محەمەدی حاجی مەحمود پشتیوانی لە جۆبایدن دەکات بۆبون بەسەرۆکی ئەمریکا - پرس میدیا

إعلان فوق المشاركات

   محەمەدی حاجی مەحمود پشتیوانی لە جۆبایدن دەکات بۆبون بەسەرۆکی ئەمریکا

محەمەدی حاجی مەحمود پشتیوانی لە جۆبایدن دەکات بۆبون بەسەرۆکی ئەمریکا


پرس میدیا

سکرتێری حزبی سۆسیالیست دیموکراتی کوردستان لە فەیسبووکی خۆی رایگەیاند، زۆر لە وڵاتان، کەسایەتی، لایەن، حزب و رێکخراوەکان شیکاریی دەکەن، کە کێ باشە بۆ ئەمریکا و جیهان لە نێوان ترەمپ و بایدندا، ئەو پێیوایە هەر کوردێک لە هەرێمی کوردستان ئەو پرسیارە بکات، بە هەڵەدا چووە.

محەمەدی حاجی مەحمود سکرتێری حیزبی سۆسیالست دیموکراتی کوردستان راشیگەیاند، "حزبەکەی ترامپ لە حزبەکەی بایدن بۆ کورد باشتر بوو، بەڵام ترامپ لە هەردوو حزبەکە بۆ کورد خراپتر بوو. ترامپ دەبابە و چەکی دوا مۆدێلی تەکنەلۆژیای دا بە عێراق و دژی کورد وەستایەوە، پێشمەرگە بە چەکی ئەمریکی ترامپ و ئەمری پەرلەمان و بە جێبەجێکردنی عەبادی، کەرکوک و خانەقین و دوز و داقوق و دبس و مەخمور و عەین زالە و سنجاریان تەسلیم بە عەرەب کردەوە و کورد ٥١%ی خاکی کوردستانی لەدەستدا".

باسی لەوەشکردووە، کە ترامپ لە خاکی کوردستانی سوریاش (رۆژئاوای کوردستان) عەفرین و سەرێکانی و زۆر ناوچەی دیکەی "بە فەرمی تەسلیمی تورکیا کرد لە رێگای نوێنەری تایبەتی خۆیەوە".

محەمەدی حاجی مەحمود دەشڵێت، "ئێستا بەشێکی زۆری کوردستانی رۆژئاوا تەسلیم بە تورکیا کراوە لەسەر دەستی ترەمپ، بۆیە لەم راستییانە نە کورد خۆی بە گێل بزانێت و نە ئەوانیش بە گێل بزانێت".

ئاماژەی بەوەشکردووە، کە دەرچوونەوەی ترەمپ "کارەساتی گەورەتری بە دواوەیە" لە هەموو حاڵەتەکاندا.

ئەوەشی خستووەتەڕوو، "هەر چەندە کورد رەنگە ئەو ژمارەیە نەبێت گۆڕانکاری گەورە لەسەر هەڵبژاردنەکانی ئەمریکا دانێت یان بکات، بەڵام هەموو کورد یا هەر کوردێک لە هەر کوێی جیهان بێت، ئەبێت پشتیوانی لە بایدن بکات".

ئەم قسانەی محەمەدی حاجی مەحمود لەکاتێک دایە کە،وابڕیارە ٣ی مانگی ١١ی داهاتوو، هەڵبژاردنی سەرۆکایەتی ئەمریکا بەڕێوەبچێت و گەلی ئەمریکا ٤٦ەمین سەرۆکی خۆیان هەڵبژێرن.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©