دەستەی دەستپاکی عێراق: لە ماوەی سێ مانگدا ٨٥ کەس لەسەر گەندەڵی دەستگیرکراون - پرس میدیا

إعلان فوق المشاركات

دەستەی دەستپاکی عێراق: لە ماوەی سێ مانگدا ٨٥ کەس لەسەر گەندەڵی دەستگیرکراون

دەستەی دەستپاکی عێراق: لە ماوەی سێ مانگدا ٨٥ کەس لەسەر گەندەڵی دەستگیرکراون



پرس میدیا
دەستەی دەستپاكی لە عێراق رایگەیاند لە میانی ئەو هەڵمەتانەی كە تیمەكانیان بەشێوەیەکی مەیدانی لە میانی سێ مانگی رابردوودا ئەنجامیانداوە، 85 كەسیان بەتۆمەتی تێوەگلان لە گەندەڵی دەستگیركردووە و 27 ملیار و 400 ملیۆن دینارینیشیان گەڕاندووەتەوە گەنجینەی دەوڵەت.

فەرمانگەی لێكۆڵینەوەكان لە دەستەی دەستپاكی لە عێراق لە راگەیەندراوێكدا وردەكاری ئەو هەڵمەتانەی خستووەتەڕوو و رایگەیاندووە كە لە یەكی ئایار تا 31ی تەمووزی ئەمساڵ، تیمەكانیان 97 هەڵمەتیان لە بەغدا و ژمارەیەك پارێزگای دیکە بە ئامانجی راوەدوونانی گەندەڵكاران ئەنجامداوە كە لە میانیدا، 85 كەس بەتۆمەتی تێوەگلاون لە گەندەڵی دەستگیركراون.

لە راگەیەندراوەکەدا روونكراوەتەوە كە تیمەكانی سەربە بەڕێوەبەرایەتی لێكۆڵینەوەكانی بەسرە لەو ماوەیەدا، 20 هەڵمەتیان ئەنجامداوە كە لە میانیاندا دەستیانگرتووە بەسەر 110 مامەڵەی ساختەی خانووبەرەی میری كە بەهاكەیان پێنج ملیار دینار بووە.

لە راگەیەندراوەكەدا هاتووە "هەر لەو ماوەیەدا دەست بەسەر 147 مامەڵەی خانەشینی ساختەی تایبەت بە قوربانییانی تیرۆر لە دەستەی خانەنشینی نیشتمانیی لقی ئەنبار كە بەهاكەیان 10 ملیار دینار بوو گیراوە، هەروەها دەستبەسەر مۆڵەتێكی سەختەدا گیراوە كە بۆ وەرگرتنی قەرز بە ئامانجی وەبەرهێنان لە نەجەف كە بەهاكەی حەوت ملیار دینار بووە درابوو، جگە لەوەیش دەستبەسەر مۆڵەتێكی ساختەدا گیراوە كە بۆ وەرگرتنی پێنج ملیار دینار بۆ كاری خانووبەرە درابوو".

لە كۆتایی راگەیەندراوەكەدا فەرمانگەی لێكۆڵینەوەكان لە دەستەی دەستپاكی باسی لەوەكردوو گەندەڵی لە گرێبەستی كڕێنی ژمارەیەك ئامێری پشكنین و دەستنیشانكردنی ڤایرۆسی كۆرۆنا كە بەهاكەی 400 ملیۆن دینار بوو و فەرمانگەی تەندروستیی كەركووك واژووی كردووە ئاشكراكراوە، جگە لەوەیش ژمارەیەك تۆمەتبار كە دەستیان بەسەر ژمارەیەك زەوی و خانووبەری میریدا گرتبوو لە كەركووك دەستگیركراون. 




ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©