دهۆک.. کازمی ناوچەیەکی ئەنفالکراوی بەسەرکردەوە - پرس میدیا

إعلان فوق المشاركات

دهۆک.. کازمی ناوچەیەکی ئەنفالکراوی بەسەرکردەوە

دهۆک.. کازمی ناوچەیەکی ئەنفالکراوی بەسەرکردەوە



پرس میدیا
مستەفا کازمی سەرۆکوەزیرانی عێراق،  لە میانی سەردانەکەی بۆ هەرێمی کوردستان، سەردانی قەڵای نزارکێی لە شاری دهۆک کرد.
نووسینگەی رۆژنامەوانی سەرۆکوەزیرانی عێراق بڵاویکردەوە، کازمی لە میانی سەردانەکەیدا بۆ قەڵای نزاکێ تاجە گوڵینەی لەسەر گۆڕی قوربانیانی ئەنفال لە قەڵاکە دانا و سورەتی فاتیحەی بۆ گیانی قوربانیانی ئەو تاوانە خوێندووە.

بەپێی راگەیەنراوەکە کازمی چاوی کەوتووە بە کەسوکاری قوربانیانی ئەنفال و گوێی لە داواکارییەکانیان گرتووە و رایگەیاندووە "قوربانیانی کەسوکارتان رێگەی بەرووی بنیاتنانی عێراقی ئازاد و دیموکراتی کردووە و بووە هۆی رووخانی دیکتاتۆرییەت".

سەرۆکوەزیرانی عێراق، مستەفا کازمی بەیانی ئەمڕۆ پێنجشەممە بە یاوەری شاندێکی باڵای حکوومی گەیشتە ھەولێر پایتەختی ھەرێمی کوردستان و لەلایەن سەرۆکوەزیرانی هەرێمی کوردستان، مەسرور بارزانی و ژمارەیەکی دیکە لە بەرپرسانی باڵای هەرێم پێشوازیی لێکرا.

دوای دیدار و کۆبوونەوەی لەگەڵ سەرۆکی پێشووی هەرێمی کوردستان، مەسعود بارزانی و سەرۆکوەزیرانی هەرێمی کوردستان، مەسرور بارزانی بە سەردانێک گەیشتە شاری زاخۆ سەربە پارێزگای دهۆک و سەردانی کۆمەڵگای دەروازەی نێودەوڵەتیی ئیبراھیم-ی کرد.

بڕیارە مستەفا کازمی سبەی هەینی لە هەولێر لەگەڵ سەرۆکی هەرێمی کوردستان، نێچیرڤان بارزانی کۆببێتەوە و دواتر سەردانی هەردوو پارێزگای سلێمانی و هەڵەبجە بکات.

ئەم سەردانەی مستەفا کازمی بە یەکەم سەردانی بۆ هەرێمی کوردستان دادەنرێت لە دوای دەستبەکاربوونی وەک سەرۆکوەزیرانی عێراق لە مانگی ئایاری رابردوو.

هەرێمی کوردستان لەسەر ئاستی سەرۆکایەتی هەرێم یەکێک بوو لەنێو ئەو لایەنانەی کە پشتیوانی لە مستەفا کازمی کرد بۆ بوون بە سەرۆکوەزیرانی عێراق.





ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©