مۆساد: سعوودیه‌ش خه‌ریكه‌ په‌یوه‌ندییه‌كانی له‌گه‌ڵ ئیسرائیل ئاسایی ده‌كاته‌وه‌ - پرس میدیا

إعلان فوق المشاركات

 مۆساد: سعوودیه‌ش خه‌ریكه‌ په‌یوه‌ندییه‌كانی له‌گه‌ڵ ئیسرائیل ئاسایی ده‌كاته‌وه‌

مۆساد: سعوودیه‌ش خه‌ریكه‌ په‌یوه‌ندییه‌كانی له‌گه‌ڵ ئیسرائیل ئاسایی ده‌كاته‌وه‌



پرس میدیا
 یۆسسی كۆهین سه‌رۆكی ده‌زگای هه‌واڵگریی ئیسرائیل (Mossad)، رایگه‌یاند كه‌ دوای ئیمارات و به‌حرێن به‌م نزیكانه‌، سعوودیه‌ش ده‌گاته‌ رێككه‌وتنی ئاساییكردنه‌وه‌ی په‌یوه‌ندییه‌كان له‌گه‌ڵ ئیسرائیل.

یۆسیی كۆهین به‌ ته‌له‌ڤیزیۆنی كه‌ناڵ ١٢ی ئیسرائیلی راگه‌یاند كه‌ ئیسرائیل به‌ رێككه‌وتنه‌كه‌ی له‌گه‌ڵ ئیمارات و به‌حرێن به‌سته‌ڵه‌كی په‌یوه‌ندییه‌كانی له‌گه‌ڵ وڵاتانی عه‌ره‌بی تواندووه‌ته‌وه‌ و گوتی: "سعوودیه‌ش خه‌ریكه‌ په‌یوه‌ندییه‌كانی له‌گه‌ڵ ئیسرائیل ئاسایی ده‌كاته‌وه‌".

سه‌رۆكی ده‌زگای هه‌واڵگریی ئیسرائیل به‌ خۆبواردن له‌ وه‌ڵامدانه‌وه‌ی ئه‌وه‌ی كه‌ ئایا له‌گه‌ڵ جێنشینی سعوودیه‌، شازادە محه‌مه‌د بن سه‌لمان دواوه‌، به‌ پێكه‌نینه‌وه‌ گوتی: "پێم باشه‌ له‌مباره‌یه‌وه‌ نه‌دوێم".

یۆسسی كۆهین جه‌ختی له‌وه‌ كرده‌وه‌ كه‌ له‌ رێگای ئه‌و رێككه‌وتننامانه‌وه‌ په‌یوه‌ندییه‌كان له‌گه‌ڵ ئه‌و وڵاتانه‌ ده‌بێته‌ فه‌رمی كه‌ ساڵانێكه‌ به‌نهێنی بوون.

سه‌رۆكی ده‌زگای هه‌واڵگریی ئیسرائیل به‌ سه‌رنج خستنه‌ سه‌ر گرنگی جیاكردنه‌وه‌ی سیاسه‌تی فه‌رمی عه‌ره‌بی وڵاتانی كه‌نداو سه‌باره‌ت به‌ نیگه‌رانییه‌كانیان له‌ ناوچه‌كه‌ له‌باره‌ی "ئامانجه‌كانی ئێران" و داننان به‌ ئیسرائیلدا، ئاماژه‌ی به‌وه‌ دا كه‌ رێككه‌وتننامه‌ واژووكراوه‌كه‌ له‌گه‌ڵ ئیمارات و به‌حرێن ستراتیجییه‌تی جه‌نگی له‌گه‌ڵ ئێران گۆڕی.

له‌لایه‌کی دیكه‌وه‌ یۆسسی كۆهین به‌ كه‌ناڵ١٣ی ئیسرائیلی راگه‌یاند كه‌ ئاساییكردنه‌وه‌ی په‌یوه‌ندییه‌كانی سعوودیه‌ له‌گه‌ڵ وڵاته‌كه‌ی له‌ هه‌ر چركه‌ساتێكدا له‌وانه‌یه‌ روو بدات و گوتی: "به‌ته‌واوی له‌وه‌ دڵنیام ده‌كرێت، ئه‌وه‌ ببێت. له‌وانه‌یه‌ ئه‌و ئاساییبوونه‌وه‌ له‌مساڵدا روو بدات". 

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©