قەیسەر کاثیرینی دووەم گەورە قەیسەری ئیمپراتۆریای ڕووسیای قەیسەری - پرس میدیا

إعلان فوق المشاركات

قەیسەر کاثیرینی دووەم گەورە قەیسەری ئیمپراتۆریای ڕووسیای قەیسەری

قەیسەر کاثیرینی دووەم گەورە قەیسەری ئیمپراتۆریای ڕووسیای قەیسەری

پرس میدیا

قەیسەر کاثیرینی دووەم (گەورە) (1762_1796ز) قەیسەری ئیمپراتۆریای ڕووسیای قەیسەری 

قەیسەر کاثیرینی دووەم (گەورە) ، ناوی ڕاستەقینەی سۆفی فریدریك کریستیان ئەگوست ڤۆن ئالنهالت_زیربست_دۆرنبورگە ، کچی میر کریستیان ئەگوست (1742_1747ز) میری میرنشینی ئالهانت_زیربستی سەر بە شانشینی پڕووسیای ئەڵمانی و هاوژینی قەیسەر پیتیری سێیەم (1762ز) قەیسەری ئیمپراتۆریای ڕووسیای قەیسەری و شا ستانیسلاو ئاوگوست پۆنیاتۆوسکی (1764_1795ز) شای پۆڵەندە و دایکی قەیسەر پاوڵی یەکەم (1796_17801ز) قەیسەری ئیمپراتۆریای ڕووسیای قەیسەرییە ، لە خانەوادەی میرانی ئاسکانیای ئەڵمانییە و دواتر بووەتە ئەندامی خانەوادەی ئیمپراتۆری ڕۆمانۆڤی ڕووسییە ، لە ڕێکەوتی (2_3/ئایار_1729) لەدایک بووە لە شاری شتچین ناوەندی پارێزگای خۆرهەڵاتی پۆمیرانیای سەر بە وڵاتی پۆڵەندای ئێستە کە هاوکات بە پۆمیرانیای سەر بە شانشینی پڕووسیای ئەڵمانی بووە. 

قەیسەر کاثیرینی دووەم (گەورە) ، ئەندامی ئەکادیمیای پڕووسی بۆ زانست بووە ، و لە پاش هاوسەرگیر کردنی لەگەڵ قەیسەر پیتیری سێیەم (1762ز) قەیسەری ئیمپراتۆریای ڕووسیای قەیسەری ، چۆتە ڕێزەکانی سوپای ئیمپراتۆریای ڕووسیای قەیسەری و مەشقی سەربازی کردووە ، و پلە سەربازییەکانی بریووە تا گەیشتووتە پلەی عەقید لە ناوی سوپای ئیمپراتۆریای ڕووسیای قەیسەری ، و فەرماندەی فەوجی پریۆبراژینسکی بووە ، کە یەکەی پاسەوانانی ئیمپراتۆری ئیمپراتۆریای ڕووسیای قەیسەری ، و هەروەها فەرماندەی فەوجی ئیزمایلۆجسکی بووە ، لە ڕێکەوتی (28_6/یونیو_1762) تاوەکو ڕێکەوتی (6_11/تشرینی دووەم_1796) ، کە یەکەیەکی هەرە تایبەتی پاسەوانانی ئیمپراتۆری ئیمپراتۆریای ڕووسیای قەیسەری بووە ، و هەروەها چەندان خەڵاتی وەرگرتووە وەکو نیشانەی سوارچاکی قەدیس ئیسکندەر نیڤیسکی ، و شمشێر (وسام) ی ئیمپراتۆری ساینت کاثرینی ئیمپراتۆری ڕووسیای قەیسەری ، و شمشێر (وسام) ی قەدیس حنە ، و نیشانەی سوارچاکی قەدیس ئەندراۆس ، و نیشانەی سوارچاکی بەرگی ڕەش و نیشانەی قەدیس ڤلادیمیر بە پلەی یەکەم ، و نیشانەی سوارچاکی بەرگی سپی و شمشێر (وسام) ی شاهانەی سیرافیمی ئیمپراتۆریای سویدی. 

