ئیرەج مەسجدی باڵیۆزی ئێران لە بەغدا خرایە لیستی سزاکانی ئەمریکاوە - پرس میدیا

إعلان فوق المشاركات

ئیرەج مەسجدی باڵیۆزی ئێران لە بەغدا خرایە لیستی سزاکانی ئەمریکاوە

ئیرەج مەسجدی باڵیۆزی ئێران لە بەغدا خرایە لیستی سزاکانی ئەمریکاوە


پرس میدیا
وەزارەتی دەرەوەی ئەمریکا ئاشکرایکرد ئیرەج مەسجدی، باڵیۆزی ئێران لە بەغدا خراوەتە لیستی سزاکانی ئەو وڵاتەوە.

وەزارەتی دەرەوەی ئەمریکا لە ڕاگەیەنراوێکدا ئاشکرایکردووە، "خەڵکی عێراق دەبێت پارێزراوبن لە ئێران و فەیلەقی سوپای قودس، هەموو ئەوانەش دەخرێنە لیستی سزاوە کە کار لە دژی بەرژەوەندییەکانی ئەمریکا دەکەن".

لە دەقی سزاکەی ئەمریکادا ئیرەج مەسجدی وەک باڵیۆزی ئێران لە عێراق نەخراوەتە لیستی سزاکانەوە، بەڵکو وەک ژەنەڕاڵی باڵای فەیلەقەکەی سەر بە سوپای پاسداران ئەو هەوڵە دژی گیراوەتە بەر.

لە ڕاگەیەنراوەکەی وەزارەتی دەرەوەی ئەمریکادا هاتووە، "فەیلەقی قودسی سوپای پاسداران بەشێوەیەکی خراپ سوودیان لە عێراق وەرگرتووە بە مەبەستی بەرەو پێشبردنی بەرژەوەندییەکانیان لەسەر حسابی خەڵکی عێراق، فەیلەقی قودس سەرەکیترین ئامرازی ئێرانە بۆ تێکدانی سەقامگیریی ناوچەکە و هەنگاوەکانی ئەو ناوەندە بەردەوامن لەوەی ئاسایش، سەروەری و خۆشگوزەرانی عێراق لاوازبکەن".

ئەمریکا دەڵێت، "مەسجیدی بۆ ماوەی چەندین ساڵ یارمەتیدەر بووە بۆ ئاراستەکردنی کارەکانی فەیلەقی قودس لە عێراق، لەوانەش ڕاهێنان و پێشکەشکردنی پاڵپشتی بە گروپە شیعەکان و کارئاسانیکردن بۆ مامەڵەی گەورەی دارایی کە فەیلەقی قودس تێیاندا بەشداربووە. 


لەبارەی هۆکاری سزاکەیەوە ئەمریکا ئیرەج مەسجدی بەوە تۆمەتبارکردووە کە سودی لە پێگە دیبلۆماتیەکەی وەرگرتووە و هەوڵداوە بە سودی سوپای پاسداران و ئێران مامەڵە داراییەکانی گروپە چەکدارە شیعەکان ڕێکبخات.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©