مامۆستایانی ناڕازی: مامۆستایان بایکۆتی خوێندن ناو پۆل و ئۆنلاین بکەن - پرس میدیا

إعلان فوق المشاركات

مامۆستایانی ناڕازی: مامۆستایان بایکۆتی خوێندن ناو پۆل و ئۆنلاین بکەن

مامۆستایانی ناڕازی: مامۆستایان بایکۆتی خوێندن ناو پۆل و ئۆنلاین بکەن


پرس میدیا
ئەنجومەنی سەرتاسەری مامۆستایانی ناڕازی داوا له‌سه‌رجه‌م مامۆستایان ده‌كەن پابەندی هیچ جۆرە خوێندنێک نەبن و بایکۆتی خوێندنی ئەلیکترۆنی و ناو خوێندنگە بکەن.

ئەمڕۆ هەینی ٩ی تشرینی یەکەمی ٢٠٢٠، ئەنجومەنی سەرتاسەری مامۆستایانی ناڕازی راگەیەندراوێکی لەبارەی دەستپێکردنەوەی خوێندن لە قوتابخانەکاندا بڵاوکردەوە.

لە بەشێکی راگەیەندراوەکەدا هاتووە و تیایدا هاتووە "بەداخەوە وەزارەتی پەروەردە و وەزیرەکەی بیر لە بینا و دار و بەرد و قەڵەم و دەفتەر دەکاتەوە، بەڵام مامۆستایان وەکو پێکهێنەری سەرەکی پەروەردە پشتگوێ دەخەن و گوێ بۆ داوا رەواکانیان ناگرن."

مامۆستایانی ناڕازیی دەڵێن" بە ئەلیکترۆنی کردنی خوێندن بە زیانی پڕۆسەی پەروەردە تەواو دەبێت و تەنیا بۆ خۆدزینەوەیە لە داوا رەواکانی مامۆستایان، هاوکات خزمەتکردنە بە خوێندنگە ئەهلییەکان و بەشێکە لە پڕۆسەی بە پارەکردنی خوێندن و دەبێتە هۆی زیاتر پەراوێزخستنی خوێندنی حکومی."

ئەوەشیان ئاشکرا کردووە "وەزارەتی پەروەردە نایەوێت پڕۆسەی پەروەردە بەشێوەیەکی تەندروست بەڕێوەبچێت تەنها دەیەوێت لە رووی دەزگا راگەیاندنەکان بڵێت، دەرگای خوێندنگاکان کراونەتەوە و پڕۆسەی خوێندنی ئەلیکترۆنیمان هەیە، ئەگەر نا لە شارەکانی هەولێر و دهۆکیش بایکۆتێکی رانەگەیەنراو هەیە و زۆربەی قوتابیان و مامۆستایان پابەندی خوێندنی ئەلیکترۆنی نابن و پەیڕەوی ناکەن."

دەشڵێن، "داواکارین لە سەرجەم مامۆستایان پابەندی هیچ جۆرە خوێندنێک نەبن و بایکۆتی خوێندنی ئەلیکترۆنی و ناو خوێندنگە بکەن، تا ئەوساتەی دەسەڵاتدارانی هەرێم وەڵامی داواکاری مامۆستایان دەدەنەوە."

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©