کازمی و جۆنسن لە لەندەن کۆبوونەوە - پرس میدیا

إعلان فوق المشاركات

کازمی و جۆنسن لە لەندەن کۆبوونەوە

کازمی و جۆنسن لە لەندەن کۆبوونەوە



پرس میدیا
مستەفا کازمی سەرۆکوەزیرانی عێراق لە میانی گەشتەکەیدا بۆ ئەورووپا، لە لەندەنی پایتەختی بەریتانیا لەگەڵ بۆریس جۆنسن سەرۆکوەزیرانی بەریتانیا،  کۆبووەوە. 

بەگوێرەی ڕاگەیەنراوێکی نووسینگەی سەرۆکوەزیرانی عێراق، لە میانی کۆبوونەوەکەدا، کازمی و جۆنسن تاوتوێێ پرسە گرنگە ھاوبەشەکان و دوایین پێشھاتەکانی سیاسیی و ئەمنیی لە عێراق و ناوچەکە و پەرەپێدانی پەیوەندییەکانی نێوان ھەردوو وڵاتیان کردووە. 

لە بەشێکی دیکەی کۆبوونەوەکەدا ھەردوولا رێککەوتوون لەسەر ھەماھەنگی زیاتر لەنێوان بەغدا و لەندەن لە بەرەنگاربوونەوەی تیرۆر، ھەروەھا لەھەردوو بواری سیاسیی و ئابووری لە کاتێکدا کە عێراق رووبەڕووی ئاڵنگاری ئابووریی بووەتەوە بەھۆی دابەزینی نرخی نەوت لەسەر ئاستی جیھان بەھۆی ڤایرۆسی کۆرۆناوە، ھاوکات باس لە ھەماھەنگی ستراتیجی لەنێوان عێراق و بەریتانیا لە بواری جیاجیادا کراوە. 

مستەفا کازمی بە مەبەستی ئەنجامدانی زنجیرەیەک دیدار و کۆبوونەوە، دۆینێ چوارشەممە بە سەردانێکی فەرمی گەیشتە لەندەن پایتەختی بەریتانیا. 

رۆژی یەکشەممەی رابردوو، مستەفا کازمی بەسەرۆکایەتی شاندێکی باڵا بە مەبەستی ئەنجامدانی زنجیرەیەک دیدار لەگەڵ گەورە بەرپرسانی فەڕەنسا، ئەڵمانیا و بەریتانیا بەغدای پایتەختی جێھێشت. 

بەپێی راگەیەندراوێکی نووسینگەی سەرۆکوەزیرانی عێراق، شاندێک کە ژمارەیەک وەزیر و سەرۆک دەستەی سەربەخۆ لەخۆدەگرێت یاوەری سەرۆکوەزیرانی عێراق، مستەفا کازمی دەکەن لە سەردانەکەی بۆ فەڕەنسا، ئەڵمانیا و بەریتانیا.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©