سه‌رۆكایه‌تی كۆمار؛ بێڕێزی بە ئاڵای كوردستان قابیلی قبوڵ نییە - پرس میدیا

إعلان فوق المشاركات

سه‌رۆكایه‌تی كۆمار؛ بێڕێزی بە ئاڵای كوردستان قابیلی قبوڵ نییە

سه‌رۆكایه‌تی كۆمار؛ بێڕێزی بە ئاڵای كوردستان قابیلی قبوڵ نییە


پرس میدیا
وتەبێژێک بەناوی سەرۆکایەتی کۆماری عێراق لەبارەی سووتاندنی ئاڵای کوردستان لەکاتی هێرشکردنە سەر بارەگای پارتی لە بەغدا بڵاوکردەوە و رایگەیاند بێڕێزی بە ئاڵای كوردستان، که‌ خاوەن رەمزیه‌ت و پێگەی مێژووییه‌، قابیلی قبوڵ نییە.


دەقی راگەیێندراوەکەی سەرۆکایەتیی کۆماری عێراق

سه‌رۆكایه‌تی كۆمار؛ بێڕێزی بە ئاڵای كوردستان، که‌ خاوەن رەمزیه‌ت و پێگەی مێژووییه‌، قابیلی قبوڵ نییە

ئه‌مڕۆ ٢٠٢٠/١٠/١٧ وته‌بێژێک به‌ناوی سه‌رۆكایه‌تی كۆماری عێراقه‌وه‌ له‌ راگه‌یه‌ندراوێكدا په‌لاماردانی باره‌گای پارتی دیموكراتی كوردستانی له‌ به‌غدا ئیدانه‌ كردوو رایگه‌یاند، كه‌ سووتاندنی باره‌گا و شوێنه‌ گشتییه‌كان ناچێته‌ خزمه‌ت به‌رژه‌وه‌ندی وڵات، به‌ڵكو ئاشته‌وایی سیاسی و كۆمه‌ڵایه‌تی ئه‌خاته‌ مه‌ترسییه‌وه‌.
هاوکات جه‌ختیش ئه‌کاته‌وه‌ که‌ بێڕێزی بە ئاڵای كوردستان، که‌ خاوەن رەمزیه‌ت و پێگەی مێژووییه‌، قابیلی قبوڵ نییە.

له‌ راگه‌یه‌ندراوه‌كه‌ی وته‌بێژی سه‌رۆكایه‌تی كۆماردا داوا له‌ حكومه‌تی عێراق كراوه‌ كه‌ لێكۆڵینه‌وه‌یه‌كی خێرا ده‌ست پێ بكرێت و ئه‌وانه‌ی كه‌مته‌رخه‌من سزا بدرێن، له‌هه‌مان كاتیشدا داوا له ‌هه‌موو لایه‌نه‌كان ئه‌كات دان به‌خۆیاندا بگرن.

ئه‌مه‌ش ده‌قی راگه‌یه‌ندراوه‌كه‌ی سه‌رۆكایه‌تی كۆماری عێراقه‌ : 

له‌كاتێكدا هه‌وڵه‌كان بۆ رووبه‌ڕووبوونه‌وه‌ی ئه‌و قه‌یرانانه‌ چڕ ئه‌كرێنه‌وه‌ كه‌ هه‌ڕه‌شه‌ن بۆ ئاسایش و ئابووری وڵات، ئه‌مڕۆ بینیمان له‌لایه‌ن گروپێكی له‌یاساده‌رچوو و به‌ده‌ر له‌رێكاری ئاشتیخوازانه‌ی ئازادی راده‌ربڕین و پاراستنی شکۆی ده‌وڵه‌ت، هێرشكرایه‌ سه‌ر باره‌گای پارتی دیموكراتی كوردستان له‌ به‌غدا.

