پژاک: تیمێکی هەڤاڵانمان چارەنووسیان دیارنییە - پرس میدیا

إعلان فوق المشاركات

پژاک: تیمێکی هەڤاڵانمان چارەنووسیان دیارنییە

پژاک: تیمێکی هەڤاڵانمان چارەنووسیان دیارنییە

پرس میدیا
پارتی ژیانی ئازادی کوردستان (پژاک) لە راگەیەندراوێکدا رایگەیاندووە تیمێکی گەریلاکانیان ماوەی ٢٠ رۆژە چارەنووسیان نادیارە.

پژاک لە راگەیێندراوەکەدا کە رۆژی 5-10-2020 بڵاویکردووەتەوە ئاماژەی بەوەداوە رۆژی 15ی ئەیلوولی 2020 لە ناوچەی نێوان مەهاباد و سەردەشت و لەنزیک گوندی چوارگا هەندێ رووداو قەوماون، بەڵام زانیاری و راست و جێگای متمانە لەبەردەست نین.

دەقی راگەیێندراوەکەی پژاک: 

بەپێی زانیارییەکانی بە دەستخراو لە رێکەوتی 25ی خەرمانانی ئەمساڵ لە هەرێمی ناوبەینی مەهاباد و سەردەشت لە نزیک ئاوایی چوارگا هەندێ رووداو قەوماون کە لەسەر چۆنێتی و دەرئەنجامەکانی ئەو رووداوانە زانیاری راست و جێگای متمانە بەدەستەوەنین، جێگای ئاماژیە کە لە کاتی ئەو رووداوەوە هەتا ئێستا، ئاگاداریمان لە تیمێکی هەڤاڵانمان نییە و سەرەڕای هەموو بەدواداچوون و لێکۆڵینەوەکانمان، بابەتەکە بە ناشەفافی ماوەتەوە، هەروەها دەبێ ئاماژە بکەین کە لە هەمان رێکەوت دوو کەسی مەدەنی خەڵکی ئەو ناوچەیەش بێسەروشوێنن و زانیاریان لەسەر نییە، تەنانەت دیار نییە کە ئەو دوو رووداوە پەیوەندیان بە یەکەوە هەیە یا نا، ئێمە وەک پارتی ژیانی ئازادی کوردستان بەردەوامین لە لێکۆڵینەوە لەسەر ئەو بابەتانە و بە مەرجی بەدەستخستنی هەرجۆرە هەواڵی نوێ سەبارەت بەو رووداوانە گەلەکەمان ئاگادار دەکەینەوە. 


جێگای ئاماژەیە کە دامودەزگاکانی سەر بە رژێمی داگیرکەری ئێران لەو هەرێمە، لەو چوارچێوەیەدا شەڕێکی تایبەت بەڕێوە دەبەن و بەردەوام مژارەکان شلوێتر، ناڕوونتر و چەواشە دەکەن، هەوڵدانیان ئەوەیە کە لەو نێوەندەدا ئامانجە قێزوەنەکانیان بپێکن، لەبەر ئەوەش پێویست دەکات گەلەکەمان لە بەرامبەر ئەو جۆرە کردارانە وشیار بێت و هەتا بە شێوازێکی رەسمی لە لایەن پارتیمانەوە بابەتەکان پشتڕاست نەکرێنەوە بە هیچ شێوازێک متمانە بە دەزگا و سەرچاوەکانی شەڕی تایبەت نەکەن.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©