سەردانەکەی کازمی بۆ هەرێم چی لەسەر وترا؟ - پرس میدیا

إعلان فوق المشاركات

سەردانەکەی کازمی بۆ هەرێم چی لەسەر وترا؟

سەردانەکەی کازمی بۆ هەرێم چی لەسەر وترا؟



پرس میدیا - تایبەت
مستەفا کازمی سەرۆک وەزیرانی عێراق لە دوو رۆژی رابردوودا تەواوی پارێزگاکانی هەرێم بەسەرکردەوە، هاوڵاتیانی ئەو ناوچانەی بەسەریدەکردنەوە بە گەرمییەوە پێشوازییان لێدەکرد ئەوەش کاردانەوەی سیاسییەکانی هەرێمی بەدوای خۆیدا هێنا. 

یەکەمینجارە سەرۆک وەزیرانێکی عێراق بەو گەرموگوڕییە لەلایەن هاوڵاتیانی باشووری کوردستانەوە پێشوازی گەرمی لێدەکرێت کە ئەوەش بۆچوونی جیاوازی لەسەرە، بەشێک پێیان وایە نا ئومێد بوونی خەڵکی کوردستانە لە تەواوی هێزە سیاسییەکان و بەشێکی تر پێیان وایە هەنگاوەکانی کازمی وایکردووە کاریگەری لەسەر خەڵکی کوردستانیش دروستبکات. 

کازمی بە مەیدانی قەڵای نزارکێ سیمبولی ئەنفالکراوانی بادینان و مۆنۆمێنتی کیمیایی بارانکراوانی هەڵەبجە بەسەرکردەوە، وەک هێمایەک بۆ هاوسۆزی نیشاندان بۆ کەسوکاری کیمیایی بارانکراوان و ئەنفالکراوان. 

زیاتر نمایشێکی میدیایی بوو
عارف روشدی راوێژکاری مەکتەبی سیاسی پارتی لەوبارەوە بە پرس میدیای وت، سەردانەکەی کازمی بۆ هەرێم زیاتر نمایشێکی میدیایی بوو لەگەڵ ئەوەشدا بۆ دژایەتیکردنی لایەنێکی سیاسی بەکارهێنرا. 

روشدی دەڵێت لەسەردانەکەی کازمی بۆ هەڵەبجە تەنها مارشی ئەی رەقیبی عێراق لێدراوە کە هەڵەبجە لە پەنای ئەو مارشەدا کیمیایی بارانکراوە بۆیە دەبوو مارشی ئەی رەقیبی پێشکەش بکرایە، عارف رووشدی ئەو هەنگاوە بە سووکایەتی لێکدەداتەوە کە بەرانبەر شەهیدانی هەڵەبجە کراوە. 

دایکێکی جەرگ سوتاو بەدەستی عێراق کوردستان ئەمانەتی سەرۆک وەزیرانەکەی دەکات 

لە یەکەم ڕۆژی سەردانەکەی کازمی بۆ هەرێم هەولێر و دهۆکی بەسەرکردەوە، یان بە دیوێکی تردا لە سنووری زەردا مایەوە، رۆژی دووەمی سەردانەکەشی لە سنووری سەوز. 

لە ناوجەرگە و چەقی دەسەڵاتی پارتیدا دایکی ئەنفالکراوێکی بادینان بە کازمی وت کوردستان ئەمانەتی تۆ بێت، لێدوانی ئەو دایکە جەرگ سووتاوە پارتی رووبەڕووی ئیحراجییەکی زۆر کردەوە هەر زوو میدیاکانی پارتی گەیشتنە لای ئەو دایکە و ناچاریانکرد مەسعوود بارزانی بە سەرۆکی خۆی بزانێت. 

ئامادەکاری بۆ هەڵبژاردنی پێشوەختە دەکات

بڵێسە جەبار فەرمان، پەرلەمانتاری یەکێتی لە ئەنجوومەنی نوێنەران پێی وایە ئامانجی سەرەکی لەسەردانەکەی کازمی پرسی هەڵبژاردنی پێشوەختەیەوە دەیەوێت لە کوردستان لیستی تایبەت بە خۆی هەبێت. 

