ئەو کەسەی هێرشی کردە سەر مزگەوتەکانی نیوزلاند چی بەسەر هات؟ - پرس میدیا

إعلان فوق المشاركات

ئەو کەسەی هێرشی کردە سەر مزگەوتەکانی نیوزلاند چی بەسەر هات؟

ئەو کەسەی هێرشی کردە سەر مزگەوتەکانی نیوزلاند چی بەسەر هات؟


پرس میدیا - تایبەت

لە نیوزلاند دادگای ئەو وڵاتە بڕیاری کۆتایی لەسەر زیندانیکردنی برینتن هاریسن تارانت دەدات کە ساڵی رابردوو هێرشی کردە سەر نوێژخوێنانی دوو مزگەوتی ئەو وڵاتە و بەهۆیەوە دەیان نوێژخوێن کوژران و بریندار بوون. 

رادیۆی نیوزیلاند بڵاوی کردەوە لە رێوشوێنێکی ئەمنیی توندوتۆڵدا دانیشتنی دوایین قۆناغی دادگاییکردنی تارانت لە دادگای باڵای شاری كریستچه‌رچ دەستی پێ کردووە کە چاوەڕوان دەکرێت چوار رۆژ بخایەنێت و تیایدا سزای سەر ئەو تۆمەتبارە دیاریی بکرێت. 

بەپێی زانیاریی میدیا ناوخۆییەکانی نیوزلەندا، تارانت بە دادگای وتووە کە بە نیازبووە لە کاتی هێرشەکەدا پەلاماری مزگەوتێکی دیکەی ناوچەکە بدات. 


ئەگەری زۆرە تارانت ببێتە یەکەم کەس لە نیوزلاند بە زیندانی هەتاهەتایی سزابدرێت، بێ بوونی هەلی ئازادکردنی مەرجدار، لە کاتێکدا نیوزلاند ساڵی 1961 سزای لە سێدارەدانی هەڵگرتووە، زۆرترین سزاش لەو کاتەوە لەسەر تۆمەتبارێک درابێت 30 ساڵ زیندانی کردن بووە. 

بەپێی وتەی داواکاری گشتی تارانت بۆ ماوەی چەندین ساڵ پلانی ئەو هێرشە تیرۆرستیەی داناوە و ئامانجی بووە زۆترین موسڵمان بکوژێت. 

میدیاکانی نیوزلەندا بڵاویانکردووەتەوە، تیرۆرستەکە ئامادەنەبووە پارێزەر بگرێت لەگەڵ ئەوەشدا لە رۆژی یەکەمی دادگاییکردنەکەدا هیچ قسەیەکی نەکردووە تەنیا ناو بە ناو سەیری ئەو کەسانەی ناو دادگای کردووە کە لە هێرشە تیرۆرستیەکەیدا رزگاریان بووە. 

بەپێی ئەو بەڵگانەی بۆ دادگا خراونەتە ڕوو، تیرۆرستەکە چەند مانگێک پێش ئەوەی هێرشەکە ئەنجام بدات چووەتە شاری كریستچه‌رچ و بە درۆن چاودێری ئەو مزگەوتەی کردوو کە پەلاماری دا. 

لەگەڵ ئەوشدا بە نیازبووە جگە لە مزگەوتی نور و لینوود، پەلاماری مزگەتی ئشبورتون لە نزیک ئەو دوو مزگەوتەی تر بدات. 

لە پڕۆسەی دادگاییکردنەکەدا کەسوکاری ئەو کەسانەی لەو کردە تیرۆریستیەدا شەهید و بریندار بوون بەشداریان کردووە، تەواوی ئەو رێگایانەی دەچنەوە سەر بینای دادگا داخراون، لە سەربانی بینای ناوچەکە پۆلیس بە چەکی نیشانشکێن جێگیرکراون. 



هاوکات پێشبینی دەکرێت لەو دادگاییکردنەدا زیاتر لە ٦٠ کەس مافی قسەکردنیان پێ بدرێت، بەهۆی رێکارەکانی خۆپارێزی لە کۆرۆن تیرۆرستەکە لە گرتووخانەی ئاوکلاند بە ئۆنلاین وتەکانی لێوەردەگیرێت. 


برینتۆن تارانت لە ١٣ی تەمووزدا دانی نا بەتەواوی ئەو تۆمەتانەی رووبەڕووی کراونەتەوە کە بریتین لە تیرۆرکردنی ٥١ کەس، هەوڵدان بۆ تیرۆرکردنی ٤٠ کەس و ئەنجامدانی هێرشێکی تیرۆریستیی. 


تیرۆریست برینتۆن تارانت کە بەرگریی لە باڵادەستبوونی رەگەزی سپی پێست دەکات و راستڕەوە، چاوەڕوان دەکرێت دوای ئەو دادگاییکردنە چوار رۆژیە سزای زیندانیکردنی هەتا هەتایی بەسەردا بسەپێندرێت. 

هەروەها  لە ١٥ی ئاداری ٢٠١٩دا لە میانی نوێژی هەیینیدا بە چەکی ئۆتۆماتیکی هێرشی کردە سەر نوێژخوێنانی مزگەوتەکانی نور و لینوود. 

لە هێرشەکەدا کە لە نیوزیلاند و تەواوی جیهان کاردانەوەی گەورەی لێکەوتەوە ٥١ شەهید بوون و ٤٩ کەسی دیکەش برینداربوون.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©