پرس میدیا
به‌ڕێوه‌به‌ری چاودێریی بازرگانی هه‌ولێر رایگەیاند، لە ئێستادا ژمارەی سایلۆکانی هەرێم بەشی هەڵگرتنی گەنمی جوتیاران ناکات، بۆیە حكومه‌تی هه‌رێم پێنج سایلۆی نوێ به‌گوێره‌ی پێویستی شاره‌كان و ژماره‌ی جوتیاران دروستده‌كات.
هێمن سه‌ید موراد به‌ڕێوه‌به‌ری چاودێریی بازرگانیی هه‌ولێر به ماڵپه‌ڕی پارتی راگه‌یاندووە، "ئێستا له هه‌ولێر یه‌ک سایلۆ و له دهۆک سێ سایلۆ و له سلێمانی چوار سایلۆ هه‌یه كه ئه‌مه‌ش به‌شی هه‌ڵگرتنی گه‌نمی جوتیاران ناكات."
ئەوەشی خستووەتەڕوو، "بۆ گرنگیدان به به‌رهه‌می جوتیاران و پاراستنی گه‌نم وه‌ک سه‌رچاوه‌یه‌كی سه‌ره‌كی خۆراك و ئاسایشی نه‌ته‌وه‌یی، حكومه‌تی هه‌رێم پێنج سایلۆی نوێ دروستده‌كات، كه له سه‌رجه‌م شاره‌كانی هەرێم و به‌گوێره‌ی پێویستی شاره‌كان و ژماره‌ی جوتیاران و قه‌باره‌ی سایلۆ‌كان ده‌بێت."
ئاماژەی بەوەشکردووە، "له‌ماوه‌ی چه‌ند مانگی داهاتوودا سایلۆیه‌كی دیكه له‌سه‌ر رێگای قوشته‌په ده‌خرێته خزمه‌ت جوتیارانی سنوری پارێزگای هه‌ولێر، به‌م شێوه‌یه‌ش ژماره‌ی سایلۆكانی هه‌ولێر ده‌بنه دوو سایلۆ."
ليست هناك تعليقات:
إرسال تعليق