قەیسەر کاثیرینی دووەم (گەورە) ، لە ئاستی ناوخۆیی توانیویەتی بە سەر کێشە و گرفتەکاندا زاڵ بێت ، و وڵات لە ڕووی ئابووری و بەرێوەبردن و خوێندنەوە بەرەو پێش ببات ، و بیگەینتە ئاستێکی باڵا و پێشکەوتوو ، و هەروەها لە ئاستی سیاسیەتی دەرەوەدا توانیویەتی کێشەی میرنشینە قۆزاقەکانی ئوکرانیا چارەسەر بکات ، و بە تەواوی دەستی گرت بە سەر وڵاتی ئوکرانیا ، و خاتوونی قەیسەر کەسێکی خۆشەویستی ناو خەڵکی ڕووسیا بووە ، و دۆستی هەژاران و نەداران بووە ، و توانیویەتی ئارامی و ئاسایش ناوخۆیی ئیمپراتۆریای ڕووسیای قەیسەری بەرقەرار بکات ، و ئاشتی لە ناوخۆیی وڵات گەشە بکات بە گشتی و هەرێم و ناوچەکانی وڵات ، و دژی خراپەکاران و گەندەڵکاران وەستاوتەوە ، و دژایەتی کردوون ، و هەروەها دوو جار جەنگی بەرپا کردووە لە دژی دەوڵەتی عوسمانییەکان کە تێایاندا سەرکەوتوو بووە ، یەکەمیان لە نێوان ساڵانی (1768_1774ز) دا بووە ، کە سوپای ئیمپراتۆریای ڕووسیای قەیسەری سەرکەوت بە سەر سوپای دەوڵەتی خەلافەتی عوسمانییەکانی ، ئەوەش دەوڵەتی خەلافەتی عوسمانییەکانی ناچار کرد ، کە پەیماننامەی کوچوک کاینارجی لە ڕێکەوتی (21_7_1774) لە دێی کوچوک کاینارجی سەر بە شاری کایناردژای سەر بە ئۆبلاست (پارێزگا) ی سیلیسترای وڵاتی بولگاریای ئێستە لەگەڵ ئیمپراتۆریای ڕووسیای قەیسەری واژۆ بات بۆ کۆتایی هێنان بە جەنگی نێوانیان ، و هەروەها بە پێی ئەو پەیماننامەیە خاناتی تاتارەکانی کریمیا (قرم) سەربەخۆ کرا ، لە دەوڵەتی خەلافەتی عوسمانییەکان و پێدانی سەربە خۆیی خۆجێی بە میرنشینی واللاچیا (ئەفلاق) ی ڕۆمانیای ئێستە ، و میرنشینی بەغدانی مۆڵیداڤی لە وڵاتی ئێستەی ڕۆمانیا لە ژێر سایەی دەسەڵاتی دەوڵەتی خەلافەتی عوسمانییەکان دا ، و هەروەها مافی سەرپەرشتی ئایینزای ئۆرثوذکسی مەسیحی کە لە دەوڵەتی خەلافەتی عوسمانییەکان دەژیان ، درایە ئیمپراتۆریای ڕووسیای قەیسەری ، و پێدانی باجی جەنگ لە لایەن دەوڵەتی خەلافەتی عوسمانییەکان بە ئیمپراتۆریای ڕووسیای قەیسەری ، کە بریتی بوو لە (15) هەزار کیسەی زێر (ئالتۆن) ، بەڵام هەر پەیوەندییەکانیان هەر ئاڵۆز و گژر بوو ، و لە سەردەمی دەسەڵاتداری خاتوونی قەیسەر پەیماننامەی ئانیالیکاڤاک ، کە لە ڕێکەوتی (10_3/ئازار_1779) لە کۆشکی ئانیالیکاڤاک لە شاری کۆنستانتینپۆڵ (ئەیستانبوڵ) پایتەختی ئەو سەردەمی دەوڵەتی خەلفەتی عوسمانییەکان واژۆ کرا ، لە نێوان ئیمپراتۆریای ڕووسیای قەیسەری و دەوڵەتی خەلافەتی عوسمانییەکان ، بە نێوندگیری باڵیۆزی شانشینی فەرەنسی لە شاری کۆنستانتینپۆڵ (ئەیستانبوڵ) پایتەختی ئەو سەردەمی دەوڵەتی خەلافەتی عوسمانییەکان ، دەرباری پەڕەسەندنی کێشە نێوخۆییەکانی خاناتی تاتارەکانی کریمیا (قرم) ، کە ئەو خاناتە لە نێوخۆیدا تووشی کێشەی هاتبوو ، کە هەر دوو لا داواکارییان دەربارەی خاناتی تاتارەکانی کریمیا (قرم) هەبوو ، کە ئەوە بوو کە هەر یەکێکە ئیمپراتۆریای ڕووسیای قەیسەری و دەوڵەتی خەلافەتی عوسمانییەکان نابێت دەست تێوەردان لە کار و باری ناوخۆیی خاناتی تاتارەکانی کریمیا (قرم) وەردەن ، ڕەزامەندی نیشاندان لە سەر مەرجەکانی پەیماننامەی کوچوک کاینارجی و کشانەوەی هێزەکانی سوپای ئیمپراتۆریای ڕووسیای قەیسەری ، لە خاناتی تاتارەکانی کریمیا (قرم) لە ماوەی سێ مانگ و بیست ڕۆژ و ، دەوڵەتی خەلافەتی عوسمانییەکان دان بنهێت بە شاهین خان گرای (1782_1777ز) (1783_1782ز) وەکو خانی خاناتی تاتارەکانی کریمیا (قرم) ، و پێدانی مافی هاتوچۆ کردنی ئازاد بۆ کەشتییەکانی ڕووسیا لە ناو دەریای سپی ناوەڕاست ، و هەروەها توانی کۆتایی بە دەسەڵاتداریەتی خاناتی تاتارەکانی کریمیا (قرم) بهێنێت لە ساڵی (1783ز). 

