دوای شەش رۆژ لە سەردانەکەی کازمی پارەی گەنمی جوتیارانی هەرێم رەوانە کرا - پرس میدیا

إعلان فوق المشاركات

دوای شەش رۆژ لە سەردانەکەی کازمی پارەی گەنمی جوتیارانی هەرێم رەوانە کرا

دوای شەش رۆژ لە سەردانەکەی کازمی پارەی گەنمی جوتیارانی هەرێم رەوانە کرا



پرس میدیا
حکوومەتی فیدرال قۆناغی دوومی پارەی شایستە داراییەکانی گەنمی جووتیارانی هەرێمی کوردستانی نارد و هەفتەی داهاتوو دەست بە دابەشکردنی دەکرێت.

هێمن سەید موراد بەڕێوەبەری سایلۆی هەولێر رايگەیاند "قۆناغی دووەمی شایستە داراییەکانی جووتیاران بۆ ساڵی ٢٠٢٠ گەیشتووە کە بڕەکەی هەشت ملیار و ٨٠٥ ملیۆن دینارە، چەکەکەمان بەدەست گەیشتووە و لە هەفتەی داهاتوودا دەست بە دابەشکردنی دەکەین بەسەر جووتیاراندا بەپێی ریزبەندی، کامیان زووتر گەنمەکەیان رادەستی سایلۆ کردووە ئەوەیان زووتر پارەکەی وەردەگرێت". 

هێمن سەید موراد وتی: "پارەکە قۆناغی دووەمە چەند قۆناغێک هێشتا ماوە بۆمان بنێردرێت، بەڵام ئێمە بەردەوام لەسەر خەتین لەگەڵیاندا و لە پەیوەندی و هەماهەنگیداین بۆئەوەی بەزووترین کات ئەو شایستە داراییانە بۆ برا جووتیارەکانی خۆمان دابین بکەین و نییەتێکیش هەیە کە ئەوانی تریش بەزووترین کات بگاتە دەستمان". 

بەڕێوەبەری سایلۆی هەولێر، هێمن سەید موراد راشیگەیاند کە نزیکەی ٤٠ ملیار دیناری دیکە ماوە کە بۆیان بنێردرێت و چاوەڕوان دەکەن کە لە رۆژانی داهاتوو بەدەستیان بگات و بەسەر جووتیارندا دابەشی بکەن و گوتی:

"ئەو پارەیەی هاتووە پارەی شایستە داراییەکانی جووتیارانی هەولێرە و بەسەر ئەواندا دابەشدەکرێت، پارەی هەولێر هەشت ملیار و ٨٠٥ ملیۆن دیناربوو ئەوەی هاتووە، بۆ ئەوانە، شایستە داراییەکانی جووتیارانی سلێمانی ١٣ ملیار دینارە و ئەوەی دهۆک-یش هەشت ملیار و ٣٠٠ ملیۆن دینارە، ئەوەی هاتووە تەنها پارەی جووتیارانی هەولێرە". 

رۆژی هەینی رابردوو لە میانی سەردانەکەیدا بۆ پارێزگای سلێمانی، سەرۆکوەزیرانی عێراق، مستەفا کازمی داواکاری جووتیارانی پارێزگای سلێمانی وەرگرت کە داوای ناردنی شایستە داراییەکانیان لێکرد، دواتریش لە چوارچێوەی داواکارییەکانی پارێزگای سلێمانیدا یەکێک لە خاڵەکان ناردنی پارەی گەنمی جووتیاران بوو، ئەمڕۆ دوای شەش رۆژ لە سەردانەکەی مستەفا ازمی، بەغدا بەشێک لە پارەی شایستە داراییەکانی جووتیارانی هەرێمی کوردستانی بۆ ساڵی ٢٠٢٠ نارد و هەفتەی داهاتووش دەست بە دابەشکردنی دەکرێت. 

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©