عێراق.. ئۆپەراسیۆنێک بۆ رزگاركردنی چالاكوانێكی خۆپیشاندانەکانی ناسرییە دەستی پێکردووە - پرس میدیا

إعلان فوق المشاركات

عێراق.. ئۆپەراسیۆنێک بۆ رزگاركردنی چالاكوانێكی خۆپیشاندانەکانی ناسرییە دەستی پێکردووە

عێراق.. ئۆپەراسیۆنێک بۆ رزگاركردنی چالاكوانێكی خۆپیشاندانەکانی ناسرییە دەستی پێکردووە


پرس میدیا
سوپای عێراق، دەستپێكردنی ئۆپەراسیۆنێك بە ئامانجی رزگاركردنی چالاكوانی خۆپیشاندانەکانی شاری ناسرییە باشووری عێراق، سەجاد عێراقی كە چەند رۆژێك لەمەوبەر رفێندراوە، راگەیاند.

چەند رۆژێك لەمەوبەر چالاكوانی خۆپیشاندانەكانی شاری ناسرییە سەنتەری پارێزگای زیقار باشووری عێراق، بەناوی سەجاد عێراقی رفێندراوە كە تا ئێستا چارەنووسی نادیارە.

لەمبارەیەوە شانەی راگەیاندنی ئەمنی سەربە ئۆپەراسیۆنە هاوبەشەكانی عێراق لە راگەیەندراوێكدا بڵاوی كردەوە كە یەكەكانی دژەتیرۆر، هێزەكانی پۆلیسی زیقار و هێزەكانی كۆماندۆ سەربە فەرماندەیی ئۆپەراسیۆنەكانی سۆمەر ئۆپەراسیۆنێكیان بە ئامانجی رزگاركردنی سەجاد عێراقی و دەستگیركردنی ئەو كەسانەی كە ناوبراویان رفاندووە دەستپێكردووە.

بەپێی راگەیەندراوەكە ئۆپەراسیۆنەكە لە ناوچەكانی ئوم غیزلان، ناحیەی دەوایە، شەدید، عبێد، عێگیگە، هەساسڕە و سەید دەخیل ئەنجام دەدرێت.

دوێنێ دووشەممە سەرۆكوەزیران و فەرماندەی گشتیی هێزە چەكدارەكانی عێراق، مستەفا كازمی فەرمانی کرد بە فەرماندەیی ئۆپەراسیۆنە هاوبەشەكان کە رێوشوێنی خێرا و بەپەلە بە ئامانجی دۆزینەوە و رزگاركردنی سەجاد عێراقی بگرێتەبەر، هەروەها هێزێكی دژەتیرۆریشی راسپارد تا بچێت بۆ پارێزگای زیقار بۆ ئەوەی سەجاد عێراقی بدۆزنەوە و رزگاری بكەن و ئەو كەسانەیش كە ناوبراویان رفاندووە، دەستگیر بكەن.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©