ئەو پەرلەمانتارەی یەکێتی دەشڵێت بەهۆی سیاسەتە چەوتەکانی حکوومەتی هەرێمەوە خەڵکی کوردستان برسی کراوە ئەوەش وایکردووە زۆرترین نارەزایەتی بەرانبەر حکوومەتی هەریم هەبێت هەر ئەوەش هۆکاری سەرەکی پێشوازییە گەرمەکەی خەڵکی لە کازمی بوون. 

فشارە نێودەوڵەتییەکان پاڵنەری سەردانەکە بوون 
لەوبارەوە راوێژکارێکی سەرۆککۆماری عێراق پێی وایە نزیکبوونەوەی ڕێکەوتنی ھەرێم و بەغدا، فشاری کۆمەڵگەی نێودەوڵەتی بۆ لێکنزیکبوونەوەی زیاتری نێوان ھەردوولا، خەونی سیاسیی موسەتەفا کازمیی خۆی بۆ بەشداریی لە ھەڵبژاردنی داھاتوودا ئەو هۆکارانە بوون کە وایکرد مستەفا کازمی سەردانی هەرێم بکات. 

هاوژین عومەر راوێژکاری سەرۆککۆماری عێراق بە پرس میدیای وت، ئەو پێشوازییە گەرمەی لە مستەفا کازمی کرا دەرخەری ئەو راستیەیە کە دەسەڵاتدارانی کورد شەرعییەتیان لە دڵی خەڵکدا نەماوە، بەڵام بە زۆر خۆیان بەسەر خەڵکدا سەپاندووە. 

هەروەها ئەوەشی وت کە حکوومەتداری دەبێت مەیدانی بێت نەک لە پشتی لاپتۆپەوە ئەوەش وەک ئاماژەیەک بۆ کۆبوونەوە ئۆنلاینەکانی مەسروور بارزانی و سەردانە مەیدانییەکانی مستەفا کازمی. 

بەرهەم ساڵح لە پشت سەردانەکەی کازمییەوەیە 

 نوسەرێکی نزیک لە نێچیرڤان بارزانی جێگری سەرۆکی پارتی پێی وایە بەرهەم ساڵح بۆ بەهێزکردنی پێگەی سیاسی خۆی ئەو سەردانەی مستەفا کازمی رێکخستووە. 

رێبوار کەریم وەلی لە نوسینێکدا کە لە هەژماری خۆی لە فەیسبووک بڵاویکردووەتەوە نوسیویەتی "بەرھەم ساڵح وەک باوکی مەعنەویی مستەفا کازمی، (دەست)ی لە پشت دا و ئەو پیاوەی بۆ مەرامی شەخسیی خۆی ھێنایە کوردستان. لە لایەک بای خستە بن ھەنگڵی کازمی و، لە لایەکی دیکەوە ویستی لە شانۆگەرییەکەیدا، رۆڵی مام جەلالیش ببینێ. نەیتوانی. پەیامی ئەوەشی دایە بەرپرسانی کورد کە کۆنتڕۆڵی بەسەر ھەموو شتێکەوە ھەیە. 

هەروەها نوسیویەتی "-دەبینن لەگەڵ کازمی چۆنین، ئەگەر ئەمجارەش نەمکەنەوە بەسەرۆک، لیست درووست دەکەم و بەو مستەفایەی کوڕم تەپڵتان پێ لێدەدەم. 
لە ناو یەکێتی و سنوورەکەیدا، دەتوانم ببم بە مەرجەعی سیاسی و دەمڕاستیان. کێتان پێ کۆنتڕۆڵ نەکرا(مەبەست یەکێک لە ھاوسەرۆکەکانە) بیدەنە (دەست)خۆم، چۆنتان دەوێ وایلێدەکەم. " 

کازمی لە سلێمانی چاوی بە سەرکردەی بەشێک لە حیزبەکان کەوت کە لە خوانێکی بەرهەم ساڵح سەرۆککۆماری عێراق لە مێرگەپان کۆ کرابوونەوە. 

لەسەر شوێنی کۆبوونەوەکە شاناز ئیبراهیم ئەحمەد ئەندامی ئەنجوومەنی سەرکردایەتی یەکێتی رەخنەی توندی لە بەرهەم ساڵح گرتبوو و باسی لەوەکردبوو پێویست بوو شوێنی کۆبوونەوەکە لە دەباشان بوایە نەک مێرگە پان. 

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©