوێندنى باڵا و توێژینەوەى زانستى هەرێمی کوردستان رایگەیاند خوێندنى ساڵى نوێى ئەکادیمى لە ١ی ئەیلوول دەستپێدەکات و پێویستە ساڵى ئەکادیمى لە ٣٠ی حوزەیران کۆتایی پێ بێت.

رۆژی شەممە ئەنجوومەنى وەزارەتى خوێندنى باڵا و توێژینەوەى زانستى بۆ تاوتوێ کردنی وادەی دەستپێکردنەوەی خوێندن لە زانکۆ و پەیمانگەکان بە ئۆنلاین کۆبوویەوە.

بەپێی راگەیەنراوی کۆبوونەوەکە وەزارەتی خوێندنی باڵا ژمارەیەک پێشنیازی بۆ ئەنجوومەنى وەزیران بەرزکردووەتەوە بەمەبەستى پەسەندکردنیان، كە بریتین لە:
خوێندنى ساڵى نوێى ئەکادیمى لە ١ی ئەیلوول دەستپێدەکات و پێویستە ساڵى ئەکادیمى لە ٣٠ی حوزەیران کۆتایی پێ بێت.

 لە نێوان ٢٠ی ئەیلوول تاوەکو ٤ی تشرینی یەکەم پرۆسەى خوێندن لە زانکۆ و پەیمانگەکانى لە هەرێمى کوردستان دەستپیدەکات، بەشێوەیەک زانکۆکان سەرپشکن و دەسەڵاتیان پێدەدرێت لە نێوان ئەم دو رێكکەوتە رۆژێک بۆ دەستپێکردنى خوێندنى ساڵى (٢٠٢٠-٢٠٢١) دەستنیشان بکەن.

- سیستمى خوێندن بۆ ساڵى خوێندنى (٢٠٢٠-٢٠٢١) بریتیە لە خوێندنى ئاوێتە واتە (blended learning).

- خوێندنى وانە پراکتیکییەکان و تاقیکردنەوەى کۆرسەکان و کۆتایى ساڵ و تەطبیقاتى ناو نەخۆشخانە و تاقیگەکان و وانە تیۆریە سەرەکییەکان لە ناو کامپەس دەخوێنرێت، بەو واتایەى زۆربەى خوێندنى ساڵى نوێ لە ناو کەمپەس دەبێت. 

- ماوەى نێوان ١ی ئەیلوول تاوەکو تاوەکو ٤ی تشرینی یەکەم ئەو ماوەیە بۆ راهێنانى مامۆستایان بەکاردەهێنرێت یان ڕێکخستنەوەى ساڵنامەى زانکۆ و قەرەبووکردنەوەى وانە فەوتاوەکان. 

- هیچ کۆرسێکى خوێندن لە زانکۆ و پەیمانگەکان نابێت لە (١٥) هەفتە کەمتر بێت. 

- بەهۆى بارودۆخى تەندروستى و بڵاوبوونەوەى پەتاى کۆرۆنا، تەنها بۆ ئەمساڵى خوێندنى (٢٠٢٠-٢٠٢١) لەنێوان زانکۆکانى هەرێم سیستمى میواندارى دەکرێتەوە ئەویش لەنێوان بەش و سیستمى هاوشێوەدا دەبێت. 

- بۆ خوێندنى ئاوێتە، هەر زانکۆیەک ئەو پلاتفۆرمە ستانداردانەى خوێندن بەکاردەهێنێت کە یونسکۆ راسپاردەى دەکات.

- لە ١١ی تشرینی یەکەمی ٢٠٢٠ پرۆسەى خوێندنى خوێندنى باڵا/ ماستەرو دکتۆرا دەستپێدەکات. 

ئاماژە بەوەشدراوە کە کۆى ئەم پێشنیازانە و چەندین پێشنیازى دیکەى پەیوەست بە پرۆسەى ساڵى نوێى خوێندن تاوتوێکران و دەخرێـتە بەردەم ئەنجوومەنى وەزیران بەمەبەستى تاوتوێکردن و پەسەندکردنیان. 


ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©