لەسەرەتای ئەمساڵەوە ٤٠٠ رۆژنامەنووس گیانیان لەدەستداوە - پرس میدیا

إعلان فوق المشاركات

لەسەرەتای ئەمساڵەوە ٤٠٠ رۆژنامەنووس گیانیان لەدەستداوە

لەسەرەتای ئەمساڵەوە ٤٠٠ رۆژنامەنووس گیانیان لەدەستداوە

پرس میدیا
رێکخراوی کۆمەڵگای نێودەوڵەتی Press Emblem Campaign کە ناوەندەکەی لە شاری جنێڤ-ی سویسرایە، بڵاوی کردەوە کە لە سەرەتای مانگی ئادارەوە تا ئێستا لانیکەم ٣٦٦ رۆژنامەنووس بەهۆی توشبوونیان بە پەتای ڤایرۆسی کۆرۆنای نوێ گیانیان لەدەستداوە.

لە میانی دانیشتنەکانی خولی ٤٥هەمینی ئەنجوومەنی مافەکانی مرۆڤ سەربە نەتەوە یەکگرتووەکان کە دوێنێ لە نووسینگەی نەتەوە یەکگرتووەکان لە شاری جنێڤ دەستی پێکرد، سکرتێری گشتیی رێکخراوەکە PEC، بلایسی لیمپین گوتارێکی پێشکەش کرد و باسی لەوە کرد کە لە میانی رۆژانی رابردوودا، گیانلەدەستدانی رۆژنامەنووسان بە پەتاکە رووی لە هەڵکشانکردووە، بەتایبەتی لە هیندستان.

بلایسی لیمپین بانگەوازی ئاراستەی ٤٧ ئەندامەکەی ئەنجوومەنی مافەکانی مرۆڤ کرد و داوای کرد بڕیار دەربکەن لە پێناو پاراستنی رۆژنامەنووسان لە قەیرانی تەندروستیی جیهانیی.

بەپێی زانیارییەکانی PEC لە ٤٧ وڵاتی جیهاندا، لانیکەم ٣٦٦ رۆژنامەنووس لە مانگی ئادارەوە تا ئێستا بە پەتای کۆرۆنا گیانیان لەدەستداوە.

هەروەها باس لەوە دەکرێت کە لە یەکی تەمووزەوە تا سەرەتای ئەیلوول، ژمارەی ئەو رۆژنامەنووسانەی بەهۆی کۆرۆناوە گیانیان لەدەستداوە دوو هێندە زیادی کردووە.

هاوکات PEC ئەوەشی خستووەتەڕوو کە لەسەرانسەری جیهاندا لە سەرەتای ساڵەوە تا ئێستا، ٥٤ رۆژنامەنووس بەهۆکاری جۆراوجۆر کوژراون، بەو شێوەیەش ژمارەی ئەو رۆژنامەنووسانەی لە میانی ئەمساڵدا، گیانیان لەدەستداوە و کوژراون ٤٠٠ رۆژنامەنووسی تێپەڕاندووە. 



ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©