موقتەدا سەدر:"پێویستە رێگە بە كەسانی خراپەكار نەدرێت رەوشی ئەمنی عێراق بشڵەژێنن" - پرس میدیا

إعلان فوق المشاركات

موقتەدا سەدر:"پێویستە رێگە بە كەسانی خراپەكار نەدرێت رەوشی ئەمنی عێراق بشڵەژێنن"

موقتەدا سەدر:"پێویستە رێگە بە كەسانی خراپەكار نەدرێت رەوشی ئەمنی عێراق بشڵەژێنن"

پرس میدیا
موقتەدا سەدر ڕابەری رەوتی سەدر رایگەیاند، كەسانی خراپەكار كە لە لایەن لایەنی دەرەكییەوە پاڵپشتی دەكرێن و دزەیان كردووەتە نێو خۆپیشاندەرانەوە، خۆپیشاندانەكانیان لە رێرەوی ئاشتییانە دەركردووە.

موقتەدا سەدر سەبارەت بەو خۆپیشاندانانەی كە ئەمڕۆ لە بەغدا و ژمارەیەكی شاری دیكەی عێراق لە یەكەمین ساڵیادی خۆپیشاندانەكانی تشرینی یەكەمی 2019دا، ئەنجامدران پەیامێکی لە تویتەر بڵاوكردەوە.

ڕابەری سەدرییەکان نووسیوویەتی: "كەسانی خراپەكار كە لە لایەن لایەنی دەرەكییەوە پاڵپشتی دەكرێن و دزەیان كردووەتە نێو خۆپیشاندەرانەوە، خۆپیشاندانەكانیان لە رێرەوی ئاشتییانە دەركردووە، بە تایبەتیش دوای ئەوەی حكوومەتی عێراق بەڵێنی دابوو كە هێزە ئەمنییەكان بەرامبەر خۆپیشاندەران پڕچەك نەكات".

هەروەها رایگەیاندووە "پێویستە حكوومەتی عێراق رێگە بە كەسانی خراپەكار نەدات رەوشی ئەمنی وڵات بشڵەژێنن، ئەگەر نا ئەوا بەڵگەیە لەسەر دەست تێكەڵكردن لەگەڵ ئەجندای دەرەكیی".

ئەمڕۆ یەكشەممە لە یەكەمین ساڵیادی خۆپیشاندانەكانی 25ی تشرینی یەكەمی 2019دا، خۆپیشاندان لە شاری بەغدا و ژمارەیەك لە شارەكانی دیكەی باشوور و ناوەڕاستی عێراق ئەنجام دران.

لە 25ی تشرینی یەكەمی 2019دا، خۆپیشاندان لە بەغدای پایتەخت و ژمارەیەك پارێزگای دیكەی عێراق بەڕێوەچوو كە بەھۆیەوە حكوومەتی پێشوو بە سەرۆكایەتی عادل عەبدولمەھدی ناچار بە دەستلەكاركێشانەوە كرا.

بەپێی ئامارەكانی حكوومەتی عێراق لە میانی خۆپیشاندانەكاندا، ٥٦٥ كەس لە خۆپیشاندەران و ھێزە ئەمنییەكان كوژراون.




ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©