پرس میدیا
ڤلادیمير پوتين سەرۆكى رووسيا رايگەياند پێويستە ئازەربايجان و ئەرمينيا بگەڕێنەوە سەر مێزى گفتوگۆ و چارەسەری کێشەکانی نێوانیان بکەن.
پوتين، لە ميانى بەشداريكردنى لە چالاكى "رووسيا بانگەواز دەكات" کە لە رێگەى ڤيديۆ كۆنفرانسەوە بەڕێوەچوو، وەڵامى پرسيارەكانى نوێنەرانى كۆمپانياكانى وەبەرهێنانى دايەوە.
پوتينن بەرگریی لەوە كردەوە كە يەكەم پێكدادان لە قەرەباغ لە بابەتى نەتەوايەتييەوە دەستی پێكردووە و وتى، "ئيدارەى يەكێتى سۆڤێتيش، بڕيارێكى كاريگەريان وەرنەگرتووە كە ئاسايشى خەڵكەكە بپارێزێت، ئەرمينيا خۆى چەكى گرتووەتە دەست و هەنگاوى ناوە".
سەرۆكى رووسيا، سەبارەت بە چارەسەر قەيرانەكە جەختى لەوە كردەوە كە سەرەتا پێويستە پێكدادانەكان بوەستێنرێن و هەردوولا لەسەر مێزى گفتوگۆ دابنيشن و وتى، "پێويستە ئازەربايجان و ئەرمينيا، لە چوارچێوەى گرووپى مينسك كە توركياشى تێدايە، لە رێگەى گفتوگۆوە بگەن بە چارەسەر".
ماوەی زیاتر لە مانگێکە بەهۆی دەستوەردانی تورکیا لە کێشەکانی نێوان ئەرمینیا و ئازەربایجان شەڕی ئەو دوو وڵاتە دەستیپێکردووەتەوە و تا ئێستا چەند جارێک هەوڵی ڕاگرتنی شەڕەکە دراوە بەڵام سەرکەوتوو نەبووە.
ليست هناك تعليقات:
إرسال تعليق