بەیانی ئەمڕۆ چوارشەممە ١٤ی تشرینی یەکەمی ٢٠٢٠، ئەو بڕە پارەیەی بەغدا بۆ مووچەی فەرمانبەرانی هەرێم رەوانەی دەکات گەیشتە بانکی ناوەندی هەرێم.
سەرچاوەیەکی ئاگادار لە وەزارەتی دارایی هەرێم بە پرس میدیای راگەیاند ٣٢٠ ملیار دینار گەیشتووەتە دەست حکوومەت و پێشبینی دەکەن هەر ئەمڕۆ لیستی دابەشکردنی مووچەی فەرمانگەکان رابگەیەنرێت و لە سبەینێوە دەست بە دابەشکردنی مووچە بکرێت.
ئەمە لە کاتێکدایە ماوەی دوو مانگە مووچەی فەرمانبەرانی هەرێمی کوردستان دابەشنەکراوە و وەزارەتی داراییش رایگەیاندووە مووچەی پێنج مانگی فەرمانبەران دابەش ناکات و لەم مانگەوە مووچەی مانگی ئەیلوول دابەش دەکرێت.
No comments:
Post a Comment