خێزانە کوردە سەربڕدراوەکەی بەغدا لە سلێمانی بە خاک دەسپێردرێن - پرس میدیا

إعلان فوق المشاركات

خێزانە کوردە سەربڕدراوەکەی بەغدا لە سلێمانی بە خاک دەسپێردرێن

خێزانە کوردە سەربڕدراوەکەی بەغدا لە سلێمانی بە خاک دەسپێردرێن

پرس میدیا
ئەو خێزانە کوردەی شەوی ڕابردوو لە شاری بەغدا سەربردران بڕیارە ئەمڕۆ لە شاری سلێمانی و لە گردی سەیوان بە خاک بسپێردرێن و گۆڕەکانیان ئامادەکراوە.

سەرچاوەیەک لە کەسوکاری ئەو خێزانە بە پرس میدیای وت لە شەوی رابردووەوە دەستکراوە بە ئامادەکاری گەڕاندنەوەی تەرمەکانیان و لە گردی سەیوان گۆڕیان بۆ هەڵکەندراوە.

هاوکات چالاكوانانی عێراق: "داوا لە سەرۆكوەزیرانی عێراق، مستەفا كازمی دەكەین كە لێكۆڵینەوە لە تاوانی تیرۆركردنی شیلان دارا-دا بكات و سزای توندی ئەنجامدەرانی ئەو تاوانەیش بدات".

لە تۆڕە كۆمەڵایەتییەكاندا، چالاكوانانی عێراق كاردانەویان لەسەر سەربڕینی كچە چالاكوانی كورد دەرمانساز، شیلان دارا رەئوف و دایك و باوكی لە ناوچەی مەنسوور رۆژئاوای بەغدا نیشانداوە.

چالاكوانانی عێراق لە تۆڕە كۆمەڵایەتییەكاندا رایانگەیاندووە كە شیلان دارا رەئوف و دایك و باوكی لەناو ماڵەكەی خۆیاندا لە ناوچەی مەنسوور، سەربڕدراون و دزییان لێکراوە.

لە چوارچێوەی كاردانەوەكاندا، چالاكوانانی عێراق میلیشیا عێراقییەكانی سەربە ئێرانیان بە تیرۆركردنی شیلان دارا رەئوف و دایك و باوكی تۆمەتباركردووە، چونكە ئەو خێزانە كورد بەوە ناسراوبوون كە پاڵپشتییان لە خۆپیشاندانەكان كردووە، جگە لەوەیش ماڵی ئەو خێزانە كوردە دەكەوێتە ناوچەیەكی پارێزراوی ئەمنی لەنێوان باڵیۆزخانەكانی رووسیا و بەحرێن و هیچ كەسێك ناتوانێت ئەو تاوانە ئەنجام بدات جگە لە میلیشیاكان نەبێت.

هەروەها چالاكوانان داوایان لە سەرۆكوەزیرانی عێراق، مستەفا كازمی كردووە كە لێكۆڵینەوە لەو تاوانە بكات و سزای توندی ئەنجامدەرانی تاوانەکە بدات.

لای خۆیانەوە هەردوو سەندیكای دەرمانسازان و پزیشكانی عێراق لە دوو راگەیەندراوی جیادا تیرۆركردنی شیلان دارا رەئوف و دایك و باوكی ئیدانە كرد و سەرەخۆشی خۆشیان ئاراستەی بنەماڵەی شیلان دارا رەئوف كرد.

پێشتر سەرچاوەیەكی ئەمنی رایگەیاندبوو كە ژمارەیەك كەسی نەناسراو، هەڵیانكوتاوەتە سەر ماڵێكی كورد لە پشت بابلیۆن مۆڵ لە ناوچەی مەنسوور رۆژئاوای بەغدا و سێ كەسیان سەربڕیوە كە كچ و باوك و دایك بوون.

لە میانی ئەم چەند مانگەی دواییدا، كردەی تیرۆركردنی چالاكوانانی خۆپیشاندانەكان لە عێراق زیادیكردووە.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©