هەڤاڵ ئەبووبەکر: خۆپارێزی بکەن تا ناچار نەبین قەدەغەی هاتووچۆی جێبەجێ بکەینەوە - پرس میدیا

إعلان فوق المشاركات

هەڤاڵ ئەبووبەکر: خۆپارێزی بکەن تا ناچار نەبین قەدەغەی هاتووچۆی جێبەجێ بکەینەوە

هەڤاڵ ئەبووبەکر: خۆپارێزی بکەن تا ناچار نەبین قەدەغەی هاتووچۆی جێبەجێ بکەینەوە



پرس میدیا
پارێزگاری سلێمانی ڕایگەیاند ئەو ڕێکارانەی بۆ بەرەنگاربوونەوەی کۆرۆنا دەگیرێنەبەر بۆ پاراستنی هاووڵاتیانە نەک سزادانیان، دەشڵێت، خۆپاراستن یارمەتیدەر دەبێت تا ناچار نەبن جارێکیتر کەرەنتینە و قەدەغەی تەواوەتی هاتوچۆ جێبەجێ بکەنەوە. 

ئێوارەی ئەمڕۆ پێنجشەممە ٢٩ی تشرینی یەکەمی ٢٠٢٠ هەڤاڵ ئەبوبەکر، پارێزگاری سلێمانی پەیامێکی لە هەژماری خۆی لە فەیسبوک بڵاوکردەوە.

پارێزگاری سلێمانی دەڵێت: "بەڕێزان، ڕۆژانە و شەوانە، بەبەردەوامیی هەموومان لەبەردەم هەڕەشەی مەرگێکی ڕاستەقینەدا وەستاوین، هەموومان شایەتی مەرگی دەیان و سەدان ئازیزمانین، کۆرۆنا ڕێگای ژیان و هەناسە و خوێنی لە ملیۆنان کەس گرتووە، تا ئەمڕۆ جگە لە خواپاراستنمان، تاکە چارەسەر خۆپارێزییە". 

پارێزگاری سلێمانی رایگەیاندووە: " بەستنی ماسکێک لە شوێنە داخراوەکان و پاراستنی دوریی نێوانمان لە شوێنە کراوەکاندا، جگە لەوەی دەبێتە پاراستنی خۆمان و دەوروبەرو خۆشەویستانمان، یارمەتیدەریش دەبێت بۆ ئەوەی جارێکی تر چڕیی و زۆریی توشبووان و لێشاوی شاڵاوی پەتاکە ناچارمان نەکەن دەست بە کۆرەنتینە و قەدەغەی تەواوی هاتوچۆ و داخستنی هەموو شوێنەکان بکەینەوە." 

هەڤاڵ ئەبوبەکر دەشڵێت: "تکایە بە بەستنی ماسکێک تەندروستیی خۆتان و خەڵک و ژیان و بژێویی و کارو کەسابەت و بازاڕ بپارێزن، ڕێکارەکان بۆ هاندانی ئێوەی بەڕێزن بۆ خۆپارێزیی، نەک بۆ سزادان، ژیانی ئێوە، لە سزادانی هەر سەرپێچیکەرێک، بەهادارترو بەنرخترە." 

ئەمە لە کاتێکدایە بڕیارە لە سبەی هەینییەوە سزای نەبەستنی ماسک لە پارێزگای سلێمانی لەلایەن بەڕێوەبەرایەتی هاتووچۆوە بچێتە بواری جێبەجێکردنەوە.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©