پرس میدیا
شەوی ڕابردوو سوپای ئیسرائیل بۆردوومانی چەند خاڵێکی لە باشووری دیمەشقی سووریا کردووە و بەهۆیەوە دوو کەس کوژراون و حەوتی تریش بریندار بوون.
ئاژانسی فەرمی راگەیاندنی سوریا (سانا) بڵاویکردەوە، بەرپەرچی هێرشێکی مووشەکی ئیسرائیلیان داوەتەوە کە کراوەتە سەر چەند بنکەیەکی سەربازیی دیمەشق.
بەپێی زانیارییەکانی سانا لە هێرشەکەی ئیسرائیلدا دوو سەربازی سوپای سوریا کوژراون و حەوتی دیکەش بریندار بوون.
هێرشەکە لە رێگەی مووشەکەوە ئەنجامدراوە، سەرچاوەیەکی وەزارەتی بەرگری سووریا بە ئاژانسی سانای راگەیاندووە بەرپەرچی هێرشەکەیان داوەتەوە و ژمارەیەک لە مووشەکەکانیان پێش گەیشتن بە ئامانجەکان خستووەتە خوارەوە.
No comments:
Post a Comment