سەرۆکی پەرلەمان: یاداشتی پرسانی سەرۆکی حکوومەت و جێگرەکەی بۆ پەرلەمان نێردراوە - پرس میدیا

إعلان فوق المشاركات

سەرۆکی پەرلەمان: یاداشتی پرسانی سەرۆکی حکوومەت و جێگرەکەی بۆ پەرلەمان نێردراوە

سەرۆکی پەرلەمان: یاداشتی پرسانی سەرۆکی حکوومەت و جێگرەکەی بۆ پەرلەمان نێردراوە

پرس میدیا
سەرۆکی پەرلەمانی کوردستان رایگەیاند یاداشتی پرساندنی سەرۆکی حکومەت و جێگرەکەی رەوانەی ئەنجومەنی وەزیران کراوە، هەروەها دەڵێت بۆچوونێک هەبوو کە ڕەنگە بەریەککەوتنێک لەنێوان فراکسیۆنەکانی ئۆپۆزسیۆن و دەسەڵات دروست بێت و شەڕە دەبە لەنێوان خۆیاندا بکەن". 

ڕێواز فایەق، سەرۆکی پەرلەمانی کوردستان ئەمڕۆ پێنجشەممە ٨ی تشرینی یەكەم لە چاوپێکەوتنێکدا لەگەڵ ئاژانسی ئەنادۆڵی تورکی رایگەیاند"هەنگاوێکی باش دەبوو شەش بۆ حەوت مانگ پێش ئێستا حکوومەت ئەو کۆبوونەوەیەی لەگەڵ پەرلەمان بکردایە، باوەڕم وایە ئەگەر شەش مانگ پێش ئێستا ئەو کۆبوونەوەیەمان بکردایە هەم پەیوەندییەکانمان باشتر دەبوو هەم زۆر گرێ کرابوونەوە". 

دەربارەی یاداشتی ‎پرساندنی سەرۆکی حکومەت و جێگرەکەی و وەزیری دارایی-یش سەرۆكی پەرلەمان ئەوەی خستەڕوو، یاداشتەكەیان لە ڕۆژی چوارشەممەی پێشووەوە واژووکردووە و گەیشتووەتە ئەنجومەنی وەزیران، بەگوێرەی پەیڕەوی ناوخۆی پەرلەمانی کوردستان دەبێت لە ماوەی 14 ڕۆژدا ئەوان وەڵامیان بدەنەوە. 

دەربارەی وتەكەی عەلی حەمەساڵح پەرلەمانتاری فراکسیۆنی گۆڕان لە دانیشتنەكەی پەرلەماندا كە وتی 'من لە قسەکانی سەرۆکی حکومەت ئەوە تێگەیشتم کە ئەگەر دەست بۆ هەندێک بابەت لە دەروازە سنوورییەکان ببرێت رەنگە ئەگەری شەڕی ناوخۆ و دوو ئیدارەیی دروست بێت' سەرۆكی پەرلەمان وتی، "نەخێر، دوو ئیدارەیی و شەڕی ناوخۆ لەسەر دەروازە سنوورییەکان دروست نابێت، چونکە قەوارەی سیاسیی هەرێمی کوردستان و سەقامگیری و یەکگرتووی هەرێم لە هەموو بەرژەوەندییەکان باڵاترە". 

سەبارەت بە هۆكاری نەناردنی پڕۆژەی بودجە بۆ پەرلەمان و بیانووەكانی حكومەت لەو بارەیەوە ڕێواز فایەق وتی، "وەڵامەکانی حکومەت تایبەت بە نەناردنی پرۆژەیاسای بودجە ئەگەر وەک پەرلەمانتارێک هەڵسەنگاندنی بۆ بکەم بڕواپێهێنەر و قەناعەتپێکەر نەبوو بەلامەوە، چونکە خۆی پرۆژەیاسای بوودجە پەیوەست نییە بەوەی کە بڵێیت دەبێت بزانم بەدیاریکراوی داهاتم چەندە ئینجا پرۆژەکە حازردەکەم، بەڵکو لە بنەمادا پرۆژە یاساکە لائیحەیەکی خەمڵێنراوە بۆیە بۆ خۆم وەک پەرلەمانتارێک وەڵامەکە جێگای باوەڕ و قەناعەتم نەبوو". 

هاوكات دەربارەی نەبردنە ژوورەوەی دەبەی ئاو بۆ ناو دانیشتنەكەی ڕۆژی دووشەممە وتی، "دواتر زانیم نەهاتنە ژوورەوەی ئاو لەبەرئەوە نییە بە تەنها لە ئێمە نەگیرێت لەبەر ئەوەیە بۆچوونێک هەبوو کە ڕەنگە بەریەک کەوتنێک لەنێوان فراکسیۆنەکانی ئۆپۆزسیۆن و فراکسیۆنەکانی دەسەڵات دروست بێت و شەڕە دەبە لەنێوانی خۆیاندا بکەن، ئاوایان بۆ ڕوونکردمەوە". 



دووشەممەی ڕابردوو بە ئامادەبوونی مەسرور بارزانی، سەرۆكی حكومەتی هەرێمی كوردستان و قوباد تاڵەبانی، جێگری سەرۆكی حكومەت و ئاوات شێخ جەناب، وەزیری دارایی و ئابوری و ژمارەیەك لە بەرپرسانی ئەنجومەنی وەزیران كۆبوونەوەیەكی تایبەتی پەرلەمانی كوردستان بۆ خستنەڕووی ڕاپۆرتی سەرۆكی حكومەت تایبەت بە كاری كابینەكەی و كێشە و گرفتەكانی هەرێم بەڕێوەچوو. 



ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©