فەرەنسا 50 چەکداری لە گروپێکی "توندڕەویی ئیسلامیی" کوشت - پرس میدیا

إعلان فوق المشاركات

فەرەنسا 50 چەکداری لە گروپێکی "توندڕەویی ئیسلامیی" کوشت

فەرەنسا 50 چەکداری لە گروپێکی "توندڕەویی ئیسلامیی" کوشت



پرس میدیا

وەزارەتی بەرگری فەڕەنسا، کوشتنی 50 چەکداری لە ئەندامانی گروپی "ئەنسار" لە سنوری نێوان مالی و بۆکینافاسۆ ڕاگەیاند و ئەوەشی وەکو گورزێکی گەورە کە بەر ئەو گروپە کەوتووە لەقەڵەمدا. 

ساڵانێکی زۆرە چەند گروپێکی ئیسلامیی توندڕەو لە وڵاتانی وەکو (مالی، بۆرکینافاسۆ، نەیجەر) دەستیان بە چالاکیی کردووە دژی هەژموونی فەرەنسا بەسەر ئەو وڵاتانەوە، لە هەندێک قۆناغدا چالاکی گەورەیان دژی حکومەتەکەی پاریس ئەنجامداوە و چەند جارێکیش لەگەڵی کەوتوونەتە گفتوگۆ و دانوستاوە، بەڵام لەم ماوەی ڕابردوودا بەهۆی وتەکانی ماکرۆن و کاردانەوەی وڵاتانی ئیسلامییەوە، ئەو گروپە توندڕەوانە دەستیان بە هەڕەشەکردن لە حکومەتی فەرەنسا کردبوویەوە. 

فلۆرانس بارلی، وەزیری بەرگریی فەرەنسا بە میدیاکانی وڵاتەکەی ڕاگەیاند کە ڕۆژی 30ی مانگی ڕابردوو –ئۆکتۆبەر- وڵاتەکەی توانیویەتی 50 چەکداری توندڕەوی سەر بە گروپی ئەنسارولئیسلام بکوژن لە سنوری نێوان مالی و بۆکینافاسۆ. 

لە قسەکانیدا، وەزیری بەرگری فەرەنسا کە لەدوای کۆبوونەوەی بوو لەگەڵ بەرپرسانی حکومەتە ڕاگوزەرەکەی مالی، ئاماژەی بەوەکرد "ئەو چالاکیەی تیمی برخانی سەر بە وەزارەتی بەرگری فەرەنسا، گورزێکی گەورەبووە کە بەر گروپە توندڕەوەکان کەوتووە و زیانێکی زۆرمان پێ گەیاندوون". 

گروپی ئەنسارولئیسلام پێشتر بەرپرسیارێتی خۆی لە ئەنجامدانی دەیان کردەوە و چالاکیی "تێکدەرانە" ڕاگەیاندبوو، هەریەک لە حکومەتەکانی بۆکینافاسۆ و مالی و نەیجەر، لەلایەن گروپەکەوە بەئامانج گیراون و زیانیان پێ گەیەنراوە. 

فەرەنسا پشتیوانی ئەو سێ حکومەتە دەکات دژی گروپە توندڕەوەکە، بارلی جەخت دەکاتەوە کە دەسەڵاتدارانی نوێی مالی سوورن لەسەر لەناوبردنی "گروپە تیرۆرستییەکە" ئەوەشی وەکو نیشانەیەک لەقەڵەمدا بۆ لەناوچوونی ئەو گروپە لەداهاتوویەکی نزیکدا. 

سەرچاوەیەکی سەربازیی فەرەنسیی، لەبارەی هێرشەکەوە قسەی بۆ ئاژانسی فرانس پرێس کردووە، ئاماژەی بەوەکردووە کە لە هێرشەکەدا، دەست بەسەر 50 پارچە چەکی جیاوازدا گیراوە و 30 ماتۆرسکیل بە تەواویی تێکشکێنراون کە لەلایەن چەکدارەکانی گروپی "ئەنسار"ەوە بەکاردەهێنران. 

لە وڵاتانی ئەفریقییدا چەندین گروپی توندڕەوی ئیسلامیی چالاکییان هەبووە، زۆرێک لە گروپەکان لە ماوەی ساڵانی 2001 تا 2017 دامەزراون، چالاکییەکانی ئەو گروپانە دژی هەژموونی وڵاتانی ئەوروپی و ئەو حکومەتانە بوون کە لەلایەن وڵاتانی ئەوروپییەوە پشتیوانییکراون. 

هێرشی فراوانی سوپای فەرەنسا بۆسەر ئەو گروپە چەکدارە توندڕەوانە، هاوکاتە لەگەڵ ئەو کاردانەوانەی کە لەدوای قسەکانی ماکرۆنی سەرۆکی فەرەنساوە هاتنەئاراوە، لەو چوارچێوەیەشەدا 16-10-2020، گەنجێکی چیچانی لە پاریس سەری مامۆستاکەی خۆی بڕی، بەهۆی ئەوەی لە وانەیەکدا لەبارەی ئازادیی رادەربڕین، وێنەیەکی کاریکاتێری پێغەمبەری ئیسلامی نیشانی خوێندکارەکانی دابوو. دوای چەند رۆژێکیش لەو رووداوە، لە شاری نیسی باشووری رۆژهەڵاتی فەرەنسا، گەنجێکی تونسیی تەمەن 21 ساڵ بە چەقۆ هێرشی کردە سەر کەنیسەی نۆتردام دونیس و سێ کەسی کوشت، دوێنێش لە ڤییتەنای پایتەختی نەمسا ژمارەیەک چەکدار بە چەکی ڕەشاس هێرشیان کردە سەر شەش شوێنی جیاواز و سێ کەسیان کوشت و چەندانی تریشیان بریندار کرد.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©