هاریكاری و یه‌كڕیزی نێوان سوپا و پێشمه‌رگه‌ و حه‌شدی شه‌عبی و هێزه‌كانی دیکە سه‌ركه‌وتنیان به‌سه‌ر تیرۆر به‌ده‌ست هێنا، بۆیه‌ رێگه‌پێدراو نییه‌ ئه‌و قوربانیانه‌ تێكه‌ڵ به‌شتی لاوه‌كی و هه‌ڵچوون و ئاژاوه‌گێری بكرێن كه‌ ئه‌مڕۆ ئه‌وانه‌ به‌سوتاندنی ئاڵای كوردستان گوزارشتیان لێكرد، ئه‌و ئاڵایه‌ی پێگه ‌و ره‌مزیه‌ت و ده‌لاله‌تی مێژوویی لای عێراقییه‌كان هه‌یه‌ و به‌شێكه‌ له‌ پێكهاته‌ی ده‌ستووری عێراق.

ئێمه‌ له‌سۆنگه‌ی هه‌ڵوێستی نه‌گۆڕمان له‌ پشتیوانیكردنی ئازادی راده‌ربڕین به‌شێوه‌ی ئاشتیانه‌، ئه‌و كرده‌وه‌ ئاژاوه‌گێریه‌ ئیدانه‌ ئه‌كه‌ین كه‌ له‌به‌رژه‌وه‌ندی كه‌س نییه‌ و ئارامی و ئاشته‌وایی كۆمه‌ڵایه‌تیش ئه‌خاته‌ مه‌ترسییه‌وه‌. 

هه‌روا جەخت ئه‌كه‌ینه‌وه‌ كه‌ لێكۆڵینه‌وه‌ی خێرا له‌و په‌لاماردانه‌ بكرێ و سزای ئه‌نجامده‌رانی بدرێت، به‌تایبه‌تی كه‌ حه‌شدی شه‌عبی بێ به‌ریبوونی خۆی له‌ سوتاندنه‌كه‌ی ئه‌مڕۆ راگه‌یاند و به‌رامبه‌ر ئه‌وانه‌ وه‌ستایه‌وه‌ كه‌ بێ په‌روا ویستیان یه‌كڕیزی نیشتمانی تێك بده‌ن، هاوکات هه‌موو لێدوانێکیش ره‌ت ئه‌که‌ینه‌وه‌ که‌ ده‌زگا فەرمییەکان و هێزه‌ ئه‌منییه‌کان له‌که‌دار بکات.

هه‌ر له‌م ساته‌وه‌خته‌ یه‌کلاکه‌ره‌وه‌یه‌ی وڵاتدا، به‌وپه‌ڕی ئازار و دڵگرانییه‌وه‌ هه‌واڵی په‌لاماره‌‌ تیرۆرستییه‌ ترسنۆکانه‌که‌‌ی قه‌زای به‌له‌دیشمان له‌ پارێزگای سه‌لاحه‌دین پێگه‌یشت،که‌ پێویستی یه‌کخستنی هه‌وڵه‌کان و ئاڕاسته‌کردنی بۆ قه‌لاچۆکردنی توندوتیژی و تیرۆر دووپات ئه‌کاته‌وه‌ که‌ ئه‌یه‌وێ ئارامی و ئاسایشی وڵات تێکبدات.

هه‌روه‌ها داوا له‌ هه‌موو لایه‌ك ئه‌كه‌ین دانبه‌خۆیاندا بگرن و وابكه‌ن زمانی عه‌قڵ زاڵ ببێ و به‌رژه‌وه‌ندی باڵای وڵات بخه‌نه‌ سه‌روی هه‌موو ئیعتیبارێكی تره‌وه‌، چونكه‌ عێراق پێویستی به‌ یه‌كخستنی هه‌ڵوێستی نیشتمانی و ریزه‌كانی هه‌یه‌ بۆ رووبه‌ڕوبوونه‌وه‌ی قه‌یرانه‌ ئه‌منی و ئابوورییه‌كان كه‌ وڵاته‌كه‌مان تووشی بووەته‌وه‌.

وته‌بێژێک به‌ناوی سه‌رۆكایه‌تی كۆماری عێراق 
17-10-2020

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©