دووەمیان لە نێوان ساڵانی (1787_1792ز) دا بووە ، کە هێزەکانی سوپای ئیمپراتۆریای ڕووسیای قەیسەری سەرکەوت ، بە سەر هێزەکانی سوپای دەوڵەتی خەلافەتی عوسمانییەکان ، کە دەوڵەتی خەلافەتی عوسمانییەکان ناچار بوو پەیماننامەی یاش (جاسی) لە ڕێکەوتی (1792_1_9) ، لە شاری یاش (جاسی) ناوەندی پارێزگای یاش (جاسی) سەر بە هەرێمی مۆڵداڤیای سەر بە وڵاتی رۆمانیای ئێستە ، لەگەڵ ئیمپراتۆریای ڕووسیای قەیسەری واژۆ بکات بۆ کۆتایی هێنان ، بە جەنگی نێوانیان کە ماوەی (4) ساڵ و (4) مانگ و (21) ڕۆژی خایاندووە ، کە بە پێی ئەو پەیماننامەیە جەختی بە بوونی هەیمەنە و سەروەری ئیمپراتۆریای ڕووسیای قەیسەری کرد بە سەر دەریای ڕەش کردووە ، و هەروەها بە پێی پەیماننامەکە بە فەرمی دانی نا بە پەیوەست بوونی کەنداوی کریمیا (قرم) بۆ ئیمپراتۆریای ڕووسیای قەیسەری و ناوچەی یەدیسان ، کە دەکەوێتە نێوان ناوچەکانی سەر بە (ڕووباری دینستر و بۆگ) دەخرێتە سەر خاکی ئیمپراتۆریای ڕووسیای قەیسەری بە ناوچەی دنیسترەوە ، و تەرک کردنی ناوچەکانی ئاسیای ڕووباری کۆپی بە بێ گۆڕانکاری تێدا ، بەڵام هەر پەیوەندییەکانیان هەر ئاڵۆز و گژر بوو. 

قەیسەر کاثیرینی دووەم (گەورە) (1762_1796ز) قەیسەری ئیمپراتۆریای ڕووسیای قەیسەری ، کە ماوەی (34) ساڵ قەیسەری ئیمپراتۆریای ڕووسیای قەیسەری بووە ، لە ڕێکەوتی (17_11/تشیرینی یەکەم_1796) لە تەمەنی (67) ساڵی دا کۆچی دوایی کردووە ، لە شاری ساینت پیتیسبورگی ناوەندی ئوبلاست (پارێزگا) ی لینینگراد ، لە ناوچەی فیدڕاڵی باکووری خۆرئاوای وڵاتی ڕووسیای فیدڕاڵییە ، کە ئەو کاتە شاری ساینت پیتیسبورگ پایتەختی ئیمپراتۆریای ڕووسیای قەیسەری بووە و هەر لەوێش ئەسپەردەی خاك کراوە. 



سەرچاوەکان 

_1نۆیل باربەر: فەرمانڕەوایانی قۆچی زێرین لە سوڵتان سلێمانی قانوونییەوە تا ئەتا تورک (مەستەفا کەمال)-وە: رێبوار کەریم وەلی-هەولێر2001ز. 

_2یاسین سابر ساڵح: ئینسایکڵۆپیدیای گشتی-سلێمانی2005ز. 

3_کۆمه‌ڵێک نووسه‌ر: عوسمانییه‌کان-وه‌: سه‌لام عه‌بدوڵکه‌ریم-سلێمانی2008ز. 

4_پ.د. جڤری برۆن: پۆختەی مێژووی ئەوروپا-وە: نهاد جەلال حبیب اللە-سلێمانی2009ز 

_5بێرنارد لویس: ڕۆژهه‌ڵاتی ناوه‌ڕاست-وه‌: عه‌بدوڵڵا ڕه‌سولی-هه‌ولێر2014ز. 

6_د. مه‌یمونه‌ هه‌مزه‌ مه‌نسوور: مێژووی ده‌وڵه‌تی عوسمانی-وه‌: هۆگر ڕه‌حمان قادر-هه‌ولێر2014ز. 

7_د. موفید زەیدی: ئینسایکلۆپیدیای مێژووی ئیسلام/ سەردەمی عوسمانییەکان-وە: بەختیار عەزیز ئەحمەد-سلێمانی2015ز. 

8_د. محەمەد تەقوش: عوسمانییەکان/ لە دامەزراندنی دەوڵەتەوە تا کودەتا بە سەر خەلافەتەدا-وە: نەریمان خۆشناو و مەستەفا سەید مینە-هەولێر2015ز. 

9_کارڵ برۆکلمان: مێژووی گەلانی موسڵمان-وە: عومەر عەلی غەفوور-تاران2017ز. 

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©